దీపావళి టైంలో టపాసుల అమ్మాలనుకుంటున్నారా, అయితే పూర్తి బిజినెస్ ప్లాన్ మీకోసం..2 వారాల్లోనే లక్షల్లో లాభం...
సీజనల్ వ్యాపారం చేయడం ద్వారా అదనపు ఆదాయం సంపాదించాలని అనుకుంటున్నారా, అయితే దీపావళి నేపథ్యంలో టపాసుల వ్యాపారం చక్కటి ఆదాయ వనరు అవుతుంది. దీని కోసం ఎంత పెట్టుబడి కావాలి, ఏ అనుమతులు తీసుకోవాలి. ఎక్కడి నుంచి తక్కువ ధరకు టపాసులు తెచ్చుకోవాలో తెలుసుకుందాం.
అదనపు ఆదాయం కోసం ఏదైనా సీజనల్ వ్యాపారం చేయాలని ఆలోచిస్తున్నారా అయితే ప్రస్తుతం రాబోతోంది దీపావళి పండగ సందర్భంగా మీరు టపాసులు బిజినెస్ చేస్తే చక్కటి ఆదాయం పొందవచ్చు. ఇందుకోసం ఎంత పెట్టుబడి అవుతుంది. వ్యాపార చిట్కాలు ఏంటో తెలుసుకుందాం.
దీపావళి సమయంలో అన్ని వర్గాల వారు తమ ఇంటిముందు టపాసులు పెంచడానికి ఆసక్తి చూపిస్తారు. తమ శక్తి కొద్దీ స్థాయిని బట్టి టపాసులు కొనుగోలు చేస్తారు. ఒక వ్యాపార అవకాశంగా మార్చుకోవచ్చు. మీ గ్రామం లేదా పట్టణంలో దీపావళికి ముందు ఒక తాత్కాలిక ఏర్పాటు చేసి బిజినెస్ చేయవచ్చు.
టపాసులు అనగానే మన అందరికీ గుర్తుకు వచ్చేది శివకాశీ. తమిళనాడులోని శివకాశి టపాసుల పరిశ్రమకు చాలా ప్రసిద్ధి చెందింది. ఇక్కడి ఫ్యాక్టరీలో టపాసులు తయారు చేస్తారు. అనేక పరిశ్రమలు ఇక్కడ టపాసులను హోల్ సేల్ ధరలకే సంవత్సరమంతా విక్రయిస్తాయి. దేశమంతా శివకాశి నుంచే టపాసులు కొనుగోలు చేస్తుంటారు.
అయితే మీరు టపాసుల బిజినెస్ స్టార్ట్ చేయాలంటే, ముందుగా ముందుగా స్థానికంగా పర్మిషన్ తీసుకోవాలి. తాత్కాలిక షాప్ కోసం రేకులతో ఒక స్టాల్ ఏర్పాటు చేసుకోవాలి. అలాగేఅ స్థానిక అగ్నిమాపక కేంద్రం నుంచి పర్మిషన్ తీసుకోవాలి.
ఇక మీరు లాభసాటిగా వ్యాపారం చేయాలంటే, శివకాశి వెళ్లి హోల్ సేల్ ధరలకే టపాసులు కొనగోలు చేయాలి. అక్కడ MRP ధరల కన్నా కూడా కేవలం 20-40 శాతం ధరలకే టపాసులు లభిస్తాయి. మీరు వాటిని స్థానికంగా MRP కన్నా 25 శాతం తక్కువకు అమ్మినా రెండింతలు లాభం పొందవచ్చు. అయితే శివకాశిలో అనేక కుటీర పరిశ్రమల్లో టపాసులు తయారు చేస్తుంటారు. వాటిని మీరు క్వాలిటీ ఉన్న సరుకు తెచ్చుకుంటే మంచిది. లేకపోతే మీ వద్ద సరుకు అమ్ముడు పోకుండా ఉండే ప్రమాదం ఉంది.
అలాగే శివకాశి నుంచి ట్రాన్స్ పోర్ట్ కోసం అక్కడి నుంచే నేరుగా మీ ప్రాంతానికి లారీసర్వీసులు ద్వారా తెచ్చుకోవచ్చు. లేదా, స్థానిక వ్యాపారులు ఒక బృందంగా ఏర్పడి కూడా మీరు ట్రాన్స్ పోర్ట్ ద్వారా అంతా కలిసి ఒకే దగ్గరి నుంచి టపాసులు తెచ్చుకొని మీ ప్రాంతంలో విక్రయించుకోవచ్చు.
అయితే టపాసుల కొనుగోలులో జాగ్రత్తలు పాటించాలి. ముఖ్యంగా స్థానికంగా ఏ టపాసులు ఎక్కువగా అమ్ముడుపోతాయో గుర్తించి వాటిని తెచ్చుకోవాలి. అనవసరంగా కొత్త తరహా టపాసులు తెచ్చుకుంటే ఎవరూ కొనకుండా వేస్ట్ అయిపోయి మీకు నష్టం వచ్చే ప్రమాదం ఉంది.
అన్నింటికన్నా ముఖ్యమైనది అనుమతులు. పోలీసు, అగ్నిమాపక సిబ్బంది లేకుండా మీరు స్టాల్ ఏర్పాటు చేసుకుంటే మాత్రం ఇబ్బందులు తలెత్తే అవకాశం ఉంది. అందుకే అన్ని రకాల అనుమతులు పొందిన తర్వాతే పటాసుల వ్యాపారం ప్రారంభిస్తే చక్కటి లాభాలను పొందే వీలుంది.