Sukanya Samriddhi Yojana: అమ్మాయి పేరిట నెలకు రూ.12500 పొదుపు చేస్తే రూ. 64 లక్షలు మీ సొంతం..ఎలాగో తెలుసుకోండి

నానాటికి పెరుగుతున్న ఖర్చుల నేపథ్యంలో మధ్య తరగతి తల్లిదండ్రులు తమ పిల్లల భవిష్యత్తుపై ప్రతి రోజు  ఆందోళన చెందుతున్నారు. ముఖ్యంగా చాలీ చాలని జీతాలతో తల్లిదండ్రులు తమ పిల్లల చదువు , ఇతర ఖర్చులను భరించలేకపోతున్నారు. పిల్లల కోసం పొదుపు చేయడం చిన్న వయస్సులోనే ప్రారంభించాలి.  సుకన్య సమృద్ధి యోజన అనేది కేంద్ర ప్రభుత్వం అందించే పొదుపు పథకాలలో ఒకటి. బాలికల తల్లిదండ్రులు ఏదైనా ప్రభుత్వ బ్యాంకు లేదా పోస్టాఫీసులో సుకన్య సమృద్ధి ఖాతాను తెరవవచ్చు. 

సుకన్య సమృద్ధి యోజన అనేది బాలికలు ఉన్న తల్లిదండ్రుల కోసం కేంద్ర ప్రభుత్వం ప్రారంభించిన పథకం. సుకన్య సమృద్ధి యోజనను కేంద్ర ప్రభుత్వం 22 జనవరి 2015న ప్రారంభించింది. ఈ పథకం అధిక వడ్డీ రేట్లను అందిస్తుంది. 

"బేటీ బచావో, బేటీ పఢావో" ప్రచారంలో భాగంగా కేంద్ర ప్రభుత్వం సుకన్య సమృద్ధి యెజనను ప్రారంభించింది. సుకన్య సమృద్ధి యేజన అనేది ఆడపిల్లల వివాహానికి, చదువుకు , ఆర్థిక భవిష్యత్తుకు ఎంతో ప్రయోజనకరంగా ఉంటుంది. ఒక ఆర్థిక సంవత్సరంలో SSYలో రూ. 1.5 లక్షల వరకు పెట్టుబడి పెట్టవచ్చు. ఇది ఆదాయపు పన్ను చట్టంలోని సెక్షన్ 80C కింద పన్ను మినహాయింపు ఉంది.

ఈ పథకం సహాయంతో, ప్రతి నెల రూ. 12500 డిపాజిట్‌తో రూ. 64 లక్షల నిధిని పొందవచ్చు. మీ కుమార్తె వయస్సు 10 సంవత్సరాల వరకు ఉంటే, మీరు ఈ పథకాన్ని సద్వినియోగం చేసుకోవచ్చు. ఒక ఆర్థిక సంవత్సరంలో SSYలో రూ. 1.5 లక్షల వరకు పెట్టుబడి పెట్టవచ్చు. అంటే ఇందులో రూ.1.5 లక్షలు పెట్టుబడి పెడితే పన్ను మినహాయింపు ఉంది. ఈ పథకంలో, కుమార్తెకు 21 ఏళ్లు నిండిన తర్వాత మాత్రమే మీరు మొత్తం మొత్తాన్ని విత్‌డ్రా చేయగలరు. 18 సంవత్సరాల వయస్సులో 50 శాతం డబ్బును విత్‌డ్రా చేసుకోవచ్చు.  

సుకన్య సమృద్ధి యోజన వడ్డీ రేటు SSY వడ్డీ రేటు 7.6 శాతంగా నిర్ణయించారు. అయితే ఇతర ప్రభుత్వ పెట్టుబడి పథకాల కంటే వడ్డీ రేటు ఎక్కువగా ఉంటుంది. అందువల్ల, వడ్డీ రేటు పరంగా కూడా, ఇతర పథకాలతో పోలిస్తే ఇదే బెటర్. అలాగే ఇందులో ఎలాంటి  రిస్క్ ఉండదు.

ఈ పథకంలో ప్రతి నెలా రూ. 12,500 పెట్టుబడి పెడితే, ఒక సంవత్సరంలో మీరు మొత్తం రూ. 1.5 లక్షలు పెట్టుబడి పెట్టవచ్చు. అంటే మీరు మొత్తం రూ.1.5 లక్షలపై పన్ను మినహాయింపు పొందవచ్చు. మీరు ఈ పథకంలో పెట్టుబడిని కొనసాగిస్తే, కుమార్తెకు 21 ఏళ్లు వచ్చేసరికి మీ మొత్తం కార్పస్ రూ.64 లక్షలకు పెరుగుతుంది.

మీ కుమార్తెకు ఒక సంవత్సరం వయస్సు ఉన్నప్పుడు, మీరు SSY ఖాతాను తెరిస్తే, మీరు తర్వాత 14 సంవత్సరాల పాటు దానిలో పెట్టుబడి పెట్టడం కొనసాగించాలి. కుమార్తెకు 21 ఏళ్లు నిండిన తర్వాత మాత్రమే మీరు ఈ ఖాతా నుండి మొత్తం డబ్బును విత్‌డ్రా చేసుకోవచ్చు. ఈ మొత్తం కాలానికి 7.60 శాతం వడ్డీ రేటుతో మెచ్యూరిటీపై మీరు రూ. 64 లక్షలకు పెరుగుతుంది.