Hero Electric Cycle: స్కూటర్ కంటే ఈ సైకిల్ బెస్ట్ కదా.. ఒక్క ఛార్జ్‌తో 70 కి.మీ ప్రయాణం

Hero Electric A2B Cycle: సిటీలో ట్రాఫిక్ వల్ల తిప్పలు పడుతున్నారా? టైమ్ కి ఆఫీసుకు వెళ్లలేకపోతున్నారా? మీ కోసమే హీరో కంపెనీ A2B అనే ఎలక్ట్రిక్ సైకిల్ తయారు చేసింది. ఇది ఒకసారి ఛార్జ్ చేస్తే 70 కి.మీ వరకు వెళ్తుంది. ఈ సైకిల్ స్పెషాలిటీలు, ధర, మార్కెట్ లోకి వచ్చే తేదీ తదితర వివరాలు ఇప్పుడు తెలుసుకుందాం. 

హీరో ఎలక్ట్రిక్ కొత్త మోడల్స్‌తో పర్యావరణానికి అనుకూలమైన టూ వీలర్స్‌ను తయారు చేస్తోంది. హీరో ఎలక్ట్రిక్ A2B సైకిల్ ని ఈ కాలానికి తగ్గట్టుగా, సౌకర్యవంతంగా డిజైన్ చేశారు. ఇందులో 0.34 kWh బ్యాటరీ ఉంది. ఒక్కసారి ఛార్జ్ చేస్తే 70 కి.మీ వరకు వెళ్లొచ్చు. దీంతో రోజూ ఛార్జింగ్ పెట్టే పని కూడా ఉండదు.

ఛార్జింగ్ ఎంత సేపు పెట్టాలి

బ్యాటరీ ఛార్జ్ చేయడానికి దాదాపు 4 నుంచి 5 గంటలు పడుతుంది. యూజర్లు రాత్రిపూట లేదా ఆఫీస్ కి వెళ్లి ఛార్జింగ్ పెట్టేసి పని చేసుకోవచ్చు. ఇది చాలా దూరం వెళ్తుంది కాబట్టి బైకులు నడపడం, పెట్రోల్ బంకుల చుట్టూ తిరగడం లాంటి పనులు కూడా చేయాల్సిన పని లేదు. సిటీ రోడ్ల నుంచి కొంచెం కష్టమైన రోడ్ల మీద కూడా ఈ సైకిల్ పై ఈజీగా వెళ్లొచ్చు.

భద్రతకు ఎక్కువ ప్రాధాన్యం

ఈ ఎలక్ట్రిక్ సైకిల్ ని బాగా డిజైన్ చేశారు. ముఖ్యంగా సేఫ్టీకి ప్రాధాన్యం ఇచ్చారు. మంచి బ్రేకింగ్ సిస్టమ్, క్వాలిటీ టైర్లు ఉపయోగించారు. దీనివల్ల ఏ రోడ్డు మీదైనా సేఫ్‌గా, స్పీడ్‌గా వెళ్లొచ్చు. ఇది చాలా ఈజీగా ఉంటుంది. ఎన్విరాన్‌మెంట్‌ను కాపాడేందుకు మీవంతు సాయం చేయాలనుకుంటే ఈ సైకిల్ కొని ఉపయోగించండి. 

ఇది కూడా చదవండి కేవలం రూ.50 వేల నుంచే అదిరిపోయే ఫీచర్స్‌తో ఎలక్ట్రిక్ స్కూటర్లు

ఈ సైకిల్ ధర ఎంత?

దీని రేటు ను హీరో కంపెనీ ఇంకా చెప్పలేదు. కానీ తక్కువ ధరలో మంచి క్వాలిటీ ఉండేలా చూస్తామని హీరో ఎలక్ట్రిక్ చెబుతోంది. తక్కువ ఖర్చుతో ఎన్విరాన్‌మెంట్‌కు హాని చేయని వెహికల్ కావాలనుకునే వాళ్లకు ఇది మంచి ఆప్షన్. దీని పూర్తి వివరాలు త్వరలో తెలుస్తాయి.

A2B సైకిల్ 2025 చాలా రంగుల్లో వస్తుందని అనుకుంటున్నారు. హీరో ఎలక్ట్రిక్ కస్టమర్లకు నచ్చినట్టుగా సైకిల్ ని మార్పులు చేసుకునే ఆప్షన్ కూడా ఇవ్వొచ్చు. ఇది చాలా ఈజీగా ఉండటం, మంచి బ్యాటరీ ఉండటం, స్టైలిష్ డిజైన్‌తో వస్తుండటంతో ఎన్విరాన్‌మెంట్‌ను కాపాడే వెహికల్స్‌లో ఇది టాప్ ప్లేస్‌లో ఉంటుందని కంపెనీ అంచనా వేస్తోంది. 

ఇది కూడా చదవండి మార్కెట్ లోకి కొత్త ఎలక్ట్రిక్ ఆటోలు.. ధర తక్కువ, ఫీచర్లు ఎక్కువ