Business Ideas: మహిళలూ.. రూ. 1000 ఖర్చు పెట్టి 3 నెలలు ఈ కోర్సు నేర్చుకుంటే, ఇంటివద్దే నెలకు రూ. 1 లక్ష ఆదాయం

పెరుగుతున్న ఖర్చుల దృష్ట్యా ఇంటి నిర్వహణ భారంగా మారుతోంది. వంటింట్లో గ్యాస్ బండ మొదలు బియ్యం, ఉప్పు, పప్పు, కూరగాయలు, అద్దె, స్కూలు ఫీజులు భారీగా పెరిగిపోయింది ఇంటి నిర్వహణ కష్టంగా అయిపోతోందా. అయితే ఏ మాత్రం బాధపడకండి మహిళలు ఇంటి వద్ద ఉంటూ ప్రతి నెల ఒక లక్ష రూపాయల వరకు సంపాదించుకునే బిజినెస్ ఐడియాతో మీ ముందుకు వచ్చాం.

మహిళలు ఇంటి వద్ద కూర్చొని ప్రతినెల ఆదాయం సంపాదించాలని అనుకుంటున్నారా అయితే ఇది మీకు చక్కటి సువర్ణవకాశం ఎందుకంటే ఈ బిజినెస్ చేస్తే మీరు ఇంటి వద్ద నుంచి బయటికి వెళ్ళాల్సిన పనిలేదు.  ఇంటి వద్ద ఉంటూనే చక్కటి ఆదాయం సంపాదించుకునే వీలుంది. ఇందుకోసం ఒక వెరైటీ వ్యాపార చిట్కా తో మీ ముందుకు వచ్చాం. ఈ బిజినెస్ చేయడం ద్వారా ప్రతి నెలా 50 వేల నుంచి లక్ష రూపాయల వరకు సంపాదించవచ్చు. ఎలాగో తెలుసుకుందాం.

 ఈ మధ్యకాలంలో పెళ్లిళ్లు ఫంక్షన్ల లో మహిళలు ఎక్కువగా డిజైనింగ్ వస్త్రాలను ధరించేందుకు ఆసక్తి చూపిస్తున్నారు.  ముఖ్యంగా ఎంబ్రాయిడరీ చేసిన బ్లౌజులు ధరించేందుకు  ఇష్టపడుతున్నారు.  వీరి ఆసక్తిని మీరు వ్యాపార అవకాశంగా మార్చుకోవచ్చు. ఈ ఎంబ్రాయిడరీ లో ఎక్కువగా మగ్గం వర్క్ చేసిన  బ్లౌజ్ లకే ఎక్కువ డిమాండ్ ఉంటుంది.  అలాగే వీటికి ఎక్కువ చార్జీ సైతం చేస్తున్నారు.  అందుకే మీరు కూడా మగ్గం వర్క్ నేర్చుకోవడం ద్వారా ఎక్కువ మొత్తంలో డబ్బు సంపాదించే వీలుంది. 

ఇప్పుడు ఈ మగ్గం వర్క్ ఎలా నేర్చుకోవాలో తెలుసుకుందాం.  మగ్గం వర్క్ అనేది ఉత్తరాది భారత దేశానికి చెందినది.   ముఖ్యంగా లక్నో,  కాన్పూర్, బరేలీ,  ఆగ్రా ప్రాంతాల్లో  ఈ మగ్గం వర్క్ చాలా ఫేమస్.  ఆ ప్రాంతంలో పెళ్ళికూతురు వేసుకునే గాగ్రా చోళీ లకు ఈ మగ్గం వర్క్ ద్వారానే డిజైనింగ్ చేస్తారు.  నెమ్మదిగా ఈ సాంప్రదాయం మన దక్షిణాది రాష్ట్రాలకు కూడా పాకింది.  అయితేదక్షిణాది రాష్ట్రాల్లో చీరలు ధరిస్తారు కనుక, మహిళలు ధరించే బ్లౌజులకు,  ఈ మగ్గం వర్క్ ద్వారా డిజైన్ చేస్తున్నారు.  మగ్గం వర్క్ చేయించిన బ్లౌజులకు  పెద్ద మొత్తంలో ఛార్జి చేస్తారు. 

సాధారణం గా పెళ్లి కూతురు ధరించే విలువైన బ్లౌజు మగ్గం వర్క్ చేస్తే  పదివేల వరకు చార్జ్ చేస్తారు.  అంటే ఎంత మొత్తంలో డబ్బు సంపాదించవచ్చో ఆలోచించుకోవచ్చు. ఇక పెళ్లిళ్ల సీజన్లో అయితే మగ్గం వర్క్  చేయించుకోవాలంటే ఒక పెద్ద ప్రహసనమే.  కనీసం నెల రోజుల ముందు అయినా బ్లౌజులు మగ్గం వర్క్ చేసేవారికి ఇవ్వాల్సి ఉంటుంది.  దీన్నిబట్టి అర్థం చేసుకోవచ్చు. 

ఇక మీరు మగ్గం వర్క్ నేర్చుకోవాలి అంటే. తెలంగాణ రాష్ట్ర ప్రభుత్వం ఏర్పాటు చేసిన Setwin  సంస్థ ద్వారా ఈ మగ్గం వర్క్ నేర్చుకోవచ్చు.  దీన్ని సాంప్రదాయంగా  జర్దోసీ వర్క్ అంటారు. సెట్విన్ సంస్థ  జర్దోసీ వర్క్ నేర్పిస్తోంది హైదరాబాదులోని చైతన్యపురి లో లో సెట్విన్ శిక్షణా కేంద్రంలో ఈ జర్దోసీ వర్క్ నేర్చుకోవచ్చు. మూడు నెలల పాటు నేర్పించే, ఈ కోర్సు విలువ కేవలం వెయ్యి రూపాయలు మాత్రమే. 

ఈ కోర్సు నేర్చుకుని మీరు సొంతంగా కానీ,  ఏదైనా బోటిక్ లో కానీ  మీ కెరీర్ ప్రారంభించే అవకాశం ఉంది.  తద్వారా మీరు మంచి ఆదాయం పొందవచ్చు.  సీజన్ లలో ఈ జర్దోసీ వర్క్ ద్వారా  ప్రతినెల లక్షల్లో సంపాదించే అవకాశం ఉంది.