కొనసాగుతున్న ఇంధన ధరల భారం.. రానున్న రోజుల్లో ఒక లీటరు పెట్రోల్ డీజిల్ ధర ఎంతంటే..?

గత ఏడాది మే 21న దేశ వ్యాప్తంగా ఇంధన ధరల్లో చివరి మార్పు జరిగింది, అప్పట్లో ఆర్థిక మంత్రి నిర్మలా సీతారామన్ పెట్రోల్‌పై లీటరుకు రూ.8, డీజిల్‌పై రూ.6 చొప్పున ఎక్సైజ్ సుంకాన్ని తగ్గించారు. మే 2022లో కేంద్ర ప్రభుత్వం ఎక్సైజ్ సుంకాన్ని తగ్గించినప్పటి నుండి, కొన్ని రాష్ట్రాలు ఇంధనాలపై వ్యాట్ ధరలను తగ్గించగా, కొన్ని రాష్ట్రాలు పెట్రోల్  డీజిల్‌పై సెస్ విధించాయి.
 

ఈ నెల ప్రారంభంలో  పెట్రోల్ డీజిల్‌పై కనికరం లేకుండా పన్నులు విధించడం ద్వారా కేంద్రం లబ్ధి పొందుతోందని కాంగ్రెస్ ఆరోపించింది. అంతర్జాతీయంగా తగ్గిన ముడిచమురు ధరల ప్రయోజనాలను ప్రజలకు అందించాలని వారు నరేంద్ర మోదీ ప్రభుత్వాన్ని కోరారు.  కాంగ్రెస్  ప్రధాన కార్యదర్శి (ఇన్‌చార్జ్, కమ్యూనికేషన్స్) జైరాం రమేష్   మాట్లాడుతూ, గత యుపిఎ ప్రభుత్వ హయాంలో పన్ను స్థాయిల మాదిరిగానే పెట్రోల్, డీజిల్ ధరలను లీటరుకు రూ.25-30 తగ్గించడం ద్వారా ఉపశమనం కలిగించే సామర్థ్యం కేంద్రానికి ఉందని అన్నారు.  
 

ప్రస్తుతం ఢిల్లీలో లీటర్ పెట్రోల్ ధర రూ.96.72గా ఉండగా, డీజిల్ ధర రూ.89.62గా ఉంది. ముంబైలో పెట్రోలు ధర లీటరుకు రూ. 106.31, డీజిల్ ధర లీటరుకు రూ. 94.27గా ఉంది. కోల్‌కతాలో లీటరు పెట్రోల్ ధర రూ.106.31, డీజిల్ ధర లీటరుకు రూ.92.76. చెన్నైలో లీటర్ పెట్రోల్ ధర రూ.102.63, డీజిల్ ధర లీటరుకు రూ.94.24కే లభిస్తోంది. 
 

ఇతర నగరాల్లో ఇంధన ధరలు:

 బెంగళూరు:  పెట్రోల్ ధర: లీటరుకు రూ. 101.94,  డీజిల్ ధర : రూ. 87.89

చండీగఢ్:  పెట్రోలు ధర: లీటరుకు రూ. 98.65, డీజిల్ ధర: రూ. 88.95

కోల్‌కతా:  పెట్రోలు ధర: లీటరుకు రూ. 106.03, డీజిల్ ధర: రూ. 92.76

లక్నో:  పెట్రోల్ ధర: లీటరుకు రూ. 96.57, డీజిల్ ధర: రూ. 89.76

నోయిడా:  పెట్రోలు ధర: లీటరుకు రూ. 96.65, డీజిల్ ధర: రూ. 89.82

హైదరాబాద్ :  పెట్రోలు ధర: లీటరుకు రూ.109.66, డీజిల్ ధర: రూ.97.82

ఇండియన్ ఆయిల్, భారత్ పెట్రోలియం ఇంకా హిందుస్థాన్ పెట్రోలియం వంటి ఆయిల్  మార్కెటింగ్ సంస్థలు (OMCలు) భారతదేశంలో పెట్రోల్, డీజిల్ ధరలను నిర్ణయిస్తాయి. ప్రపంచంలో ముడి చమురు ధరలో మార్పులకు అనుగుణంగా రేట్లు ప్రతిరోజూ అప్ డేట్ చేయబడతాయి. ప్రతి రోజు పెట్రోల్  డీజిల్ ధరలు కొత్తవి లేదా మారకపోయినా  ఉదయం 6 గంటలకు ప్రకటిస్తాయి. అయితే, ఇవి వాల్యూ  ఆధారిత పన్ను (VAT), సరుకు రవాణా ఛార్జీలు, స్థానిక పన్నులు మొదలైన వాటి కారణంగా రాష్ట్రాల నుండి రాష్ట్రాలకు మారుతూ ఉంటాయి.
 

మీరు  పెట్రోల్ డీజిల్ ధరలను SMS ద్వారా కూడా తెలుసుకోవచ్చు. ఇండియన్ ఆయిల్ కస్టమర్‌లు RSP అండ్ వారి సిటీ కోడ్‌ని 9224992249కి sms పంపడం ద్వారా సమాచారాన్ని పొందవచ్చు.  BPCL కస్టమర్‌లు RSP అండ్  వారి సిటీ కోడ్‌ని టైప్ చేయడం ద్వారా 9223112222కి SMS పంపడం ద్వారా సమాచారాన్ని పొందవచ్చు. అయితే, HPCL వినియోగదారులు HPPrice అండ్  వారి సిటీ కోడ్‌ను 9222201122కు sms  పంపడం ద్వారా ధరలాను తెలుసుకోవచ్చు.