జస్ట్ రూ. 20వేల పెట్టుబడితో నెలకు రూ. 50 వేల ఆదాయం.. ఖాళీ స్థలం ఉంటే చాలు
యువత ఆలోచన మారుతోంది. వ్యాపారం వైపు మొగ్గు చూపే వారి సంఖ్య పెరుగుతోంది. ఆధునిక పద్ధతుల్లో వ్యవసాయం చేస్తూ భారీగా ఆర్జిస్తున్నారు. మీరు కూడా ఇదే ఆలోచనతో ఉన్నారా.? అయితే మీకోసం ఒక మంచి బిజినెస్ ఐడియా గురించి ఈరోజు తెలుసుకుందాం..
మార్కెట్కి వెళ్లిన వారు ఏవి కొన్ని కొనకపోయినా కచ్చితంగా కొత్తిమీరతో పాటు పుదీనను కొనుగోలు చేస్తుంటారు. ఇంట్లో నాన్ వెజ్ వండుతుంటే కచ్చితంగా పుదీనా ఉండాల్సిందే. అందుకే పుదీనాకు భారీగా డిమాండ్ ఉంటుంది. ఇందులోని ఔషధ గుణాలు ఆరోగ్యానికి ఎంతో మేలు చేస్తాయి. మరీ ముఖ్యంగా సమ్మర్లో పుదీనాకు డిమాండ్ ఎక్కువగా ఉంటుంది. ఇలాంటి పుదీనా సాగును చేపడితే లాభాల వర్షం కురవాల్సిందే. ఇంతకీ పుదీనా సాగు ప్రారంభించడానికి ఎంత పెట్టుబడి కావాలి.? లాభాలు ఎలా ఉంటాయి.? లాంటి పూర్తి వివరాలు మీకోసం.
పుదీనాను సాగు చేయడానికి భూమి తక్కువ ఉన్నా పర్లేదు. పెద్దగా పెట్టుబడి అవసరం ఉండదు. పుదీనా కట్టలను తీసుకొని వాటిని కత్తిరించి విత్తనంగా నాటుకోవచ్చు. కేవలం నెల రోజుల వ్యవధిలోనే దిగుబడి రావడం పుదీనా ప్రత్యేకతగా చెప్పొచ్చు. ఒక్కసారి పుదీనా మొక్కలను నాటితే దిగుబడి పెరుగుతూనే ఉంటుంది. 5 నుంచి 6 ఏళ్ల వరకు దిగుబడి వస్తూనే ఉంటుంది.
ఇక పుదీనా సాగుకు నీరు కూడా ఎక్కువగా అవసరం ఉండదు. డ్రిప్ ద్వారా తక్కువ మొత్తంలో నీటిని అందిస్తే సరిపోతుంది. మూడు రోజులకు ఒకసారి నీటిని అందించినా పర్లేదు. ఇక పెట్టుబడి విషయానికొస్తే భూమిని దున్నడానికి, పశువుల ఎరువులు, ఫర్టిలైజర్స్, పుదీనా కాడలు ఇలా అన్ని కలుపుకున్నా రూ. 20వేలు ఉంటే సరిపోతుంది. ఒకవేళ సొంత పొలం లేకపోయినా కౌలుకు తీసుకొని అయినా పుదీనా సాగు ప్రారంభించవచ్చు.
ఆదాయం విషయానికొస్తే.. పుదీనా సాగుతో ప్రతీ రోజూ ఆదాయం ఉంటుంది. మీరే స్వయంగా మార్కెట్కి వెళ్లి విక్రయించుకోవచ్చు. లేదంటే మార్కెట్లో ఉండే వారికి హోల్సేల్లో కూడా అమ్ముకోవచ్చు. అద్దెకరంలో పుదీనాను పండించినా తక్కువలో తక్కువ నెలకు రూ. 50 వేల ఆదాయం వస్తుంది. ఇక ఓవైపు పుదీనాను తెంపుతున్నా కొద్దీ మరోవైపు పెరుగుతూనే ఉంటుంది. కాబట్టి తక్కువ పెట్టుబడితో మంచి ఆదాయాన్ని ఆర్జించవచ్చు.
నోట్: ఈ వివరాలను కేవలం ఇంటర్నెట్ వేదికగా అందుబాటులో ఉన్న సమాచారం ఆధారంగా అందించడం జరిగింది. ఇప్పటికే ఈ రంగంలో అనుభవం ఉన్న వారిని నేరుగా సంప్రదించి పూర్తి వివరాలు తెలుసుకున్న తర్వాత వ్యాపారాన్ని ప్రారంభించడం ఉత్తమం.