కేవలం రూ. 10 వేలతో 5 ఏళ్లలో లక్షల్లో రాబడి.. SIP ఎలా ప్లాన్ చేసుకోవాలంటే..
Investment: వర్స్ట్ పెర్ఫార్మింగ్ మ్యూచువల్ ఫండ్స్లో కూడా ఎస్ఐపీ ఎలా లాభాలను తెస్తుందో ఇప్పుడు తెలుసుకుందామా.. 2000-2005 కేస్ స్టడీ ద్వారా రూపీ కాస్ట్ యావరేజింగ్, క్రమశిక్షణ దీర్ఘకాలంలో అధిక రాబడులను ఎలా అందిస్తాయో తెలుసుకోండి.
స్టాక్ మార్కెట్ హెచ్చుతగ్గులు
స్టాక్ మార్కెట్ హెచ్చుతగ్గుల సమయంలో ఎస్ఐపీ పెట్టుబడులు ఎలా లాభాలను అందించగలవో బిజినెస్ నిపుణులు కీలక విషయాలు చెప్పుకొచ్చారు. గతంలో 2000-2005 మధ్య కాలంలో తీవ్రంగా నష్టపోయిన మ్యూచువల్ ఫండ్స్ ఉదాహరణగా ఉపయోగించి, ఎస్ఐపీ రూపీ కాస్ట్ యావరేజింగ్ ప్రయోజనాన్ని స్పష్టం చేశారు.
ఎస్ఐపీకి ఉదాహరణగా
2000లో ప్రారంభించిన రూ. 2,000 నెలవారీ ఎస్ఐపీని మీరు ఉదాహరణగా తీసుకుంటే. ఆ సమయంలో ఫండ్ ప్రారంభ నెట్ అసెట్ వాల్యూ (ఎన్ఏవీ) రూ. 10 వద్ద ఉంది. కానీ తర్వాతి నెలల్లో, ఎన్ఏవీ గణనీయంగా తగ్గి, 2001 నాటికి రూ. 2.19కి చేరుకుంది. ఈ కాలంలో పెట్టుబడిదారులు నష్టాలను ఎదుర్కొన్నారు. వారి రూ. 40 వేల పెట్టుబడి కేవలం రూ. 20,391గా మారింది. ఇది పెట్టుబడిదారులు తమ ఎస్ఐపీని నిలిపివేయడానికి లేదా పెట్టుబడిని ఉపసంహరించుకోవడానికి దారితీసే పరిస్థితి.
కేస్ స్టడీలో ఇలా
అయితే, ఈ కేస్ స్టడీలో పెట్టుబడిదారులు క్రమశిక్షణను కొనసాగించి, 2005 వరకు ఎస్ఐపీని కొనసాగించారు. ఆ సమయానికి, ఫండ్ ఎన్ఏవీ ఇంకా రూ. 7.02 వద్ద ఉంది. ఇది వారి ప్రారంభ కొనుగోలు ధర రూ. 10.00 కంటే తక్కువ. ఆశ్చర్యకరంగా, మొత్తం రూ. 1,22,000 పెట్టుబడికి, కరెంట్ వాల్యూ రూ. 2,18,713కి పెరిగింది. ఇది 22.06 శాతం రాబడిని సూచిస్తుంది. ఫండ్ ఎన్ఏవీ ప్రారంభ స్థాయికి చేరుకోకపోయినా కూడా ఇంత అధిక రాబడి రావడానికి ప్రధాన కారణం రూపీ కాస్ట్ యావరేజింగ్.
మార్కెట్ పడిపోయినా లేదా పెరిగినా..
ఎస్ఐపీ అనేది మార్కెట్ పడిపోయినా లేదా పెరిగినా నిరంతరం పెట్టుబడి పెట్టడం ద్వారా యూనిట్లను సేకరించడానికి వీలు కల్పిస్తుంది. మార్కెట్ నష్టాలు తాత్కాలికమేనని, అవి ఎక్కువ యూనిట్లను సేకరించి భవిష్యత్ సంపద సృష్టికి దారితీస్తాయని చెప్పుకొచ్చారు.
ఎస్ఐపీ కీలక సూత్రాలు
క్రమశిక్షణతో కూడిన పెట్టుబడి, మార్కెట్లో ఎక్కువ కాలం ఉండటం ఎస్ఐపీ కీలక సూత్రాలు. లాభాల కోసం మార్కెట్ స్థితితో సంబంధం లేకుండా పెట్టుబడిని కొనసాగించాలని నిపుణులు సూచిస్తున్నారు.
