Smart watches: చేతికి చిన్న కంప్యూటర్ లాంటి స్మార్ట్ వాచ్ లు.. తక్కువ ధర, ఎక్కువ ఫీచర్లు

Smart watches: ఈ ఏడాది టెక్నాలజీ మన చేతుల్లోకి మరింత దగ్గరగా వచ్చేసింది. ఇప్పటి వరకు స్మార్ట్ ఫోన్ ఉంటే చాలనుకొనేవాళ్లం కదా.. ఇప్పుడు దాన్ని మించి చిన్న కంప్యూటర్ లాంటి స్మార్ట్‌వాచ్ లు మార్కెట్‌లోకి వచ్చేశాయి. ఇది మీ చేతికి ఎంత స్టైల్ గా ఉంటుందో, సమాచారం ఇవ్వడంలో కూడా అంత స్మార్ట్ గా పనిచేస్తుంది. కేవలం రూ.10,000 లోపు బెస్ట్ ఫీచర్లతో లభించే టాప్ స్మార్ట్‌వాచ్‌ల గురించి వివరంగా చూద్దాం రండి.

నాయిస్ కలర్ ఫిట్ ప్రో 5(Noise ColorFit Pro 5):
ఇది చూడటానికి ఎంత స్టైల్ గా ఉంటుందో వర్కింగ్ లో కూడా బెస్ట్ గా ఉంటుంది. ఇందులో 1.78-inch అమోలెడ్ డిస్‌ప్లే ఉండటం వల్ల పిక్చర్స్ క్లియర్ గా కనిపిస్తాయి. ఈ స్మార్ట్ వాచ్ లో నిద్రను చెక్ చేసే ఆప్షన్ ఉంది. అంతేకాకుండా గుండె వేగాన్ని పరిశీలిస్తుంది. అందువల్ల మీ ఆరోగ్య గురించి ఎప్పటికప్పుడు సమాచారం ఇస్తుంటుంది. అంతేకాకుండా  100+ స్పోర్ట్స్ మోడ్‌లు ఇందులో ఉన్నాయి. మీకు కావాల్సిన దానికి సెకన్లలో మారొచ్చు. ఈ స్మార్ట్ వాచ్ చాలా లైట్ వెయిట్ గా ఉంటుంది. వాడటానికి కూడా చాలా కంఫర్టబుల్ గా ఉంటుంది. వాచ్ ఫేస్‌  మార్చుకునే ఫెసిలిటీ కూడా ఇందులో ఉంది. ఇది ఒక్కసారి ఛార్జ్ చేస్తే 10 రోజుల వరకు బ్యాటరీ వస్తుంది.

రియల్ మి వాచ్ 4(Realme Watch 4):

కేవలం రూ.10 వేల బడ్జెట్‌లో ప్రీమియం ఎక్స్‌పీరియన్స్ ఇచ్చే ఆప్షన్స్ తో లభిస్తుంది ఈ స్మార్ట్ వాచ్. ఇది 1.8-inch చతురస్ర అమోలెడ్ డిస్‌ప్లే కలిగిఉంది. అందువల్ల విజువల్స్ క్లియర్ గా ఉంటాయి. SpO2 పర్యవేక్షణ, గుండె వేగం, వ్యాయామ పద్ధతులను తెలిపే మోడ్స్ ఇందులో ఉన్నాయి. మీ ఆరోగ్యంపై శ్రద్ధ వహించడానికి ఇవి ఉపయోగపడతాయి. ఈ స్మార్ట్ వాచ్ ఒక్కసారి ఛార్జ్ చేస్తే 12 రోజుల వరకు బ్యాటరీ వస్తుంది. స్మార్ట్ నోటిఫికేషన్లు, బ్లూటూత్ కాలింగ్ వంటి బెస్ట్ ఫెసిలిటీస్ ఇందులో ఉన్నాయి.

ఫైర్-బోల్ట్ ఇన్విన్సిబుల్ ప్లస్(Fire-Bolt Invincible Plus): 

తక్కువ బడ్జెట్ లో అధిక ఫీచర్స్ ఉన్న స్మార్ట్ వాచ్ ఇది. ఇందులో కూడా అమోలెడ్ డిస్‌ప్లే ఉపయోగించారు. అందుకే క్లియర్ విజన్‌ ఉంటుంది. ఇందులో క్రౌన్ తిరుగుతుంది. అందువల్ల ఉపయోగించడానికి చాలా ఈజీగా ఉంటుంది. 100+ స్పోర్ట్స్ మోడ్స్ ఉన్నాయి. ముఖ్యంగా వ్యాయామం చేసేవాళ్లకి ఇది బెస్ట్ స్మార్ట్ వాచ్. ఇందులో 4GB స్టోరేజ్ ఉంది. పాటలు కూడా సేవ్ చేసుకోవచ్చు. బ్లూటూత్ కాలింగ్ తో పాటు ఆరోగ్య పర్యవేక్షణ ప్రత్యేక ఫీచర్లు ఉన్నాయి. ఒక్కసారి ఛార్జ్ చేస్తే 7 రోజుల వరకు బ్యాటరీ వస్తుంది.

బోట్ ఎక్స్‌టెన్డ్ ప్రో(boAt Xtend Pro):

స్పోర్ట్స్ ఇష్టపడేవాళ్లకి బెస్ట్ ఛాయిస్ ఈ స్మార్ట్ వాచ్. స్టైలిష్ డిజైన్, 1.75-inch HD డిస్‌ప్లే కలిగిన ఈ స్మార్ట్ వాచ్ మీ చేతికి రెట్టింపు అందాన్నిస్తుంది. వాయిస్ కంట్రోల్ ఫెసిలిటీ ఉండటం వల్ల కాల్స్ ఈజీగా మాట్లాడొచ్చు. 700+ స్పోర్ట్స్ మోడ్‌లు కూడా ఇందులో ఉన్నాయి. గుండె వేగం, నిద్ర విధానం, మానసిక ఒత్తిడిని ట్రాక్ చేసే ఫెసిలిటీలు మీకు మంచి సమాచారాన్ని అందిస్తాయి. నీళ్లలో తడిసినా దీనికి ఏమీ కాదు. అందుకే ఇది ఆటగాళ్లకు బాగా ఉపయోగపడుతుంది. ఇది ఒకసారి ఛార్జ్ చేస్తే 10 రోజుల వరకు బ్యాటరీ వస్తుంది.