మీకు తెలుసా.. ? సల్మాన్ ఖాన్ బాడీగార్డ్ షెరా జీతం ఎంతో.. తెలిస్తే ఆశ్చర్యపోవాల్సిందే..
బాలీవుడ్ భాయి జాన్ సల్మాన్ ఖాన్ ఫిల్మ్ ఇండస్ట్రిలో ఎన్నో హిట్ చిత్రాలలో నటించారు. అయితే సెలెబ్రిటిలకు వ్యక్తిగత బాడీగార్డ్ ఉండటం చాలా సాధారణం. సల్మాన్ ఖాన్ పర్సనల్ బాడీ గార్డ్ షెరా గురించి తెలిస్తే మీరు నిజంగా ఆశ్చర్యపోతారు.
ఇండియా కన్సెర్ట్ నిర్వహించేందుకు వచ్చిన పాపులర్ సింగర్ జస్టిన్ బీబర్కు కూడా షెరా భద్రత కల్పించారు అంటే అర్ధం చేసుకోవచ్చు. అయితే దీనికంటే ముందే చాలా మంది అంతర్జాతీయ ప్రముఖులు ఇండియాని సందర్శించినప్పుడు కూడా షేర్ భద్రత కల్పిపించారు.
సల్మాన్ ఖాన్ బాడీగార్డ్ షెరా తనకు తాను ఒక ప్రముఖుడి కంటే తక్కువేం కాదు. ముంబైలో ఇండియా కన్సెర్ట్ సందర్భంగా వచ్చిన జస్టిన్ బీబర్కు సెక్యూరిటి కల్పించినప్పుడు కూడా హైలెట్ గా నిలిచారు.
జస్టిన్ బిబర్ మాత్రమే కాదు అంతర్జాతీయ ప్రముఖులు విల్ స్మిత్, జాకీ చాన్, మైఖేల్ జాక్సన్, అమితాబ్ బచ్చన్ వంటి బాలీవుడ్ హీరోలు ముంబైని సందర్శించినప్పుడు షెరా వారికి సెక్యూరిటి కల్పించారు.
మనందరికీ తెలుసు షెరా బాలీవుడ్ ఫేవరెట్ బాడీగార్డ్, అతను సల్మాన్తో కలిసి 26 సంవత్సరాల పాటు ఉన్నాడు. సల్మాన్ చిత్రం 'బాడీగార్డ్' విడుదలైన తరువాత 2011లో అతను ఒక అవార్డును కూడా గెలుచుకున్నాడు.
సల్మాన్ ఖాన్ బాడీగార్డ్ గా ఉండటం అంత తేలికైన పని కాదు, ఎందుకంటే అతనిని తన అభిమానులు, మీడియా ఎప్పుడు ఫాలో అవుతుంటారు. తన అభిమానులు సెల్ఫి కోసం ఎగబడుతుంటారు కూడా. కొన్ని నివేదికల ప్రకారం సల్మాన్ ఖాన్ భద్రతగా ఉన్న షెరాకి నెలకు రూ .15 లక్షలు అంటే సంవత్సరానికి రూ. 2 కోట్లకు దగ్గరగా లభిస్తుంది.
షెరా సిక్కు కుటుంబంలో జన్మించాడు. అతని పూర్తి పేరు గుర్మీత్ సింగ్ జాలీ. ఒక ఎంటర్టైన్మెంట్ వెబ్సైట్కు ఇచ్చిన ఇంటర్వ్యూలో షెరా తన బాస్ సల్మాన్ గురించి మాట్లాడుతూ, "సల్మాన్ అందరికంటే భిన్నమైన సూపర్ స్టార్. అతను నా దేవుడు, ఈ రోజు నన్ను మీరు ఇలా చూస్తున్నారంటే దానికి అతనే. సల్మాన్ ఖాన్ వ్యక్తిగత బాడీగార్డ్ కాకపోయి ఉంటే నేను ఎలా ఉండే వాడినో నిజంగా తెలియదు. అన్నింటికీ కలిపి నేను సల్మాన్ కి ధన్యవాదాలు మాత్రం చెప్పగలను. నేను మాలిక్ అని పిలిచే వ్యక్తికి ఎప్పటికీ రుణపడి ఉంటాను ” అని అన్నారు.
గత సెప్టెంబర్లో షెరా సల్మాన్ ఖాన్తో గడిపిన 26 సంవత్సరాలను గుర్తుచేసుకున్నాడు. సోషల్ మీడియాలో ఒక ఫోటోని షేర్ చేస్తూ "Maalikkk @beingsalmankhan &me మనం ఎంతకాలం కలిసి ఉన్నమో గతాన్ని వెనక్కి తిరిగి చూస్తే ...... 26 సంవత్సరాలు, ఇది ఇలాగే శాశ్వతత్వంగా ఉంటుంది #Salmankhan #Sheraa #Beingsheraa" అని పోస్ట్ చేశారు.