3-6-9.. ఇవి నెంబర్స్ అనుకునేరు.. మీ లక్కుకు నిచ్చెనలు.. పాటించారో డబ్బే డబ్బు
Financial Security: ఉద్యోగం కోల్పోయినప్పుడు లేదా వైద్య అత్యవసర పరిస్థితులలో ఈ ఆర్థిక ఫార్ములా చాలా కీలకం. ఈ ఫార్ములా ప్రకారం, మీ నెలవారీ ఖర్చులకు కనీసం మూడు రెట్లు ఒక ప్రత్యేక ఖాతాలో జమ చేయాలి.
3-6-9 రూల్ అత్యవసర పరిస్థితులకు..
బిజినెస్ నిపుణులు సూచించిన 3-6-9 రూల్ అత్యవసర పరిస్థితులకు ఆర్థిక భద్రతను అందిస్తుంది. మీ నెలవారీ ఖర్చులకు మూడు, ఆరు లేదా తొమ్మిది రెట్లు అత్యవసర నిధిగా పక్కన పెట్టడం ద్వారా ఉద్యోగ నష్టం, వైద్య ఖర్చులు లాంటి కష్ట సమయాల్లో మనల్ని గట్టెక్కిస్తాయి.
నోట్లపై ఉండే సంఖ్యలు
నోట్లపై ఉండే సంఖ్యలు మాత్రమే కాకుండా, ఆర్థిక నిర్వహణలో కొన్ని సంఖ్యలు కూడా అదృష్టాన్ని సూచిస్తాయి. బిజినెస్ నిపుణులు 3-6-9 నియమాన్ని రూపొందించారు. ఇది ఆర్థిక భద్రతకు కీలకమైన సూత్రం. ఈ నియమం పాటించడం ద్వారా అనూహ్య ఆపదలు ఎదురైనప్పుడు ఆర్థికంగా స్థిరంగా ఉండవచ్చు.
ఉద్యోగం కోల్పోయినప్పుడు
ఉద్యోగం కోల్పోయినప్పుడు లేదా వైద్య అత్యవసర పరిస్థితులలో ఈ ఆర్థిక ఫార్ములా చాలా కీలకం. ఈ ఫార్ములా ప్రకారం, మీ నెలవారీ ఖర్చులకు కనీసం మూడు రెట్లు ఒక ప్రత్యేక ఖాతాలో జమ చేయాలి. ఇది బ్యాచిలర్లకు లేదా కొత్తగా ఉద్యోగం ప్రారంభించిన వారికి అనుకూలం.
మీ నెలవారీ ఖర్చులు..
మీ నెలవారీ ఖర్చులు 50,000 రూపాయలు అయితే, 1.5 లక్షలు అత్యవసర నిధిగా ఉండాలి. కుటుంబ బాధ్యతలు ఉన్నవారు తమ నెలవారీ ఖర్చులకు కనీసం ఆరు రెట్లు నిల్వ ఉంచుకోవాలి, ఇది ఆరు నెలల పాటు ఆర్థిక భద్రతను అందిస్తుంది.
పెద్ద అప్పులు ఉన్నవారు..
పెద్ద అప్పులు ఉన్నవారు లేదా ఆదాయం అస్థిరంగా ఉన్నవారు తొమ్మిది రెట్లు నిల్వ ఉంచుకోవాలి. ఇది తొమ్మిది నెలల సంక్షోభాన్ని ఎదుర్కోవడానికి సహాయపడుతుంది. ఈ నిధిని సులభంగా అందుబాటులో ఉంచాలి. విలాసాలకు కాకుండా నిజమైన అత్యవసర సమయాలలో మాత్రమే ఉపయోగించాలి.
