Income: ఎంత సంపాదించామన్నది కాదు..! మధ్యతరగతి ప్రజలకు అద్దిరిపోయే ఐదు మనీ టిప్స్..
Income: ఎంత సంపాదిస్తున్నాం అన్నది కాదు, ఆ డబ్బును ఎలా మేనేజ్ చేస్తున్నాం అన్నదే మిమ్మల్ని ధనవంతులుగా మారుస్తుంది. బిజినెస్ నిపుణులు మధ్యతరగతి ప్రజలు చేసే ఆర్థిక తప్పిదాలను వివరిస్తూ, ఆర్థిక స్వేచ్ఛ పొందేందుకు ఐదు ముఖ్యమైన సూత్రాలను పంచుకున్నారు.
ఈఎంఐల ఉచ్చు - మధ్యతరగతి మాయాజాలం
చాలా మంది కొత్త ఫోన్లు లేదా లగ్జరీ వస్తువుల కోసం ఈఎంఐల వైపు మొగ్గు చూపుతారు. ఒక సాధారణ ఉద్యోగి అనవసరమైన ఈఎంఐల భారంతో సతమతమవుతాడు. వస్తువు పాతబడక ముందే కొత్త మోడల్ కోసం అప్పులు చేయడం వల్ల ఆర్థిక స్వేచ్ఛకు ఎంతటి ఆటంకం కలుగుతుందో మీకు తెలియాలి.
ఎస్ఐపి శక్తి - చిన్న మొత్తంతో పెద్ద సంపద
ఎస్ఐపి ద్వారా చేసే పెట్టుబడులు దీర్ఘకాలంలో ఎలా పెరుగుతాయో అర్ధం చేసుకోవాలి. నెలకు కొన్ని వేల రూపాయలతో మొదలుపెట్టిన పెట్టుబడి, కాంపౌండింగ్ వల్ల కొన్ని ఏళ్లలో కోట్లాది రూపాయలుగా మారుతుంది. ఇది కేవలం అంకెలు మాత్రమే కాదు, క్రమశిక్షణతో కూడిన ప్లానింగ్ ఇచ్చే ఫలితం అని బిజినెస్ నిపుణులు వివరిస్తున్నారు.
ఎమర్జెన్సీ ఫండ్ - ఆర్థిక రక్షణ కవచం
అనుకోని విధంగా ఉద్యోగం పోయినా లేదా అనారోగ్యం పాలైనా, కుటుంబం ఇబ్బంది పడకుండా ఉండేందుకు ఎమర్జెన్సీ ఫండ్ ఉండాలి. కనీసం ఆరు నెలల ఖర్చులకు సరిపడా డబ్బును పక్కన పెట్టుకోవడం వల్ల కలిగే భద్రత అంతా ఇంతా కాదు. ఆర్థిక ప్రణాళికలో ఇది ఒక ముఖ్యమైన మెట్టు.
లక్ష్యం ఆధారిత ప్లానింగ్ - ఇల్లు, పిల్లల చదువు
ప్రతి ఒక్కరికీ సొంత ఇల్లు, పిల్లల గొప్ప చదువు అనేవి ప్రధాన లక్ష్యాలు. 15-20 ఏళ్ల ముందు నుండే ప్లానింగ్ మొదలుపెడితే, ఎటువంటి అప్పులు చేయకుండా ఈ లక్ష్యాలను ఎలా చేరుకోవచ్చో నిపుణులు పలు సలహాలు ఇచ్చారు.
ఆర్థిక స్వేచ్ఛ - సమయం మీ నియంత్రణలో..
మీరు డబ్బు కోసం పని చేయడం మానేసి, మీ డబ్బు మీ కోసం పని చేయడం మొదలుపెట్టినప్పుడే అది నిజమైన సక్సెస్. సామాన్య జీవితాన్ని గడుపుతూ, అనవసర ఖర్చులను తగ్గించుకుంటే 10-15 ఏళ్లలో అనుకున్న స్థాయికి చేరుకోవచ్చనే ఆశాభావం వ్యక్తం అవుతుంది.
