OTP SMS సేవలు నిలిచిపోతాయా? TRAI కొత్త రూల్ ఎంత కఠినంగా ఉందో తెలుసా?

ఇప్పటి వరకు మీ ఫోన్లకి ఓపీటీలు వస్తుండేవి కదా..  గ్యాస్ బుకింగ్, బ్యాంక్ పనులు, ఆన్ లైన్ లో ఏదైనా  వస్తువులు కొన్నప్పుడు మెసేజ్ రూపంలో వచ్చిన ఓటీపీలు ఎంటర్ చేయాల్సి వచ్చేది. అయితే TRAI కొత్త నియమం వల్ల ఇకపై ఎవరి మొబైల్స్ కి ఓటీపీలు రాకపోవచ్చు. ఇంత కఠిన నియమం వల్ల బిజినెస్ లు జరగవని వ్యాపార రంగాల నిపుణులు ఆందోళన వ్యక్తం చేస్తున్నారు. TRAI కొత్త నియమం గురించి మరిన్ని వివరాలు ఇక్కడ తెలుసుకోండిా.

TRAI కొత్త రూల్ మరింత కఠినంగా ఉంది. అయితే ఈ రూల్ ప్రజలను ఆన్ లైన్ మోసాల నుంచి కాపాడేవిగానే ఉంది. కాని పలు ఈ-కామర్స్ కంపెనీలు, టెలికాం కంపెనీలకు ఇది తీవ్ర ఆటంకాన్ని కలిగించవచ్చు. ఎందుకంటే ఓటీపీలు ఎంటర్ చేయకుండా బ్యాంకుల లావాదేవీలు జరగవు. వస్తువుల విక్రయాలు నమ్మకంగా చేయలేరు. అందువల్ల ట్రాయ్ నియమం అమలు లోకి వస్తే టెలికాం కంపెనీలు తమ వ్యాపార సంబంధమైన SMSలను పంపలేవు. భారతీయ టెలికాం నియంత్రణ సంస్థ(TRAI) కొత్త నియమం నవంబర్ 1 నుండి అమలులోకి రానుంది. దీంతో  భారతదేశంలోని టెలికాం ఆపరేటర్లు ఆందోళన వ్యక్తం చేస్తున్నారు.

ట్రాయ్ ఏం చెబుతోందంటే.. బ్యాంకులు, ఈ-కామర్స్ సైట్‌లు, ఇతర ఆర్థిక సంస్థల నుండి వచ్చే లావాదేవీ, సర్వీస్ మెసేజ్ లను ఇంతకు ముందు వరకు ఎటువంటి నిబంధనలు లేకుండా పంపేది. అయితే ఇలాంటి ఓటీపీ మెసేజస్ లను ఉపయోగించుకొని ఆన్ లైన్ మోసాలు ఎక్కువగా చేస్తున్నారు. వీటిని అరికట్టడం కోసం ఆ సందేశాలన్నీ ఫిల్టర్ చేయాల్సి ఉంటుంది. ఈ క్రమంలో లావాదేవీలు నిలిచిపోయే ప్రమాదం ఉంటుంది. 

టెలిమార్కెటర్లు, టెలికాం సంస్థలు ఈ నియమం అమలు చేయడానికి ఇంకా సిద్ధంగా లేవు. మెసేజ్ లు ఫిల్టర్ చేసి పంపించే క్రమంలో జరిగే ఆలస్యం వల్ల వినియోగదారుల నుంచి వ్యతిరేకత ఎదురవుతుందని వ్యాపారులు అంటున్నారు. భారతీయ సెల్యులార్ ఆపరేటర్ల సంఘం (COAI) ఈ సమస్యపై TRAIకి ఇప్పటికే విజ్ఞప్తి చేసింది. సెక్యురిటీ, సేఫ్టీ కోసమే ఈ నియమాన్ని తెచ్చినప్పటికీ వెంటనే తాము అమలు చేయలేమని, తేదీని పొడిగించాలని కోరింది. భారతీయ సెల్యులార్ ఆపరేటర్ల సంఘంలో జియో, ఎయిర్‌టెల్, వోడాఫోన్-ఐడియా వంటి టెలికాం కంపెనీలు ఉన్నాయి.

TRAI  నిబంధన ఏమిటంటే.. ట్రేస్ చేయలేని సందేశాలను కస్టమర్‌లకు చేరవేయడానికి టెలికాం కంపెనీలు అనుమతించకూడదని TRAI ఆదేశించింది. అయితే అంత స్ట్రాంగ్ సెక్యూరిటీ ఆపరేటింగ్ సిస్టమ్ ను తాము ఇంకా ఏర్పాటు చేసుకోలేదని టెలికాం ఆపరేటర్లు, టెలిమార్కెటర్లు, PEలు తెలిపాయి. దీన్ని బట్టి ట్రాయ్ నిబంధనలు అమలు చేస్తే OTPలు, ఇతర ముఖ్యమైన సమాచారం ఉన్న సందేశాలు ప్రజలకు చేరవు.

దేశవ్యాప్తంగా వివిధ కంపెనీలు రోజుకు సుమారు 1.5 నుంచి 1.7 బిలియన్ల వ్యాపార సందేశాలు పంపుతాయి. ఇవన్నీ ఎటువంటి సెక్యూరిటీ చెక్ లేకుండా కస్టమర్లకు పంపేవారు. వీటిని ఉపయోగించుకొని మోసగాళ్లు తప్పుడు లింకులు పంపి ప్రజల ఖాతాల్లో డబ్బులు కాజేసేవారు. ఈ ఆన్ లైన్ మోసాలు జరగకుండా ఉండాలంటే ట్రాయ్ నిబంధన అమలు చేయాలి. అప్పుడు ఓటీపీ ఎస్ఎంఎస్ లను చెక్ చేసి పంపాల్సి ఉంటుంది.  దీంతో ఓటీపీ మెసేజ్ లు రావడానికి ఎక్కువ సమయం పట్టవచ్చు లేదా అవి ఆలస్యంగా రావచ్చు. ఈ రూల్ వల్ల తమ వ్యాపారాలకు తీవ్ర ఆటంకం కలుగుతుందని వ్యాపారులు ఆందోళన వ్యక్తం చేస్తున్నారు. 

ఈ నియమాన్ని నవంబర్ 1 నుండి ‘లాగర్ మోడ్‌’లో అమలు చేయాలని, తప్పుడు సిగ్నల్స్ పంపితే, వాటిని గుర్తించి తగిన చర్య తీసుకోవచ్చని టెలికాం కంపెనీలు ట్రాయ్ కి సూచించాయి.

డిసెంబర్ 1 నాటికి ప్రకటన బ్లాక్‌ల పంపిణీ ‘బ్లాకింగ్ మోడ్‌’లోకి తీసుకు  వస్తామని టెలికాం కంపెనీలు హామీ ఇచ్చాయి. అందువల్ల కఠినమైన ఈ ట్రాయ్ నిబంధన నవంబర్ 1 నుంచి అమలు అవుతుందా లేక పోస్ట్ పోన్ అవుతుందా అనేది తెలియాల్సి ఉంది.