సేవింగ్స్ అకౌంట్‌లో డబ్బులను అలాగే వదిలేయకండి.. ఇలా చేస్తే రూ. 2 ల‌క్ష‌ల వ‌డ్డీ పొందొచ్చు

Post office: సేవింగ్స్ అకౌంట్‌లో డ‌బ్బులు ఉంటే ప్ర‌యోజ‌నం ఉండ‌దు. ఈ మొత్తాన్ని స్టాక్ మార్కెట్ వంటి వాటిలో పెట్టుబ‌డి పెడుతుంటారు. అయితే ఇందులో ఎంతోకొంత రిస్క్ ఉంటుంది. ఎలాంటి రిస్క్ లేకుండా మంచి రిట‌ర్న్స్ వ‌చ్చే ఓ స్కీమ్ గురించి తెలుసుకుందాం. 

Image Credit : Getty

సురక్షిత పెట్టుబడి

షేర్ మార్కెట్‌లో వచ్చే లాభాలు ఆకర్షణీయంగా ఉన్నా, అందులో రిస్క్ ఎక్కువ. ఆ ప్రమాదం వద్దనుకునే వారికి పోస్టాఫీస్ సేవింగ్స్ స్కీమ్స్ ఇప్పటికీ భరోసా కలిగించే మార్గం. తక్కువ రిస్క్‌తో స్థిరమైన రాబడి కావాలనుకునే పెట్టుబడిదారులకు పోస్టాఫీస్ టైమ్ డిపాజిట్ స్కీమ్ మంచి ఎంపికగా నిలుస్తోంది.

Image Credit : India post

అస‌లేంటీ పోస్టాఫీస్ టైమ్ డిపాజిట్ స్కీమ్.?

పోస్టాఫీస్ టైమ్ డిపాజిట్ స్కీమ్‌ను POTD అని కూడా పిలుస్తారు. ఇందులో ఒకేసారి డబ్బు డిపాజిట్ చేసి నిర్ణీత కాలానికి పెట్టుబడి పెట్టాలి. ఈ స్కీమ్‌ను 1 సంవత్సరం, 2 సంవత్సరాలు, 3 సంవత్సరాలు లేదా 5 సంవత్సరాల కాలానికి తీసుకోవచ్చు. ఇందులో 5 సంవత్సరాల ప్లాన్ ఎక్కువగా ప్రజాదరణ పొందింది.

Image Credit : Asianet News

వడ్డీ రేట్లు ఎలా ఉంటాయంటే.?

ప్రభుత్వం నిర్ణయించిన వడ్డీ రేట్లు ఇలా ఉన్నాయి:

* 1 సంవత్సరం డిపాజిట్‌కు 6.9 శాతం

* 2 సంవత్సరాల డిపాజిట్‌కు 7.0 శాతం

* 3 సంవత్సరాల డిపాజిట్‌కు 7.1 శాతం

* 5 సంవత్సరాల డిపాజిట్‌కు 7.5 శాతం

ఈ వడ్డీ రేట్లలో 5 సంవత్సరాల ప్లాన్ ఎక్కువ లాభం ఇచ్చేది కావడంతో పెట్టుబడిదారులు దీనిపైనే ఆసక్తి చూపుతున్నారు.

Image Credit : Freepik

రూ. 2 ల‌క్ష‌ల వ‌డ్డీ రావాలంటే.?

ఒక వ్యక్తి ఈ స్కీమ్‌లో 5 సంవత్సరాల కాలానికి రూ.4,50,000 పెట్టుబడి పెట్టారని అనుకుందాం. ఏడాదికి 7.5 శాతం వడ్డీ రేటుతో 5 సంవత్సరాల తర్వాత మెచ్యూరిటీ సమయంలో మొత్తం రూ.6,52,477 లభిస్తాయి. అంటే అసలు పెట్టుబడిని తీసేస్తే కేవలం వడ్డీ రూపంలోనే రూ.2,02,477 లాభం వస్తుంది. ఇలా ఎలాంటి రిస్క్ లేకుండా 5 ఏళ్ల‌లో వ‌డ్డీ రూపంలోనే రూ. 2 ల‌క్ష‌ల‌కు పైగా పొందొచ్చ‌న్న‌మాట‌.

Image Credit : Asianet News

ట్యాక్స్ బెనిఫిట్ కూడా..

ఇన్‌కమ్ ట్యాక్స్ చెల్లించే వారికి ఈ స్కీమ్ డబుల్ లాభం ఇస్తుంది. 5 సంవత్సరాల టైమ్ డిపాజిట్ ఎంచుకుంటే ఆదాయపు పన్ను చట్టం సెక్షన్ 80C కింద ట్యాక్స్ మినహాయింపు లభిస్తుంది. కనీసం రూ.1,000తో ఖాతా ప్రారంభించవచ్చు. గరిష్ట పెట్టుబడికి ఎలాంటి పరిమితి లేదు. ఈ ఖాతాను సింగిల్ గానీ జాయింట్‌గా ఓపెన్ చేయొచ్చు.