Tata Curvv: బ్లాక్ కలర్‌లో మెరిసిపోతూ మార్కెట్‌లోకి అడుగుపెట్టిన టాటా కర్వ్: ధర, ఫ్యూచర్స్ వివరాలు ఇవిగో

Tata Curvv: మార్కెట్ లోకి టాటా కంపెనీకి చెందిన కొత్త కారు అడుగుపెట్టింది. నల్ల రంగులో మెరిసిపోయే లుక్ తో ఉన్న కర్వ్ డార్క్ ఎడిషన్ చాలా అట్రాక్టివ్ గా ఉంది. ఇది రెండు ఎడిషన్స్ లో మాత్రమే లభిస్తోంది. ఈ సూపర్ కారు ఫీచర్లు, ధర తదితర వివరాలు తెలుసుకుందాం రండి. 

టాటా మోటార్స్ తన ఎస్‌యూవీ కర్వ్ డార్క్ ఎడిషన్‌ను (Tata Curvv Dark Edition) మార్కెట్ లోకి రిలీజ్ చేసింది. దీని ధర ప్రస్తుతం రూ.16.49 లక్షలకు (ఎక్స్-షోరూమ్) గా ఉంది. కర్వ్ డార్క్ ఎడిషన్ అకంప్లిష్డ్ ఎస్, అకంప్లిష్డ్ + ఏ వేరియంట్‌లలో మాత్రమే దొరుకుతుంది.

ప్రస్తుతం ఈ వెర్షన్ పెట్రోల్, డీజిల్ ఇంజిన్ ఆప్షన్లలో మాత్రమే అందుబాటులో ఉంది. ఎలక్ట్రిక్ వెర్షన్ కర్వ్ ఈవీకి సంబంధించి కంపెనీ నుంచి ఇంకా ఎలాంటి అప్‌డేట్స్ రాలేదు. స్టాండర్డ్ మోడల్‌తో పోలిస్తే కర్వ్ డార్క్ ఎడిషన్‌లో కొత్త కలర్ ఆప్షన్, కొన్ని కాస్మెటిక్ మార్పులు ఉన్నాయి.

ఈ వేరియంట్లలో వెనుక సన్‌షేడ్ కూడా ఉంది. ఇది డార్క్ ఎడిషన్ సిరీస్‌లో ప్రత్యేకమైన ఫీచర్. కర్వ్ డార్క్ ఎడిషన్ నలుపు రంగులో ఉన్న 18 అంగుళాల అల్లాయ్ వీల్స్‌తో వస్తుంది. 

టాటా కర్వ్ డార్క్ ఎడిషన్ లో మూడు రకాల ఇంజిన్లు

ఇంటర్నల్ కంబషన్ ఇంజిన్(ICE) వాహనాల కోసం రూపొందించిన కొత్త అడాప్టివ్ టెక్ ఫార్వార్డ్ లైఫ్‌స్టైల్ (ATLAS) ప్లాట్‌ఫామ్‌పై నిర్మించిన కర్వ్ మోడల్ మూడు ఇంజిన్ ఆప్షన్లలో వస్తుంది. 120PS, 170Nm ఉత్పత్తి చేసే 1.2 లీటర్ రెవోట్రాన్ టర్బో పెట్రోల్ ఇంజిన్ ఒకటి. 125PS, 225Nm ఉత్పత్తి చేసే 1.2 లీటర్ హైపర్‌యాన్ పెట్రోల్ డైరెక్ట్ ఇంజెక్షన్ మరొకటి. ఇక మూడో ఇంజిన్ అయితే 118PS, 260Nm ఉత్పత్తి చేస్తుంది. 1.5 లీటర్ కియర్‌ యోజెట్ డీజిల్ వేరియంట్.

ఈ ఇంజిన్ ఆప్షన్లు మూడు పవర్‌ట్రెయిన్‌లు 6 స్పీడ్ మాన్యువల్ ట్రాన్స్‌మిషన్ లేదా 7 స్పీడ్ DCA ఆటోమేటిక్ గేర్‌బాక్స్‌తో జత చేయబడి ఉంటాయి. డార్క్ ఎడిషన్ 1.2 లీటర్ హైపర్‌యాన్ GDi పెట్రోల్, 1.5 లీటర్ కియర్‌యోజెట్ డీజిల్ ఇంజిన్ ఆప్షన్‌లతో మాత్రమే లభిస్తుంది.

టాటా కర్వ్ లో ఫీచర్లు ఎలా ఉన్నాయంటే..

టాటా కర్వ్ కారులో వెంటిలేటెడ్ ఫ్రంట్ సీట్లు, ఆరు విధాలుగా సర్దుబాటు చేయగల డ్రైవర్ సీటు ఉన్నాయి. అంతేకాకుండా ఫుల్లీ ఆటోమేటిక్ క్లైమేట్ కంట్రోల్, నాలుగు స్పోక్ డిజిటల్ స్టీరింగ్ వీల్, 12.3 అంగుళాల హర్మాన్ టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఆండ్రాయిడ్ ఆటో, ఆపిల్ కార్ప్లే, 10.25 అంగుళాల డిజిటల్ ఇన్‌స్ట్రుమెంట్ క్లస్టర్ ఉన్నాయి.

ఈ క్లస్టర్‌లో ఇంటిగ్రేటెడ్ నావిగేషన్, టచ్ ఆధారిత HVAC కంట్రోల్స్, AQI డిస్‌ప్లేతో కూడిన ఎయిర్ ప్యూరిఫైయర్, తొమ్మిది స్పీకర్ JBL ఆడియో సిస్టమ్ వంటి అనేక ప్రీమియం ఫీచర్లు కూడా ఉన్నాయి. కర్వ్ కారులో జస్ట్ సైగలతో నియంత్రించే పవర్డ్ టెయిల్‌గేట్ కూడా ఉంది.

టాటా కర్వ్ డార్క్ ఎడిషన్ భద్రతా ఫీచర్లు

భద్రత విషయానికి వస్తే కర్వ్ కారులో ఆరు ఎయిర్‌బ్యాగ్‌లు, ఎలక్ట్రానిక్ స్టెబిలిటీ కంట్రోల్ స్టాండర్డ్‌గా ఉన్నాయి. అదనపు భద్రతా ఫీచర్లలో ఎలక్ట్రానిక్ పార్కింగ్ బ్రేక్, హిల్ హోల్డ్, హిల్ డిసెంట్ కంట్రోల్, 360 డిగ్రీల కెమెరా, బ్లైండ్ వ్యూ మానిటర్‌తో కూడిన సరౌండ్ వ్యూ సిస్టమ్, ఫ్రంట్ పార్కింగ్ సెన్సార్లు ఉన్నాయి. ఈ ఎస్‌యూవీలో 20 అడ్వాన్స్‌డ్ డ్రైవర్ అసిస్టెన్స్ ఫంక్షన్లతో లెవెల్ 2 ఏడీఏఎస్ ఉంది.

ఇది కూడా చదవండి టాప్ 5 ఎలక్ట్రిక్ కార్లలో టాటా కార్లే మూడున్నాయ్.. అవేంటో తెలుసా?