1983లో భారత క్రికెటర్ల జీతం ఎంతో తెలుసా..? సోషల్ మీడియా వైరల్ ఫోటో..

భారతదేశంలోని రాజకీయాలు, సినిమాలతో సమానంగా చర్చించబడే మరో అంశం ఇండియన్ క్రికెట్. ఒకప్పుడు జెంటిల్‌మన్ గేమ్‌గా పేరుగాంచిన ఈ క్రీడ భారతదేశంలోని ప్రజల హృదయాలను కొల్లగొట్టింది. 

అయితే, భారతదేశంలో క్రికెట్ పరిణామం అంత సులభం కాదు. 1980 ముందు, ఈ క్రీడ తక్కువ సంపాదన కలిగిన పరిశ్రమ. ఈ కారణంగా క్రికెట్ మంచి కెరీర్ సెలక్షన్ గా పరిగణించబడదు. దీనిని రుజువు చేసేందుకు తాజాగా  X(ట్విట్టర్) వెబ్‌సైట్‌లో ఒక యూజర్  1983లో భారత క్రికెటర్ల జీతం గురించి చూపించే ఫోటోను షేర్ చేశారు. ఫోటోలో అప్పటి భారత కెప్టెన్ కపిల్ దేవ్ రూ. 1500 ఫీజు ఇంకా రూ. 600 డైలీ  అలవెన్స్  అందుకుంటున్నట్లు చూడవచ్చు. 1983లో క్రికెటర్లు కూడా ఇదే ఫీజు  అందుకున్నారు,

కానీ నేడు భారత క్రికెటర్లు కోట్లలో సంపాదిస్తున్నారు. బీసీసీఐ వార్షిక కాంట్రాక్టుల ద్వారా క్రికెటర్ల ఆదాయాలను వారి గ్రేడ్‌ల ఆధారంగా నిర్ణయిస్తుంది. ప్రపంచంలోని అత్యంత సంపన్న క్రీడా సంస్థలలో ఒకటి భారత క్రికెట్ బోర్డు నాలుగు గ్రేడ్‌లలో ఒప్పందాలను అందిస్తుంది: A+, A, B అండ్ C. గ్రేడ్ సి ఆటగాళ్లకు వార్షిక రుసుము రూ. 1 కోటి, గ్రేడ్ బి క్రికెటర్లకు రూ. 3 కోట్లు, గ్రేడ్ ఎ క్రికెటర్లకు రూ. 5 కోట్లు, గ్రేడ్ ఎ+ క్రికెటర్లకు రూ. 7 కోట్లు.

విరాట్ కోహ్లి, రోహిత్ శర్మ, రవీంద్ర జడేజా, జస్‌ప్రీత్ బుమ్రా  నలుగురు ఆటగాళ్లకు మాత్రమే A+ గ్రేడ్ కాంట్రాక్ట్ లభించడం గమనార్హం. అలాగే క్రికెటర్లు మ్యాచ్ ఫీజులు అండ్ గణనీయమైన అలవెన్సులు పొందుతారు. దీని ప్రకారం వన్డే మ్యాచ్‌లకు రూ. 6 లక్షలు, టీ20 మ్యాచ్‌లకు రూ. 3 లక్షలు ఇంకా  టెస్ట్ మ్యాచ్‌లకు రూ.15 లక్షలు పొందుతారు .

1983 క్రికెట్ ప్రపంచ కప్ విజేత జట్టు సభ్యుడు సునీల్ వాల్సన్, ప్రపంచ కప్ గెలిచిన తర్వాత ప్రతి క్రీడాకారుడు దాదాపు రూ. 25,000 అందుకున్నట్లు పేర్కొన్నాడు. ఆ తర్వాత అతను మాట్లాడుతూ, "భారత్‌కు ఆడటం గర్వకారణం కాబట్టి, ఆ సమయంలో ప్రైజ్  మని  పెద్దది కాదు." అని అన్నారు.

భారత్ 1983,  2011లో రెండుసార్లు ఐసిసి క్రికెట్ ప్రపంచ కప్‌ను గెలుచుకుంది, అయితే 2003 అండ్  2023లో రెండుసార్లు రన్నరప్‌గా నిలిచింది.