సొంత కారు కూడా లేని ఫెమస్ రాజకీయ నాయకులు వీరే!

వారణాసి నియోజక వర్గం నుంచి వరుసగా మూడోసారి పోటీ చేయాలనుకుంటున్న ప్రధాని నరేంద్ర మోదీ మే 14న నామినేషన్ దాఖలు చేశారు. దీని ప్రకారం అతని ఆస్తులు 3.02 కోట్లు కాగా ఆయనకు సొంత భూమి, ఇల్లు, కారు కూడా లేదు.
 

కాంగ్రెస్ అధినేత రాహుల్ గాంధీకి కూడా సొంత కారు లేదు. కేరళలోని వాయనాడ్, ఉత్తరప్రదేశ్‌లోని రాయ్‌బరేలీ నుంచి పోటీ చేస్తున్న ఆయన ఆస్తులు 20 కోట్లు.

కేరళలోని తిరువనంతపురం నియోజకవర్గంలో కాంగ్రెస్‌ నేత శశిథరూర్‌కు సవాల్‌ విసురుతున్న రాజీవ్‌ చంద్రశేఖర్‌ ఆస్తులు రూ.23.65 కోట్లు, అయితే ఆయన పేరు మీద ఎలాంటి కార్లు లేవు.
 

కేంద్ర హోంమంత్రి అమిత్ షాకు కూడా సొంతంగా కార్లు లేవు. గుజరాత్‌లోని గాంధీనగర్ లోక్‌సభ నియోజకవర్గం నుంచి ఆయన పోటీ చేస్తున్నారు. ఆయనకు మొత్తం 36 కోట్ల ఆస్తి ఉండగా, ఆయన భార్య సోనాల్ షాకు 31 కోట్ల ఆస్తి ఉంది.

శివరాజ్ సింగ్ చౌహాన్‌కు కూడా సొంత కార్లు లేవు. మధ్యప్రదేశ్ ముఖ్యమంత్రిగా 15 ఏళ్లపాటు పనిచేశారు. 3.21 కోట్ల ఆస్తులు ఉన్నప్పటికీ ఆయన పేరు మీద కారు లేదు. భార్య పేరు మీద అంబాసిడర్ కారు ఉంది.
 

ఏఐఎంఐఎం నేత, హైదరాబాద్ ఎంపీ అసదుద్దీన్ ఒవైసీ ఆస్తులు 23 కోట్లు. అయితే, అతనికి సొంత  కారు లేదు.

హర్యానా మాజీ సీఎం మనోహర్ లాల్ ఖట్టర్ ఈసారి కర్నాల్ నియోజకవర్గం నుంచి పోటీ చేస్తున్నారు. 1.27 కోట్ల ఆస్తులున్న ఆయనకు సొంత కారు లేదు.
 

తెలంగాణలోని హైదరాబాద్‌లో ఒవైసీకి ప్రత్యర్థిగా ఉన్న విరుంచి హాస్పిటల్ చైర్మన్ మాధవి లత కొంపెల్ల ఆస్తులు 220 కోట్లు. అయితే ఆమెకి కూడా  సొంత కారు లేదు.
 

కేంద్ర రక్షణ మంత్రి రాజ్‌నాథ్ సింగ్ మూడోసారి లక్నో లోక్‌సభ నియోజకవర్గం నుంచి పోటీ చేస్తున్నారు. మొత్తం 6.36 కోట్ల ఆస్తులున్న రాజ్‌నాథ్ సింగ్‌కు సొంత కారు లేదు.
 

ఉత్తరప్రదేశ్ మాజీ సీఎం, సమాజ్‌వాదీ పార్టీ అధినేత అఖిలేష్ యాదవ్‌కు కూడా సొంత కార్లు లేవు. కనౌజ్ నియోజకవర్గం నుంచి పోటీ చేస్తున్న ఆయన ఆస్తులు రూ.26.34 కోట్లు.

మాండ్య లోక్‌సభ నియోజకవర్గం నుంచి పోటీ చేసిన మాజీ సీఎం హెచ్‌డీ కుమారస్వామి ఆస్తులు రూ.217.21 కోట్లు. అతనికి సొంత కార్లు లేవు. అయితే అతనికి సొంత ట్రాక్టర్ ఉంది.

అఖిలేష్ యాదవ్ సతీమణి డింపుల్ యాదవ్ ఉత్తరప్రదేశ్‌లోని మెయిన్‌పురి నియోజకవర్గం నుంచి పోటీ చేయగా, ఆమె ఆస్తులు రూ.15 కోట్లు. భర్తలాగే ఆమెకు కూడా కారు లేదు.