కొత్త వెహికల్ కొనడానికి ఫుల్గా డబ్బులున్నా.. ఫైనాన్స్ తీసుకొనే కొనాలి? లాజిక్ ఇదే..
మీరు కారు లేదా బైక్ కొనాలని అనుకుంటున్నారా? మీ దగ్గర ఆ వెహికల్ కొనడానికి ఫుల్ గా డబ్బులు ఉన్నాయా? మొత్తం డబ్బు పెట్టి కొనేయకండి. కచ్చితంగా ఫైనాన్స్ తీసుకొనే కొనండి. ఎందుకంటే దీని వెనుక ఒక లాజిక్ ఉంది. అదేంటో తెలుసుకుందాం రండి.
డబ్బులున్నా.. ఫైనాన్స్ ఎందుకు తీసుకుంటారు
ఏదైనా వస్తువు కొనుక్కోవాలంటే కొంతమంది డబ్బులు దాచుకొని సరిపడా సేవ్ చేసుకున్న తర్వాత కొనుక్కుంటారు. కాని ఎక్కువమంది ఫైనాన్స్ తీసుకొని కొనుక్కుంటారు. సరిపడా డబ్బులున్నా కూడా ఫైనాన్స్ లోనే కొనుక్కుంటారు. దీనికి వడ్డీ కూడా కట్టాల్సి వస్తుంది. అయినా కూడా ఫైనాన్స్ లోనే కొనుక్కుంటారు. ఇలా చేస్తే డబ్బులు వేస్ట్ అవుతాయని కొంతమంది అనుకుంటారు. కాని లోన్ తీసుకొని కొనుక్కోవడం వల్ల మీ ఫైనాన్షియల్ ప్లాన్స్ డిస్టర్బ్ కాకుండా ఉంటాయి.
10 నుంచి 20 శాతం డౌన్ పేమెంట్ కడితే చాలు
కారు లేదా బైక్ కొనడానికి మీ దగ్గర సరిపడా డబ్బులున్నా మీరు కేవలం 10 నుంచి 20 శాతం డౌన్ పేమెంట్ కడితే సరిపోతుంది. మిగిలిన అమౌంట్ మొత్తం బ్యాంకులు, ఫైనాన్స్ కంపెనీలు లోన్ ఇస్తాయి. అయితే లోన్ తీసుకొనే ముందు ఇతర బ్యాంకుల వడ్డీ రేట్లు తెలుసుకొని పోల్చి చూడటం మంచిది.
డబ్బులున్నా.. ఫైనాన్స్ ఎందుకు తీసుకోవాలంటే..
ప్రతి ఒక్కరూ సేవింగ్స్ చేస్తారు. వాటిని ఉపయోగించుకొని వస్తువులు కొనుక్కోవాలని అనుకుంటారు. అలా చేస్తే మీరు దాచుకున్న సేవింగ్స్ డబ్బంతా ఒకేసారి ఖర్చయిపోతుంది. అలాంటి సమయంలో ఏదైనా ఎమర్జెన్సీ కలిగితే మీరు చాలా ఇబ్బందులు పడాల్సి వస్తుంది.
ఈ కాలంలో ఎప్పుడు ఎమర్జెన్సీ ఏర్పడుతుందో ఎవరూ చెప్పలేరు. అందువల్ల దాచుకున్న డబ్బంతా పెట్టి కారు లేదా బైక్ కొనడం కంటే లోన్ తీసుకొని కొనడం మంచిది.
ఫైనాన్స్ లో కొంటే కలిగే ప్రయోజనాలు
ఫైనాన్స్ లో కొంటే మీ ఎమర్జెన్సీ ఫండ్ కు ఎలాంటి ఇబ్బంది రాదు.
వడ్డీ కట్టాలన్న డౌట్ ఉన్నా, అది పెద్ద బర్డెన్ కాదు. ప్రతి నెల కొద్ది కొద్దిగా కట్టుకోవడం వల్ల మీ డైలీ లైఫ్ కూడా దెబ్బతినకుండా ఉంటుంది.
మీకు వడ్డీ కట్టడం ఇబ్బందిగా ఉంటే కొన్ని స్టార్టప్ ఫైనాన్స్ కంపెనీలను కలవండి. వారైతే తక్కువ వడ్డీకే లోన్స్ ఇస్తారు.
తక్కువ ఈఎంఐ పెట్టుకోవడం వల్ల మీరు ప్రతి నెలా ఇబ్బంది లేకుండా పేమెంట్ చేయొచ్చు. అందువల్ల డబ్బులున్నా ఫైనాన్స్ తీసుకొని వెహికల్ కొనుక్కుంటేనే ఎక్కువ ప్రయోజనాలు కలుగుతాయి.
బైక్, కారు కొనే ముందు ఇవి తెలుసుకోండి
కొత్త బైక్, కారు కొనే ముందు కొన్ని విషయాలు కచ్చితంగా మీరు తెలుసుకోవాలి. బైక్ ఫైనాన్స్, వడ్డీ రేట్లు, ప్రాసెసింగ్ ఫీజులు, లేట్ పేమెంట్ ఛార్జీలు, ప్రీ పేమెంట్ ఛార్జీలు, ప్రీ క్లోజర్ ఛార్జీలు, కంపెనీ కండీషన్స్ తెలుసుకున్న తర్వాత మాత్రమే వెహికల్ కొనాలా వద్దా అని డిసైడ్ అవ్వాలి. వీటిల్లో ఏది ఎక్కువగా ఉంది? ఏ బ్యాంకు వడ్డీ రేట్లు తగ్గించింది? లాంటి వాటిని పోల్చుకొని స్టెప్ తీసుకోవడం మంచిది.
