Gold: భారీగా త‌గ్గిన బంగారం ధ‌ర.. ఒక్క‌రోజే ఏకంగా రూ. 3వేలు డౌన్‌.. ఇంకా త‌గ్గ‌నుందా?
బంగారం అనే మాట ప‌ల‌కాలంటేనే భ‌య‌ప‌డే ప‌రిస్థితి వ‌చ్చిన విషయం తెలిసిందే. తులం బంగారం రూ. ల‌క్ష అవుతుంద‌ని గ‌త కొన్ని రోజులుగా వింటూ వ‌చ్చాం. అయితే తాజాగా ఆ మార్కును కూడా దాటేసింది. ల‌క్ష దాటి ఇంకా పరుగులు పెట్టింది. అయితే అనూహ్యంగా బుధ‌వారం బంగారం ధ‌ర ఒక్క‌సారిగా త‌గ్గుముఖం ప‌ట్టింది. బుధ‌వారం ఒక్క‌రోజే తులంపై ఏకంగా రూ. 3 వేల వ‌ర‌కు త‌గ్గింది. ఇంత‌కీ ప్రస్తుతం బంగారం ధ‌ర ఎంత ఉంది.? ఈ త‌గ్గుదల ఇలాగే కొన‌సాగుతుందా.? తెలుసుకుందాం..
- FB
- TW
- Linkdin
Follow Us
 "gold price")
gold price
చ‌రిత్ర‌లో తొలిసారి తులం బంగారం ధ‌ర ఏకంగా రూ. ల‌క్ష దాటేసింది. మంగ‌ళ‌వారం 24 క్యారెట్ల బంగారం ధ‌ర ఏకంగార రూ. 1,01,350 వ‌ద్ద న‌మోదైంది. దీంతో బంగారం ప్రియులు ఒక్క‌సారిగా షాక్‌కి గుర‌య్యారు. రానున్న రోజుల్లో బంగారం ధ‌ర‌లు మ‌రింత పెర‌గ‌డం ఖాయ‌మ‌ని వాద‌న‌లు వినిపించాయి.
అయితే అంచ‌నాల‌ను త‌ల‌కిందులు చేస్తూ బుధ‌వారం బంగారం ధ‌ర‌లు ఒక్క‌సారిగా త‌గ్గుముఖం ప‌ట్టాయి. ఒక్క రోజే తులం గోల్డ్‌పై రూ. 3000 త‌గ్గింది. దీంతో ప్రస్తుతం 24 క్యారెట్ల బంగారం ధ‌ర రూ. 98,350కి దిగొచ్చింది. మ‌రి దేశంలో ప‌లు ప్ర‌ధాన న‌గ‌రాల్లో బంగారం ధ‌ర‌లు ఎలా ఉన్నాయో ఇప్పుడు తెలుసుకుందాం.
* ఢి ల్లీలో 22 క్యారెట్ల బంగారం ధ‌ర రూ. 90,030కాగా 24 క్యారెట్ల గోల్డ్ ధ‌ర రూ. 98,500 వ‌ద్ద కొన‌సాగుతోంది.
* ఆర్థిక రాజ‌ధాని ముంబైలో 22 క్యారెట్ల బంగారం ధ‌ర రూ. 90,150కాగా, 24 క్యారెట్ల బంగారం ధ‌ర రూ. 98,350గా ఉంది.
* చెన్నై విష‌యానికొస్తే ఇక్క‌డ బుధ‌వారం 22 క్యారెట్ల తులం బంగారం ధ‌ర రూ. 90,150కాగా, 24 క్యారెట్ల బంగారం ధ‌ర రూ. 98,350 వ‌ద్ద కొన‌సాగుతోంది.
* బెంగాళూరులో 22 క్యారెట్ల 10 గ్రాముల బంగారం ధ‌ర రూ. 90,150 కాగా, 24 క్యారెట్ల బంగారం ధ‌ర రూ. 98,350 వ‌ద్ద కొన‌సాగుతోంది.
* పుణెలో కూడా 22 క్యారెట్ల బంగారం ధ‌ర రూ. 90,150 కాగా, 24 క్యారెట్ల గోల్డ్ ధ‌ర రూ. 98,350 వ‌ద్ద కొన‌సాగుతోంది.
* తెలుగు రాష్ట్రాల విష‌యానికొస్తే హైద‌రాబాద్‌, విజ‌య‌వాడ, విశాఖ‌లో 22 క్యారెట్ల 10 గ్రాముల బంగారం ధ‌ర రూ. 90,150, 24 క్యారెట్ల బంగారం ధ‌ర రూ. 98,350 వ‌ద్ద కొన‌సాగుతోంది.
Gold price today
బంగారం ధ‌ర‌లు ఎందుకు తగ్గాయి.?
ఆశాఖ‌మే హ‌ద్దుగా పెరిగిన బంగారం ధ‌ర‌లు ఒక్క‌సారిగా త‌గ్గ‌డానికి కార‌ణాలు చాలానే ఉన్నాయ‌ని నిపుణులు చెబుతున్నారు. చైనా, అమెరికాల మ‌ధ్య వాణిజ్య ఒప్పందాల్లో కాస్త సానుకూల వాతావ‌ర‌ణం క‌నిపిస్తుండ‌డంతో మార్కెట్లు మ‌ళ్లీ పుంజుకున్నాయి. అలాగే డాల‌ర్ విలువ క్ర‌మంగా బ‌ల ప‌డుతోంది. దీంతో గోల్డ్‌పై పెట్టుబ‌డి పెట్టిన వాళ్లు కాస్త మ‌ళ్లీ మార్కెట్ వైపు మొగ్గు చూపుతుండ‌డం బంగారం ధ‌ర‌లు త‌గ్గ‌డానికి కార‌ణం కావొచ్చ‌ని నిపుణులు అభిప్రాయ‌ప‌డుతున్నారు.
ఇంకా త‌గ్గ‌నున్నాయా.?
బంగారం ధ‌ర‌లు ఇంకా త‌గ్గ‌నున్నాయా.? అంటే.. క‌చ్చితంగా ఆ అవ‌కాశాలు ఉన్నాయ‌ని ఆర్థిక నిపుణులు అభిప్రాయ‌ప‌డుతున్నారు. వాణిజ్య ఉద్రిక‌త్త‌లు త‌గ్గుముఖం ప‌డుతుండ‌డం. శాంతి చ‌ర్చ‌ల‌కు ర‌ష్యా అధ్య‌క్షుడు పుతిన్ సానుకూలంగా స్పందించ‌డం వంటి అంశాల‌న్నీ బంగారం ధ‌ర త‌గ్గేందుకు దోహ‌ద‌ప‌డుతుండొచ్చ‌ని అంచ‌నా వేస్తున్నారు.
