టాటా నానో EV: 312 కి.మీ. రేంజ్, ఎయిర్ బ్యాగులు.. ఇన్ని ఫీచర్లు ఇంత తక్కువ ధరలోనా

సామాన్యుల కారు కలను నెరవేర్చిన రతన్ టాటా కలల ప్రాజెక్ట్ టాటా నానో ఆటోమొబైల్ ఒకప్పుడు మార్కెట్లో సంచలనం సృష్టించింది. అప్పట్లో రూ.1 లక్షకే కారు అని సంచలనం. కానీ ఈ కారు అనుకున్నంతగా ఆకట్టుకోలేదు. ఇప్పుడు కొత్త వెర్షన్‌లో టాటా నానో వస్తోంది.

టాటా నానో EVని ఆకర్షణీయమైన ఫీచర్లతో ఎలక్ట్రిక్ వెర్షన్‌లో తీసుకురావడానికి టాటా సిద్ధమవుతోంది. ఈ కారు గురించి చాలా వార్తలు వచ్చాయి. కానీ కంపెనీ ఇప్పటివరకు అధికారిక ప్రకటన చేయలేదు. అయితే ఇటీవల ఈ కారు లాంచ్ గురించి ప్రకటించింది. ఈ ఏడాది చివర్లో లేదా వచ్చే ఏడాది ప్రారంభంలో నానో EVని మార్కెట్లోకి తీసుకురాబోతున్నట్లు టాటా ప్రకటించింది.

దీంతో మళ్ళీ టాటా నానో కారు గురించి చర్చ మొదలైంది. ఈ కారు ప్రజలను ఆకట్టుకుంటుందని కంపెనీ ధీమా వ్యక్తం చేసింది. దీనికి కారణం దాని ఫీచర్లే. ఇది తక్కువ ధర కంటే మధ్యస్థాయి కారు కావచ్చు. టాటా నానో EV 15 kWh బ్యాటరీతో వస్తుంది.

ఈ కారు ఒక్కసారి ఛార్జ్ చేస్తే 312 కి.మీ. వెళ్తుందట. గంటకు 120 కి.మీ. వేగంతో ప్రయాణిస్తుంది. 4 సీట్లతో వచ్చే ఈ కారులో 7 ఇంచ్ టచ్ స్క్రీన్ ఇన్ఫోటైన్‌మెంట్ సిస్టమ్ ఉంటుంది. 6 స్పీకర్లు కూడా ఉంటాయి. పవర్ స్టీరింగ్, పవర్ విండోస్ కూడా ఉన్నాయి.

యాంటీ-లాక్ బ్రేక్ సిస్టమ్ ఉన్న ఈ కారు 0 నుంచి 100 కి.మీ. వేగాన్ని కేవలం 10 సెకన్లలోనే అందుకుంటుంది. ఎయిర్‌బ్యాగ్‌లు కూడా ఉంటాయి. ఈ కారు బేస్ వేరియంట్ ధర రూ.3.5 లక్షలు ఉంటుందని అంచనా. టాప్ వేరియంట్ ధర రూ.5 లక్షల నుంచి రూ.8 లక్షల వరకు ఉండవచ్చు.