loans: లోన్లు తీసుకున్న వారికి గుడ్ న్యూస్: మీరు లోన్ ముందుగా చెల్లించాలనుకుంటే ఎలాంటి ఛార్జీలు కట్టక్కర్లేదు. ఎందుకో తెలుసా?

loans: మీరు లోన్ తీసుకున్నారా? తిరిగి కట్టేద్దామనుకుంటున్నారా? అయితే ఇది మీకు శుభవార్తే. రిజర్వ్ బ్యాంక్ ఆఫ్ ఇండియా లోన్ తిరిగి చెల్లించే వారికి లాభం కలిగించే నిర్ణయం తీసుకుంది. దాని ప్రకారం ఎలాంటి ఛార్జీలు లేకుండా లోన్ రీపేమెంట్ చేయొచ్చు. 

Image Credit : Google

రిజర్వ్ బ్యాంక్ ఆఫ్ ఇండియా కీలక నిర్ణయం

రిజర్వ్ బ్యాంక్ ఆఫ్ ఇండియా (RBI) చిన్న రుణదారులకు మేలు చేసే కీలక నిర్ణయం తీసుకుంది. 2026 జనవరి 1వ తేదీ నుండి ఫ్లోటింగ్ రేటు ఆధారిత హోం లోన్లు, సూక్ష్మ, చిన్న, మధ్య తరహా సంస్థల (MSME) రుణాలపై ఎలాంటి ముందస్తు ఛార్జీలు, ఫోర్‌క్లోజర్ ఫీజులు విధించరాదని ఆదేశాలు జారీ చేసింది. ఈ నిర్ణయం ఎంతో మందికి లబ్ధి చేకూరుస్తుంది. 

Image Credit : Google

తక్కువ వడ్డీకి లోన్లు మార్చుకోవచ్చు

రిజర్వ్ బ్యాంక్ ఆఫ్ ఇండియా తీసుకున్న ఈ నిర్ణయం వల్ల లోన్ తీసుకున్న వారు తమ లోన్లను ముందుగానే తిరిగి చెల్లించాలనుకున్నప్పుడు అదనంగా ఎలాంటి ఫీజులు లేకుండా తేలికగా చెల్లించగలుగుతారు. దీని వల్ల ప్రజలు తమకు నచ్చిన బ్యాంకులకు లోన్లను మార్చుకోవచ్చు. తక్కువ వడ్డీ కలిగిన రుణాలకు స్వాపింగ్ చేసుకోవచ్చు. 

ఆర్బీఐ గవర్నర్ శక్తికాంత దాస్ అధ్యక్షతన మానిటరీ పాలసీ కమిటీ సమావేశం సందర్భంగా ఈ నిర్ణయం వెలువడింది. ప్రజల వద్ద రుణ భారం తగ్గించడమే లక్ష్యంగా ఈ నిర్ణయం తీసుకున్నట్లు ఆర్బీఐ పేర్కొంది.

Image Credit : Google

ఎటువంటి రుణాలపై ఈ నియమం వర్తిస్తుంది?

ఫ్లోటింగ్ రేటు హోం లోన్లు తీసుకున్న వారికి, చిన్న, సూక్ష్మ, మధ్య తరహా సంస్థల రుణాలు(MSE loans) తీసుకున్న వారికి ఈ కొత్త నిర్ణయం లాభం చేకూరుస్తుంది. 

ఈ రుణాల్లో బారోయర్‌కి వడ్డీ రేటు మార్కెట్ స్థితికి అనుగుణంగా మారుతూ ఉంటుంది. ప్రస్తుతం చాలావరకు బ్యాంకులు ఈ రుణాలపై ముందస్తుగా పూర్తిగా లేదా భాగంగా చెల్లిస్తే 2-4% వరకు ఫీజులు వసూలు చేస్తున్నాయి.

ఈ ఛార్జీల రద్దు వల్ల ముఖ్యంగా చిన్నవ్యాపారాలు, మధ్యతరగతి కుటుంబాలు పెద్ద ఎత్తున లాభపడే అవకాశం ఉంది.

Image Credit : our own

2026 జనవరి 1 తర్వాత లోన్ తీసుకున్న వారికి కూడా వర్తిస్తుంది

ఎవరైతే ఫ్లోటింగ్ రేటు ఆధారంగా రుణాలు తీసుకుంటారో వారు ముందస్తు లోన్ చెల్లింపులు చేయాలనుకుంటే బ్యాంకులు ఎలాంటి ఛార్జీలు విధించరాదు. ఈ ఆదేశాలు 2026 జనవరి 1 నుండి అమల్లోకి వస్తాయి. అంటే ఈ తేదీ తర్వాత లోన్ తీసుకున్న వారు కూడా ఎటువంటి ఛార్జీలు చెల్లించక్కర్లేకుండా లోన్ రీపేమెంట్ చేయొచ్చు. 

ఇది అన్ని షెడ్యూల్‌డ్ కమర్షియల్ బ్యాంకులు, హౌసింగ్ ఫైనాన్స్ కంపెనీలు, నాన్ బ్యాంకింగ్ ఫైనాన్షియల్ సంస్థలకు వర్తిస్తుంది.

Image Credit : Getty

తక్కువ వడ్డీకే లోన్లు లభిస్తాయి

ఆర్బీఐ తీసుకున్న ఈ నిర్ణయంతో మార్కెట్ పోటీ పెరిగి, ప్రజలకు తక్కువ వడ్డీకే లోన్లు లభించే అవకాశాలు మెరుగవుతాయి. అదే సమయంలో బ్యాంకులు తమ సేవలను మెరుగుపరచుకోవడానికి ప్రోత్సాహం లభిస్తుంది.

ఈ నిర్ణయం నేపథ్యంలో ఇప్పటి నుంచే హోం లోన్లు, MSE లోన్లు తీసుకోవాలనుకునేవారు కూడా తమ లోన్ ఒప్పందాల్లో ఈ అంశాన్ని పరిశీలించవలసిన అవసరం ఉంది. ఇది ఒక రకంగా బ్యాంకులకు, వినియోగదారులకు ఇద్దరికీ ఉపయోగపడే నిర్ణయమేనని ఆర్థిక నిపుణులు అభిప్రాయపడుతున్నారు.