Cheapest Diesel MPV India: సేఫ్టీలో తోపు.. మైలేజ్ లో కింగ్.. ఇండియాలోనే చీపెస్ట్ 5 స్టార్ డీజిల్ కారు వచ్చేసింది !

Cheapest Diesel MPV India : దేశంలోనే అత్యంత చౌకైన డీజిల్ కారు (MPV) కియా కారెన్స్ క్లావిస్. 6, 7 సీటర్ ఆప్షన్లు, 870 కిమీ మైలేజ్, సులభమైన ఈఎంఐ ఆఫర్లతో అందుబాటులోకి వచ్చింది. ఈ కారు పూర్తి వివరాలు మీకోసం.

Image Credit : X/Gogi Tech (Rajeev)

లీటరుకు బంపర్ మైలేజ్.. తక్కువ ధరలోనే 7 సీటర్ కియా కొత్త డీజిల్ కారు

భారతదేశంలో ఇంధన ధరలు ఆకాశాన్ని తాకుతున్నాయి. దీంతో చాలామంది వాహనదారులు ఎలక్ట్రిక్ వాహనాల వైపు మొగ్గు చూపుతున్నారు. అయితే, లాంగ్ జర్నీలు చేసేటప్పుడు ఈవీలకు సరిపడా ఛార్జింగ్ ఇన్‌ఫ్రాస్ట్రక్చర్ ఇంకా పూర్తిస్థాయిలో అందుబాటులోకి రాలేదు. అందుకే, సుదూర ప్రాంతాలకు ప్రయాణించే వారికి ఇప్పటికీ డీజిల్ వాహనాలే బెస్ట్ ఛాయిస్ గా మారుతున్నాయి.

డీజిల్ కార్లపై రూల్స్ కఠినంగా మారుతున్నప్పటికీ, మార్కెట్లో కొన్ని బెస్ట్ డీజిల్ ఎంపీవీలు ఫ్యామిలీస్ ను బాగా ఆకట్టుకుంటున్నాయి. ఆ లిస్టులో దేశంలోనే అత్యంత చౌకైన డీజిల్ కారుగా కియా కారెన్స్ క్లావిస్ (Kia Carens Clavis) నిలిచింది. ఈ కారు ధర, మైలేజ్, ఫీచర్లు, అలాగే ఈజీ ఈఎంఐ ప్లాన్స్ గురించిన పూర్తి వివరాలు గమనిస్తే..

Image Credit : kia

కియా కారెన్స్ క్లావిస్ ధరల వివరాలు

భారత మార్కెట్లో మూడు ఇంజన్ ఆప్షన్లతో లభిస్తున్న కియా కారెన్స్ క్లావిస్ ధర రూ. 11.23 లక్షల నుండి ప్రారంభమై టాప్ వేరియంట్ రూ. 21.67 లక్షల (ఎక్స్ షోరూమ్) వరకు ఉంది. ముఖ్యంగా, ఈ కారు ఎంట్రీ లెవల్ డీజిల్ ఎడిషన్ ఆన్ రోడ్ ధర హైదరాబాద్ లో దాదాపు రూ. 16,36,000 గా ఉంది. ఇందులో ఎక్స్ షోరూమ్ ధర రూ. 13,23,000 కాగా, రిజిస్ట్రేషన్ ఛార్జీలు దాదాపు రూ. 2,42,000, ఇన్సూరెన్స్ కోసం రూ. 53,000, ఇతర ఖర్చులు రూ. 17,000 వరకు యాడ్ అవుతాయి.

Image Credit : kia

బంపర్ ఈఎంఐ ఆప్షన్స్ ఇవే

సాధారణంగా బ్యాంక్ లోన్ ద్వారా కారు కొనాలనుకునే వారు, ఎక్కువ అమౌంట్ డౌన్ పేమెంట్ గా చెల్లిస్తే వడ్డీ భారం తగ్గుతుంది. మీ సిబిల్ స్కోర్ బాగుంటే, బ్యాంకులు 7.45 శాతం వడ్డీ రేటుతోనే వెహికల్ లోన్స్ ఇస్తున్నాయి. ఒకవేళ మీరు రూ. 10.36 లక్షలను డౌన్ పేమెంట్ గా చెల్లించి, ఎంట్రీ లెవల్ డీజిల్ వేరియంట్ ను ఎంచుకుంటే, మిగిలిన రూ. 6 లక్షల మొత్తానికి మాత్రమే లోన్ తీసుకోవాల్సి ఉంటుంది.

ఈ రూ. 6 లక్షల లోన్ పై 8 శాతం వడ్డీ రేటుతో 7 సంవత్సరాల కాలపరిమితిని ఎంచుకుంటే, మీరు ప్రతి నెలా కేవలం రూ. 9,300 ల ఈఎంఐ చెల్లిస్తే సరిపోతుంది. ఈ ప్లాన్ లో అసలు కాకుండా అదనంగా రూ. 1.85 లక్షలు వడ్డీ రూపంలో చెల్లిస్తారు. అంటే మొత్తంగా రూ. 18.10 లక్షలు పే చేసి ఈ డీజిల్ కార్ ను మీ సొంతం చేసుకోవచ్చు. ఒకవేళ తక్కువ డౌన్ పేమెంట్ కావాలనుకుంటే, రూ. 1.60 లక్షల నుండి రూ. 1.81 లక్షల వరకు ముందస్తుగా చెల్లించి, నెలకు రూ. 25,000 వరకు ఈఎంఐ కట్టే ప్లాన్ ను కూడా సెలెక్ట్ చేసుకోవచ్చు.

Image Credit : kia

870 కిలోమీటర్ల అదిరిపోయే మైలేజ్

ఈ కారులో 1.5 లీటర్ల 4 సిలిండర్ టర్బోచార్జ్డ్ డీజిల్ ఇంజన్ ను అమర్చారు. ఇది 114bhp పవర్, 250Nm టార్క్ ను జనరేట్ చేస్తుంది. ఇందులో 6 స్పీడ్ మాన్యువల్, 6 స్పీడ్ టార్క్ కన్వర్టర్ ఆటోమేటిక్ ట్రాన్స్‌మిషన్ అనే రెండు ఆప్షన్లు ఉన్నాయి. మాన్యువల్ వేరియంట్ లీటరుకు 19.54 కిలోమీటర్ల మైలేజ్ ఇస్తుండగా, ఆటోమేటిక్ వేరియంట్ 17.50 కిలోమీటర్ల మైలేజ్ ఇస్తుంది. దీనిలోని 45 లీటర్ల డీజిల్ ట్యాంక్ ను ఫుల్ చేస్తే, ఎలాంటి బ్రేక్స్ లేకుండా ఏకంగా 740 నుండి 875 కిలోమీటర్ల దూరం వరకు హ్యాపీగా ప్రయాణించవచ్చు. హైవేలపై స్పీడ్ మార్చకుండా వెళ్తే మైలేజ్ 1000 కిలోమీటర్లు దాటినా ఆశ్చర్యపోనక్కర్లేదు.

Image Credit : Kia

నెక్స్ట్ లెవెల్ ఫీచర్లు, సీటింగ్ కెపాసిటీ

పెద్ద కుటుంబాలకు సరిపోయేలా ఈ కారును 6 సీటర్, 7 సీటర్ కాన్ఫిగరేషన్లలో విక్రయిస్తున్నారు. ఇందులో అధునాతన 12.25 ఇంచ్ లేదా 12.3 ఇంచ్ హెచ్‌డీ టచ్‌స్క్రీన్ ఇన్ఫోటైన్‌మెంట్ సిస్టమ్, అంతే సైజు ఉన్న డిజిటల్ డ్రైవర్ క్లస్టర్ ఉన్నాయి. ఇంకా వెంటిలేటెడ్ ఫ్రంట్ అండ్ రియర్ సీట్లు, డ్యూయల్ పాన్ పనోరమిక్ సన్ రూఫ్, 64 కలర్స్ యాంబియంట్ లైటింగ్, 8 స్పీకర్ల బోస్ ప్రీమియం సౌండ్ సిస్టమ్, కప్ హోల్డర్లతో కూడిన రీట్రాక్టబుల్ సీట్ బ్యాక్ టేబుల్స్, రియర్ సన్ షేడ్స్, వైర్‌లెస్ స్మార్ట్‌ఫోన్ ఛార్జర్, మల్టిపుల్ ఛార్జింగ్ పోర్టులు వంటి ఎన్నో లగ్జరీ ఫీచర్లు ఉన్నాయి.

Image Credit : Kia Motors

తిరుగులేని సేఫ్టీ ఫీచర్లు

ప్రయాణికుల భద్రత కోసం అన్ని వేరియంట్లలో 6 ఎయిర్‌బ్యాగ్‌లను స్టాండర్డ్‌గా ఇచ్చారు. వీటితో పాటు ఆల్ వీల్ డిస్క్ బ్రేకులు, ఎలక్ట్రానిక్ స్టెబిలిటీ కంట్రోల్, వెహికల్ స్టెబిలిటీ మేనేజ్‌మెంట్, హిల్ స్టార్ట్ అసిస్ట్, టైర్ ప్రెజర్ మానిటరింగ్ సిస్టమ్, బ్లైండ్ వ్యూ మానిటర్‌తో కూడిన 360 డిగ్రీ కెమెరా, ఫ్రంట్ అండ్ రియర్ పార్కింగ్ సెన్సార్లు ఉన్నాయి. దీని ఎలక్ట్రిక్ ఎడిషన్‌లో స్టాప్ అండ్ గో ఫీచర్‌తో కూడిన స్మార్ట్ క్రూయిజ్ కంట్రోల్, ఫార్వర్డ్ కొలిజన్ అయాడెన్స్ అసిస్ట్, లేన్ కీప్ అసిస్ట్ వంటి 20 అటానమస్ ఫీచర్లు గల లెవెల్ 2 ఏడీఏఎస్ సిస్టమ్ కూడా ఉంది.