Hacker Attacks: మీరు క్రోమ్ వాడుతున్నారా? హ్యాకర్లు దాడి చేసే ఛాన్స్ ఉంది. ఈ సేఫ్టీ టిప్స్ పాటించండి

Hacker Attacks: గూగుల్ క్రోమ్‌ యూజర్లకు హెచ్చరిక. క్రోమ్ బ్రౌజర్ డేంజర్ లో పడింది. దీనిపై సైబర్ నేరగాళ్లు దాడులు చేసే అవకాశాలున్నాయి. వెంటనే బ్రౌజర్ ను అప్ డేట్ చేసుకోవడంతో పాటు ఈ టిప్స్ పాటిస్తే మీ డేటా, మనీ సేఫ్ గా ఉంటాయి.

గూగుల్ క్రోమ్ బ్రౌజర్‌లో ఒక ముఖ్యమైన సెక్యూరిటీ లోపం బయటపడింది. దీనికి CVE-2025-2783 అని పేరుపెట్టారు. ఈ లోపం కారణంగా యూజర్లపై సైబర్ దాడులు జరిగే అవకాశం ఉంది. ఫిషింగ్ ఈ-మెయిల్స్, హానికరమైన లింక్స్ ద్వారా హ్యాకర్లు ఈ లోపాన్ని ఉపయోగించి క్రోమ్ సెక్యూరిటీని కూడా దాటేస్తున్నారు. వారి వలలో పడకుండా ఉండాలంటే యూజర్లు వెంటనే తమ బ్రౌజర్లను అప్‌డేట్ చేసుకోవడం అవసరం.

ముఖ్యంగా మీడియా సంస్థలు, ప్రభుత్వ సంస్థలు, ఎడ్యుకేషన్ సంస్థలు ఈ సైబర్ దాడుల ప్రమాదంలో ఉన్నాయి. ఇంటర్నెట్ సెక్యూరిటీని అందించే కాస్పర్స్కీ కి చెందిన ‘గ్లోబల్ రీసెర్చ్ అండ్ అనాలిసిస్ గ్రూప్’ (GReAT) ఈ లోపాన్ని కనుగొనింది. దీనికి CVE-2025-2783 అని పేరు పెట్టింది.

ఈ లోపం వల్ల హానికరమైన లింక్‌ను క్లిక్ చేసిన యూజర్ పై హ్యాకర్లు దాడి చేస్తుంటే క్రోమ్ సెక్యూరిటీ ఏమీ చేయలేకపోతోంది. 

ఇది కూడా చదవండి వాట్సాప్, టెలిగ్రామ్, ఈ-మెయిల్‌పై ఏప్రిల్ 1 నుంచి కేంద్రం నిఘా! ఈ తప్పులు చేసేవాళ్లని పట్టుకోడానికే..

హ్యాకర్లు ఈ లోపాన్ని ఎలా ఉపయోగించారు?

"ఆపరేషన్ ఫోరమ్‌ట్రోల్" అనే ప్రచారం ద్వారా సైబర్ క్రిమినల్ ఆర్గనైజేషన్ ఈ లోపాన్ని ఉపయోగించినట్లు కాస్పర్స్కీ చెబుతోంది. ఈ లోపం వల్ల హ్యాకర్లు క్రోమ్ బ్రౌజర్ కి చెందిన శాండ్‌బాక్స్ సెక్యూరిటీని దాటేసి వచ్చి యూజర్ల పై అటాక్ చేస్తున్నారు. శాండ్‌బాక్స్ సెక్యూరిటీ అంటే.. హానికరమైన ఫైల్స్ మొత్తం సిస్టమ్‌ను ఎఫెక్ట్ చేయకుండా ఆపడానికి డిజైన్ చేసిన ఒక సెక్యూరిటీ ఫీచర్ ఇది.

బాధితుడు లింక్‌ను క్లిక్ చేసిన తర్వాత CVE-2025-2783 బగ్ బ్యాక్‌గ్రౌండ్‌లో పనిచేసి హ్యాకర్లకు చట్టవిరుద్ధమైన యాక్సెస్ ఇచ్చింది. దీంతో హ్యాకర్ల పని ఈజీ అయిపోయింది. 

సైబర్ దాడి నుంచి సేఫ్‌గా ఉండటం ఎలా?

ఈ సమస్య నుంచి కాపాడుకోవడానికి క్రోమ్ యూజర్లు తమ బ్రౌజర్‌ను వెంటనే అప్‌డేట్ చేసుకోవాలి. విండోస్ యూజర్లు అప్‌డేట్‌ను డౌన్‌లోడ్ చేసుకోవచ్చు. మిగతా క్రోమియం ఆధారిత బ్రౌజర్ల కోసం అప్‌డేట్స్ త్వరలో వస్తాయి.

సెట్టింగ్స్ లో క్రోమ్ సెలెక్ట్ చేయడం ద్వారా యూజర్లు అప్‌డేట్స్‌ను చెక్ చేసుకోవచ్చు. ఏవైనా అప్‌డేట్స్ ఉంటే లేటెస్ట్ వెర్షన్ వెంటనే డౌన్‌లోడ్ అవుతుంది.

సెక్యూరిటీ నిపుణుల సలహాలు ఇవిగో

URLలను జాగ్రత్తగా చెక్ చేయండి. అనుమానాస్పదంగా ఉంటే క్లోజ్ చేసేయండి.

సెర్చ్ రిజల్ట్స్ పైన కనిపించే ఫ్రీ యాడ్స్‌ను క్లిక్ చేయకండి.

మీకు నమ్మకంగా ఉన్న ప్రోగ్రామ్స్, ప్లాట్‌ఫామ్స్‌, సర్వీస్ సైట్లనే ఉపయోగించండి.

కొత్త వెబ్ సైట్ ను చూసే ముందు రివ్యూస్ చదవండి.

సైబర్ దాడులు మారుతూ ఉంటాయి కాబట్టి సాఫ్ట్‌వేర్‌ను అప్‌డేట్ చేయడం అవసరం.