రూ.30 వేలు జీతం సంపాదించే వాళ్లు కూడా ఈ బుల్లి ఎలక్ట్రిక్ కారు కొనుక్కోవచ్చు
ఎలక్ట్రిక్ కార్లలో సంచలనం MG కామెట్. చిన్నగా, స్టైలిష్ గా ఉండే ఈ బుల్లి కారు నడపాలని చాలామందికి ఉంటుంది. ఇప్పుడు MG కంపెనీ కామెట్ పై ప్రత్యేక ఆఫర్ ప్రకటించింది. కేవలం రూ.లక్ష కట్టి ఈ కారును మీరు ఇంటికి తీసుకెళ్లొచ్చు. ఈ కారు ధర, ఫీచర్లు, డిస్కౌంట్ల గురించి మరిన్ని వివరాలు ఇప్పుడు తెలుసుకుందాం.
- FB
- TW
- Linkdin
Follow Us
 "Asianet Image")
సిటీలో తిరగడానికి అనువైన, చవకైన, ఎలక్ట్రిక్ కారు కోసం చూస్తున్నారా? అయితే మీకు MG కామెట్ EV కరెక్ట్ సెలెక్షన్. భారతదేశంలో అత్యంత చవకైన ఎలక్ట్రిక్ కార్లలో MG కామెట్ EV ఒకటి. దీని ఎక్స్ షోరూమ్ ధర రూ.7.35 లక్షల నుండి ప్రారంభమవుతుంది. ఎగ్జిక్యూటివ్ వేరియంట్ ఆన్ రోడ్ ధర రూ.7.75 లక్షలు.
రూ.లక్ష డౌన్ పేమెంట్ కడితే చాలు..
MG కామెట్ EVను మీరు ఇంటికి తీసుకెళ్లాలంటే జస్ట్ రూ.1 లక్ష డౌన్ పేమెంట్ చెల్లించాలి. తర్వాత నెలకు రూ.14,072 ఈఎంఐ కట్టాల్సి ఉంటుంది. గుర్తుంచుకోవాల్సిన విషయం ఏంటంటే.. వడ్డీ రేటు, ఈఎంఐ మొత్తం బ్యాంక్ నిబంధనలు, సిబిల్ స్కోర్, డీలర్ షిప్ విధానంపై ఆధారపడి ఉంటాయి.
రూ.30,000 జీతం ఉన్నవారు కూడా కొనొచ్చు..
మీరు నెలకు రూ.30 వేల వరకు సంపాదిస్తారా? అయితే మీరు కేవలం రూ.లక్ష డౌన్ పేమెంట్ చెల్లించి ఈ కారు ఇంటికి తీసుకెళ్లొచ్చు. మిగిలిన మొత్తానికి 5 సంవత్సరాలు అంటే 60 నెలలు 9% వడ్డీ రేటుతో లోన్ తీసుకుని నెలకు ఈఎంఐల రూపంలో కట్టుకుంటే సరిపోతుంది. ఈఎంఐ నెలకు రూ.14,072 వరకు పడుతుంది.
కామెట్ EV ప్రత్యేకతలివే..
కామెట్ కారులో 17.3 kWh లిథియం-అయాన్ బ్యాటరీ ఉంది. ఇది 41.42 bhp పవర్, 110 Nm టార్క్ కలిగిన మోటార్ తో పనిచేస్తుంది. ARAI సర్టిఫికేట్ ప్రకారం ఒకసారి పూర్తిగా ఛార్జ్ చేస్తే కామెట్ కారు 230 కి.మీ. వరకు వెళ్తుంది. ఇందులో ఎకో, నార్మల్, స్పోర్ట్ అనే మూడు డ్రైవింగ్ మోడ్‌లు ఉన్నాయి.
ఛార్జింగ్ టైమ్ ఎంతంటే..
3.3 kW AC ఛార్జర్‌ని ఉపయోగించి 0-100% ఛార్జ్ చేయడానికి 7 గంటల సమయం పడుతుంది. ఇందులో డ్యూయల్ ఎయిర్‌బ్యాగ్‌లు ఉన్నాయి. ABS + EBD, ESC, హిల్ హోల్డ్ అసిస్ట్, TPMS, రివర్స్ పార్కింగ్ కెమెరా వంటి భద్రతా ఫీచర్లు కూడా ఉన్నాయి.
