రైళ్లలో సీటు నంబర్ పక్కన A అని రాసి ఉంటే ఎక్కడ కూర్చోవాలి ? ఇది తెలిస్తే మీకు సమస్య ఉండదు..
మీరు తరచుగా రైళ్లలో ప్రయాణిస్తూ ఉంటారా అయితే మీరు రైల్వేకు సంబంధించిన కొన్ని నియమాల గురించి, ముఖ్యంగా సీట్ గురించి ఈ విషయాలను తప్పక తెలుసుకోవాలి. రైలు టికెట్ పై ప్రయాణీకుడు సీటు ఏ భోగిలో ఉంది, ఎక్కడ ఉంది అని చూపిస్తుంది. అయితే సీట్ల విషయంలో కొన్ని కోడ్లు ఉంటాయి ఇది చాలా కొద్ది మందికి మాత్రమే తెలుసు.
ఉదాహరణకు సీటు నంబర్ పక్కన A అని ఉంటే అది ఏ సీటు ? చైర్ కారు ఉన్న రైళ్లలో మాత్రమే ఇలాంటి సీట్లు ఉంటాయి. భారతీయ రైల్వే ఇలాంటి ఎన్నో రైళ్లను నిర్వహిస్తున్నాయి, ఇందులో కూర్చోవడానికి మాత్రమే సీట్లు ఉంటాయి. మీరు చైర్ కారు రైళ్లలో టికెట్ తీసుకున్నట్లయితే మీరు కూర్చొని ప్రయాణించాల్సి ఉంటుంది కానీ మీరు నిద్రపోలేరు.
అలాంటి రైళ్లలో రెండు-సీట్లు లేదా మూడు-సీట్ల లైన్లు ఉంటాయి. దీనిలో కిటికీ వైపు మొదటి సీటును 'విండో సీటు' అని పిలుస్తారు, దీని కోసం W ఉపయోగిస్తారు. ఇప్పుడు A గురించి తెలుసుకుందాం ...
రైలులో మూడు సీట్ల లైన్ ఉంటే, విండో సీటు తర్వాత సీటును మిడిల్ సీట్ అని పిలుస్తారు, దీని కోసం M కోడ్ ఉపయోగిస్తారు చివరి సీటును అయిల్ సీట్ అని పిలుస్తారు. ఈ సీటు కోసం A కోడ్ ఉపయోగిస్తారు. రెండు సీట్ల లైన్లలో కూడా విండో తర్వాత సీటును అయిల్ సీటు అంటారు. ఇప్పుడు ఇతర సీట్ల కోడ్ గురించి కూడా తెలుసుకుందాం ...
ఎక్స్ప్రెస్ లేదా సూపర్ఫాస్ట్ రైళ్ల గురించి మాట్లాడితే సీట్లు కింద, మధ్య, పైన ప్రకారం విభజించి ఉంటాయి. కింద సీటును లోవర్ బెర్త్ అని, మధ్య సీటును మిడిల్ బెర్త్ అని పైన సీటును అప్పర్ బెర్త్ అంటారు. దీని కోసం LB, MB, UB కోడ్లు ఉపయోగిస్తారు. అంతే కాకుండా సైడ్ లోయర్, సైడ్ అప్పర్ సీట్లు కూడా ఇలాంటి రైళ్లలో చూడవచ్చు, దీని కోసం SL అండ్ SU కోడ్లు ఉపయోగిస్తారు.
సీట్ల లాగానే రైళ్లలో కూడా కోచ్ల కోసం వేర్వేరు కోడ్లు ఉంటాయి. ఉదాహరణకు 1A అంటే మొదటి AC, 2A అంటే సెకండ్ AC, 3A అంటే థర్డ్ AC. అదేవిధంగా SL అంటే స్లీపర్ క్లాస్, 2S అంటే సెకండ్ సిట్టింగ్, CC అంటే చైర్ కార్, EC అంటే ఎగ్జిక్యూటివ్ చైర్ కార్ అని అర్ధం.