ఇంత తక్కువ ధరలో ఇన్ని సేఫ్టీ ఫీచర్సా? దేశంలోనే ఎక్కువగా అమ్ముడయ్యే రెండు కార్లు ఇవే

దేశంలో బాగా అమ్ముడయ్యే కార్లలో రెండు కార్లు బాగా ఫేమస్ అయ్యాయి. ఇప్పుడు అవే రెండు కార్లు ఎక్కువ సేఫ్టీ ఫీచర్స్ తో మళ్లీ మార్కెట్ లోకి వస్తున్నాయి. అవి ఏ కంపెనీ కార్లు, వాటి సేఫ్టీ ఫ్యూచర్ల గురించి ఇప్పుడు వివరంగా తెలుసుకుందాం.   

దేశంలో బాగా అమ్ముడయ్యే కార్లలో మారుతి వ్యాగన్ఆర్, మారుతి ఈకో  టాప్ లో ఉంటాయి. ఇప్పుడు ఈ రెండు కార్లు ఎక్కువ సేఫ్టీ ఫ్యూచర్లతో తిరిగి మార్కెట్ లోకి వస్తున్నాయి. ఈ కార్లలో ఏకంగా 6 ఎయిర్‌బ్యాగ్‌లు ఫిట్ చేస్తున్నారు. దీంతో ఈ కార్లు ఎప్పుడు మార్కెట్ లోకి వస్తాయా అని వినియోగదారులు ఆసక్తిగా ఎదురు చూస్తున్నారు. 

హాచ్‌బ్యాక్ విభాగంలో భారతీయులకు వ్యాగన్ ఆర్ ఒక మంచి సెలక్షన్ అని చెప్పొచ్చు. ఈ విభాగంలో పెరుగుతున్న పోటీని దృష్టిలో ఉంచుకుని సుజుకి కొత్త సేఫ్టీ ఫీచర్లతో వాహనాన్ని అప్‌డేట్ చేసింది. 2025 వ్యాగన్ ఆర్ 6 ఎయిర్‌బ్యాగ్‌లతో వస్తోంది. 

2025 వ్యాగన్ ఆర్

ధరల విషయానికి వస్తే 2025 వ్యాగన్ ఆర్ బేస్ వేరియంట్‌కు రూ.5,64,000 ధరగా నిర్ణయించారు. అదే సమయంలో హై-ఎండ్ ZXI + AGS వేరియంట్ రూ.7,35,000 వరకు ధర ఉంది. కంపెనీ 6 ఎయిర్‌బ్యాగ్‌లను స్టాండర్డ్‌గా అందించేలా సేఫ్టీ రూల్స్ మార్చింది. వ్యాగన్ ఆర్ తో పాటు ఈకో మోడల్ కూడా ఇలాంటి సేఫ్టీ మార్పులతో  అప్‌డేట్ అయి వస్తోంది. 

ధర పెరుగుదల

కొత్త అప్‌డేట్‌ల ప్రకారం వ్యాగన్ ఆర్ ఇప్పుడు వేరియంట్‌ను బట్టి సుమారు రూ.13,000 వరకు ధర పెరుగుతుంది. 6 ఎయిర్‌బ్యాగ్‌లతో పాటు, కారులో ఏబీఎస్, ఈబీడీ, హిల్ హోల్డ్ అసిస్ట్, 3 పాయింట్ సీట్ బెల్ట్‌లు, ప్రయాణికులందరికీ రిమైండర్‌లు ఇచ్చే బెస్ట్ ఫీచర్స్ ఇందులో ఉన్నాయి. 

మారుతి సుజుకి ఈకో 7 సీటర్ కార్

మారుతి సుజుకి ఈకో మోడల్ ఒక 7 సీటర్ కారు. ఇంతకు ముందు కేవలం డ్యుయల్ ఎయిర్ బ్యాగులు మాత్రమే ఇందులో ఉండేవి. ఇప్పుడు 6 ఎయిర్‌బ్యాగ్‌లను ఫిట్ చేయించడంతో ఈ కారుకు డిమాండ్ పెరిగింది. ఈ కారులో ఎయిర్ బ్యాగులు పెంచడం తప్ప కొత్త మార్పులేవీ చేయలేదు.

ఈ కారులో LXI, VXI, ZXI వంటి రకాలు కూడా ఉన్నాయి. CNG ట్రిమ్ LXI, VXI ట్రిమ్ అనే మోడల్స్ లో అందుబాటులో ఉంది. ఆఫర్‌లో ఉన్న రెండు ఇంజన్లు 65 Bhp 1.0l 3 సిలిండర్ల నేచురల్లీ ఆస్పిరేటెడ్ పెట్రోల్ ఇంజన్, 88 Hp 1.2 L 4 సిలిండర్ Na పెట్రోల్ ఇంజన్ లతో ఈ కార్లు పనిచేస్తాయి. 

సుజుకి ఈకో 

ప్రస్తుతానికి సుజుకి ఈకో బేసిక్ స్టాండర్డ్ ధర రూ.5.44 లక్షలతో ప్రారంభమవుతుంది. ఏసి(0) 5ఎస్ సిఎన్‌జి వేరియంట్‌ ధర రూ.6.7 లక్షల వరకు ఉంది. ఇది సాధారణంగా 7 సీటర్ కారు. కాని ఇందులో 6 సీట్ల వేరియంట్‌ కూడా ఉంది. ఇందులో మధ్య వరుసలో రెండు కెప్టెన్ సీట్లు ఉంటాయి. 

ఇది కూడా చదవండి 6 నెలల్లో 20,000 కార్ల అమ్మకాలు.. రికార్డు క్రియేట్ చేసిన ఎలక్ట్రిక్ కారు ఏంటో తెలుసా?