Government Schemes పెట్టుబడికి ఇవే టాప్ ప్రభుత్వ పథకాలు.. ఇంతకు మించి వడ్డీ మరెక్కడా దొరకదు!

పైసా పైసా కూడబెట్టుకున్న సొమ్మును అధిక రాబడినిచ్చే పథకాల్లో పెట్టుబడి పెట్టాలనుకుంటారు జనం. దాంతోపాటు పెట్టిన పెట్టుబడి సురక్షితంగా ఉండాలని కూడా  కూడా కోరుకుంటారు. అందుకు అనువుగా ఉండే 10 ప్రభుత్వ పథకాల పూర్తి వివరాలు మీకందిస్తున్నాం. వీటిపై పూర్తి అవగాహన ఉంటే పొదుపులో మీరు దూసుకెళ్లిపోవచ్చు.

పబ్లిక్ ప్రావిడెంట్ ఫండ్ (PPF)

దీర్ఘకాలిక పెట్టుబడికి ఇది చాలా మంచిది. స్థిరమైన రాబడి ఉంటుంది. చాలా మంది దీని మీద ఆధారపడతారు. 7-8% వడ్డీ అందిస్తారు. ఈ రాబడిపై పన్ను ఉండదు. ఎంత ఎక్కువ కాలం మదుపు చేస్తే కంపౌండింగ్ వడ్డీ అంత ఎక్కువగా వస్తుంది.

సుకన్య సమృద్ధి యోజన (SSY)

ఈ పథకం ఆడపిల్లలకు ఆర్థిక సహాయం చేసే ఉద్దేశంతో ప్రారంభించారు. 7.6% వరకు వడ్డీ ఇస్తారు. చిన్న మొత్తాల పొదుపు పథకాల్లో ఇది చాలా ముఖ్యమైనది. అమ్మాయిలు  చిన్న వయసు ఉన్నప్పటి నుంచే దీన్ని మొదలు పెట్టొచ్చు.

అటల్ పెన్షన్ యోజన (APY)

పదవీ విరమణ చేసిన వారినుద్దేశించి ఈ పథకం ప్రారంభించారు. ఇది రిటైర్మెంట్ తర్వాత పెన్షన్ ఇస్తుంది. డబ్బులు కట్టేవాళ్ళు 60 ఏళ్ళు వచ్చాక నెలకు రూ.1,000 నుంచి రూ.5,000 వరకు పెన్షన్ తీసుకోవచ్చు. మలి వయసులో ఆర్థిక భరోసానిచ్చే పథకం ఇది. 

జాతీయ పెన్షన్ సిస్టమ్ (NPS)

దీర్ఘకాలంలో మంచి రాబడి పొందాలంటే ఈ పథకంలో డబ్బులు పెట్టవచ్చు. పైగా ఆదాయపు పన్ను మినహాయింపు ఉంటుంది. ఇందులో ఈక్విటీ, డెట్ పెట్టుబడులు ఉంటాయి. ఎక్కువ రాబడి వస్తుంది. ఇన్వెస్టర్లు తమకు నచ్చినట్లు డబ్బులు పెట్టొచ్చు. దీని ద్వారా 10-12% రాబడి వస్తుంది. 

కిసాన్ వికాస్ పత్ర (KVP)

ఎలాంటి రిస్కు లేకుండా పదేళ్లలో పెట్టిన పెట్టుబడి రెట్టింపు కావాలంటే దీన్ని  ఎంచుకోవచ్చు. ఇది ఫిక్స్‌డ్ రిటర్న్ ఇన్వెస్ట్‌మెంట్. ఇన్వెస్టర్లు పెట్టిన డబ్బు 10 ఏళ్లలో రెట్టింపు అవుతుంది. ఇది చాలా మంచి పెట్టుబడి. టెన్షన్ ఫ్రీగా ఉంటుంది.

సీనియర్ సిటిజన్స్ సేవింగ్స్ స్కీమ్ (SCSS)

పదవీ విరమణ పొందిన ఉద్యోగులకు మంచి రాబడి కావాలంటే ఈ పథకం ఎంచుకోవచ్చు. రిటైర్ అయిన వాళ్లకి ఇది బెస్ట్ ఇన్వెస్ట్‌మెంట్. దీనిలో 8.2% వడ్డీ ఇస్తారు. ప్రతి మూడు నెలలకు ఒకసారి వడ్డీ తీసుకోవచ్చు. ఇది రిటైర్ అయిన వాళ్లకి చాలా ఉపయోగపడుతుంది.

ప్రధానమంత్రి వయా వందన యోజన (PMVVY)

భారతీయ జీవిత బీమా సంస్థ నిర్వహించే స్కీమ్ ఇది.  సీనియర్ సిటిజన్స్ కోసం ఉద్దేశించి ప్రారంభించారు. 60 ఏళ్లు పైబడిన ఎవరికైనా ఈ పెన్షన్ స్కీమ్ వర్తిస్తుంది.  దీనిలో 7.4% వడ్డీ ఇస్తారు. నెలకి, మూడు నెలలకి లేదా ఏడాదికి పెన్షన్ తీసుకోవచ్చు. కనీసం 15 లక్షలు పెట్టాలి అనేది నియమం.

లాడ్లీ లక్ష్మి యోజన

లాడ్లీ లక్ష్మి యోజన ప్రత్యేకంగా  ఆడపిల్లల కోసం ప్రారంభించారు. ఇది ప్రస్తుతం మధ్యప్రదేశ్, హర్యానాలో ఉంది. అమ్మాయిల చదువు, పెళ్లి సమయంలో డబ్బులు అందేలా ఈ పథకం ఉంటుంది.

పోస్టాఫీస్ నెలసరి ఆదాయ పథకం (POMIS)

నెలకు కొంత ఆదాయం కావాలనుకునే వాళ్లకి ఇది మంచిది. దీనిలో 7.4% వడ్డీ ఇస్తారు. మనం పెట్టిన పెట్టుబడి ఆధారంగా వడ్డీ అందుతుంది.

మహిళా సమ్మాన్ సేవింగ్స్ సర్టిఫికెట్ (MSSC)

ఇది మహిళల కోసం ప్రత్యేకంగా మొదలైన పథకం. కేవలం  2 ఏళ్లలో పూర్తవుతుంది. దీనిలో 7.5% వడ్డీ ఇస్తారు. స్వల్పకాలంలో ఇది చాలా మంచి పెట్టుబడిగా  భావిస్తారు. 

గమనిక: ఈ రిపోర్ట్ సమాచారం కోసం మాత్రమే. మీరు డబ్బులు పెట్టే ముందు ఎక్స్పర్ట్ సలహా తీసుకోండి.