PM Mudra Yojana: పీఎం ముద్రా యోజనలో ఎవరికి ఎంత లోన్ వస్తుంది?

PM Mudra Yojana: ప్రధాన్ మంత్రి ముద్రా యోజన పథకం 10 ఏళ్లు పూర్తి చేసుకుంది. దీని ప్రయోజనాలు అందుకున్న వారు చాలా మంది ఉన్నారు. అయితే, ముద్రా లోన్ ఎవరికి ఎంత వస్తుంది? మీకు ఎంత వస్తుంది? అనే వివరాలు ఇప్పుడు తెలుసుకుందాం. 

PM Mudra Yojana Loan Eligibility and Benefits

PM Mudra Yojana Loan Eligibility and Benefits: పీఎం ముద్రా యోజన సొంత వ్యాపారం ప్రారంభించాలనుకునే వారికి ప్రభుత్వం తీసుకువచ్చిన అద్భుతమైన పథకం. చిన్న, మధ్య తరహా పరిశ్రమలకు రూ.10 లక్షల వరకు లోన్ ఇచ్చే ముద్రా పథకాన్ని కేంద్ర ప్రభుత్వం అమలు చేస్తోంది. సొంతంగా ఏదైనా వ్యాపారం చేయాలనుకునే వాళ్ళు, కార్మికులు, రైతులు, శారీరక శ్రమ చేసేవాళ్ళు అందరూ పారిశ్రామికవేత్తలుగా మారాలనే ఉద్దేశంతో కేంద్ర ప్రభుత్వం 2015 ఏప్రిల్ 8న ఈ పథకాన్ని తీసుకొచ్చింది.

10 ఏళ్లు పూర్తి చేసుకున్న ముద్రా 

పీఎం ముద్రా యోజన స్కీమ్ 10 ఏళ్లు పూర్తి చేసుకుంది. ఈ పథకం కింద రూ.10 లక్షల వరకు పూచికత్తు లేని లోన్లను ప్రభుత్వ బ్యాంకులు, ప్రైవేట్ బ్యాంకులు, ప్రైవేట్ ఫైనాన్స్ సంస్థలు ఇస్తున్నాయి. అంతేకాదు, గ్రామీణ బ్యాంకులు, సహకార బ్యాంకులు కూడా ముద్రా లోన్లు ఇస్తున్నాయి.

 పీఎం ముద్రా యోజన కింద ఎంత లోన్ ఇస్తారు? 

ముద్రా లోన్లు శిశు, కిషోర్, తరుణ్ అనే 3 రకాలుగా ఇస్తారు. శిశు కేటగిరీలో రూ.50,000 వరకు, కిషోర్ కేటగిరీలో రూ.50,000 నుంచి రూ.5 లక్షల వరకు, తరుణ్ కేటగిరీలో రూ.5 లక్షల నుంచి రూ.10 లక్షల వరకు లోన్లు ఇస్తారు. దీనితో పాటు తరుణ్ ప్లస్ అనే మరో కేటగిరీ కూడా ఉంది. ఇంతకు ముందు తీసుకున్న లోన్లను కరెక్ట్ టైమ్ లో కడితే తరుణ్ ప్లస్ కేటగిరీలో రూ.20 లక్షల వరకు లోన్ తీసుకోవచ్చు.

ముద్రా లోన్ ఎవరికి వస్తుంది?

ముద్రా లోన్ కు  ఎవరు అప్లై చేసుకోవచ్చు?

ఆడవాళ్లతో సహా ఎవరైనా వ్యక్తిగతంగా, లేదా ఏదైనా సంస్థ, ప్రైవేట్ కంపెనీ ముద్రా లోన్ కోసం అప్లై చేసుకోవచ్చు. 18 నుంచి 65 ఏళ్ల మధ్య ఉన్నవాళ్లు ప్రధాన్ మంత్రి ముద్రా యోజన లోన్ కోసం అప్లై చేయడానికి అర్హులు. ఈ లోన్లకు ఎలాంటి సెక్యూరిటీ లేదా తనఖా పెట్టాల్సిన అవసరం లేదు. గుర్తింపు కార్డు, అడ్రస్ ప్రూఫ్, అప్లికేషన్ ఫార్మ్, పాస్‌పోర్ట్ సైజ్ ఫోటోలు ఈ లోన్ కోసం అప్లై చేయడానికి కావాల్సిన డాక్యుమెంట్లు.

ముద్రా యోజన 10 సంవత్సరాలు

పీఎం ముద్రా యోజనలో ఎలాంటి విషయాల్లో రుణాలు ఇస్తారు? 

షాపు వాళ్ళు, వ్యాపారులు, అమ్మేవాళ్ళ కోసం బిజినెస్ లోన్లు ఇవి. చిన్న వ్యాపార సంస్థలకు కావలసిన పరికరాల కోసం, ఆటోలు లాంటి ట్రాన్స్ పోర్ట్ వెహికల్స్ కోసం లోన్లు, కోళ్ల పెంపకం, తేనెటీగల పెంపకం, చేపల పెంపకం లాంటి వ్యవసాయం సంబంధిత విషయాలు, చిన్న షాపులు, నీళ్ల క్యాన్ బిజినెస్, వ్యాపార అవసరాల కోసం ట్రాక్టర్లు లేదా టూ వీలర్లను ఉపయోగించడం వంటి కారణాల కోసం ముద్రా లోన్లు తీసుకోవచ్చు. ముద్రా లోన్ వడ్డీ రేటు తక్కువగానే ఉంటుంది. కానీ అది బ్యాంకులు, ప్రైవేట్ సంస్థలను బట్టి మారుతుంది.

52 కోట్ల కంటే ఎక్కువ లోన్లు 

ప్రధాన్ మంత్రి ముద్రా యోజన పథకం మొదలైన పదేళ్లలో మొత్తం రూ.32.61 లక్షల కోట్ల విలువైన 52 కోట్ల కంటే ఎక్కువ లోన్లు ఇచ్చామని కేంద్ర ఆర్థిక మంత్రిత్వ శాఖ తెలిపింది.