టికెట్ లేకుండా రైలులో ప్రయాణించవచ్చా.. ఈ రైల్వే రూల్ మీకు తెలుసా?

నిత్యం లక్షల కొద్దీ ప్రయాణికులు రైల్వే ద్వారా ప్రయాణిస్తుంటారు. దూర ప్రాంతాలకి తక్కువ సమయంలో చేరుకోవడానికి రైల్వే మార్గం చాల ఉత్తమమైనది. అయితే ప్రయాణికులు టికెట్ లేకుండా రైలులో ప్రయాణించవచ్చా  ? అనే ప్రశ్న చాలా మందికి ఉంటుంది. దీనికి సంబంధించిన రైల్వే నిబంధనల గురించి తెలుసుకోండి...  

టికెట్ లేకుండా రైలులో ప్రయాణించడం వల్ల జైలు శిక్ష లేదా మినహాయింపు ఉండదని గుర్తుంచుకోండి. మీరు తెలుసుకోవలసిన రైల్వే  రూపొందించిన కొన్ని నియమాలు ఉన్నాయి. చాల మంది ఎక్కడికైనా అర్జెంటుగా  వెళ్లాల్సి వస్తే రైల్వే తత్కాల్ టికెట్ తీసుకుంటారు.

అయితే కొన్నిసార్లు కౌంటర్‌లో రద్దీ ఎక్కువగా ఉండడంతో తత్కాల్ టికెట్‌ దొరకడం కష్టమవుతుంది. ఎమర్జెన్సీ వచ్చి తత్కాల్ టికెట్ కూడా దొరక్కపోతే ఎలా ? ఇలాంటి పరిస్థితుల్లో టిక్కెట్టు తీసుకోకుండా రైలు ప్రయాణం చేయవచ్చా ? ఈ విషయంలో రైల్వే రూల్ ఏంటి, డీటీఈకి పట్టుబడితే ఏం చేయాలి...

ముందుగా రైల్వే శాఖ ప్రకారం, టిక్కెట్టు తీసుకోకుండా రైలులో ప్రయాణించడం చట్ట ప్రకారం నేరం. కానీ, అత్యవసర పరిస్థితుల్లో ప్లాట్‌ఫారమ్ టికెట్ లేదా జనరల్ టికెట్ తీసుకుని ప్రయాణించవచ్చు.

ముందుగా మీరు స్టేషన్ నుండి కేవలం 10 రూపాయలకే ప్లాట్‌ఫారమ్ టిక్కెట్‌ను కొనుగోలు చేయాలి. ఆ తర్వాత రైలు ఎక్కి టీటీఈని కలవండి. మీరు మీ అత్యవసర పరిస్థితి గురించి TTEకి చెప్పండి ఇంకా  మీరు ఎక్కడికి వెళ్లాలి అనే దాని గురించి అతనికి సమాచారం ఇవ్వండి. మీ రిక్వెస్ట్  విన్న తర్వాత TTE ట్రైన్ లో ఎక్కడైనా సిటు ఖాళీ ఉంటె ఎవరైనా  ప్రయాణాన్ని రద్దు చేసుకుంటే ఆ టిక్కెట్‌ మీకు  సిద్ధం చేసి కేటాయించవచ్చు. 

రైలులో ఏదైనా సీటు ఖాళీగా ఉంటే, TTE మీకు ఆ సీటు కేటాయించవచ్చు. TTE వద్ద హ్యాండ్‌హెల్డ్ మెషిన్ ఉంటుంది, దాని ద్వారా అతను రైలు లోపల ఖాళీ సిటు ఉన్నచో ఆ టిక్కెట్‌లను  మీకు జారీ చేయవచ్చు. రైల్వే నిబంధనల ప్రకారం రిజర్వేషన్ టికెట్ లేకుంటే రూ.250 లేదా అంతకంటే పైగా జరిమానా విధిస్తారు. ఆంతే కాకుండా, మీరు రైలు ఎక్కిన ప్రదేశం నుండి మీ గమ్యస్థానానికి ఛార్జీని చెల్లించాలి.