Business Ideas: DJ బిజినెస్ ఎలా ప్రారంభించాలి, ఎంత పెట్టుబడి పెట్టాలి, నెలకు ఎంత సంపాదించవచ్చు..

ఈ మధ్యకాలంలో పెళ్లిళ్లు వేడుకలు ఏవైనా సరే డీజే సౌండ్ లేకుండా ప్రారంభం కావడం లేదు.  అదిరిపోయే డిజె సౌండ్తో వేడుకలను ఘనంగా జరుపుకోవడం ఫ్యాషన్ గా మారిపోయింది.  అయితే దీన్నే మీరు ఒక వ్యాపార అవకాశంగా కూడా మార్చుకోవచ్చు స్థానికంగా మీరు కూడా డీజే వ్యాపారాన్ని ప్రారంభించాలి అనుకుంటే ఎంత పెట్టుబడి పెట్టాలి వ్యాపారంలో మెళకువలు, నెలకు ఎంత సంపాదించవచ్చో తెలుసుకోండి. 

పెళ్లి అయినా, పుట్టినరోజు అయినా, DJ లేకుండా వేడుక ఉండటం లేదు. గ్రామ స్థాయి నుంచి  పెద్ద నగరాల వరకు ప్రతిచోటా DJ ఆర్టిస్టులకు డిమాండ్ పెరిగింది. యువత డీజే పెట్టుకొని  ప్రతి వేడుకలోను ఎంజాయ్ చేస్తున్నారు ముఖ్యంగా పర్యాటక ప్రదేశాల్లో కూడా DJ  సర్వ సాధారణం అయిపోయింది. మీరు కూడా సంగీతంపై ఆసక్తి కలిగి, DJ కంపోజింగ్ నేర్చుకుంటే, మీరు DJ వ్యాపారాన్ని ప్రారంభించవచ్చు. 

డీజేలకు పెరిగిన డిమాండ్:  గతంలో నగరాల్లోనే డీజేలకు డిమాండ్ ఉండేది. ఇప్పుడు గ్రామాల్లోనూ దీనికి డిమాండ్ పెరిగింది. గ్రామంలో జరిగే శుభ కార్యక్రమాలకు DJని కూడా ఆహ్వానిస్తారు. వివాహ వేడుకల్లో ఎక్కువ వినోదాన్ని అందించే ఈ డీజే వ్యాపారాన్ని ప్రారంభించడం పెద్ద కష్టమేమీ కాదు.  మీరు DJ వ్యాపారాన్ని ప్రారంభించాలనుకుంటే, మీకు ఏమి అవసరమో ముందు తెలుసుకోవాలి. CD ప్లేయర్, ల్యాప్‌టాప్, ఛానల్ మాస్టర్, సౌండ్ బాక్స్, పార్క్ లైట్, DJ మిక్సర్, మైక్, కేబుల్, యాంప్లిఫైయర్, డ్యాన్స్ చేయడానికి స్థలం కావాలి. 

DJ వ్యాపారం కోసం రిజిస్ట్రేషన్: మీకు టెంట్ హౌస్ ఉంటే, ఒకటి లేదా రెండు DJలను ఉంచుకుంటే రిజిస్ట్రేషన్ , లైసెన్స్ అవసరం లేదు. అయితే పెద్ద ఎత్తున వ్యక్తులకు డీజే సేవలు అందించాలంటే రిజిస్ట్రేషన్ తప్పనిసరి. స్థానిక అధికారుల నుండి అనుమతి అవసరం. మీరు మీ వస్తువులకు బీమా చేస్తే మంచిది. వస్తువు పాడైపోయినా లేదా పోగొట్టుకున్నా, మీకు చెల్లించబడుతుంది. 

DJ బిజినెస్ ఇన్వెస్ట్‌మెంట్: DJ వ్యాపారానికి మీరు మెటీరియల్‌లను కొనుగోలు చేయాల్సి ఉంటుంది. కాబట్టి మీరు అన్ని వస్తువులను కొనుగోలు చేయడానికి సుమారు 5 నుండి 6 లక్షల రూపాయలు అవసరం. మీకింద పనిచేసే వారికి  జీతాలు ఇవ్వాలి. DJ వ్యాపారాన్ని ప్రారంభించే ముందు పెద్ద మొత్తంలో డబ్బును ఏర్పాటు చేయడం మంచిది.

డీజే వ్యాపారంలో లాభం: డీజే క్రేజ్ ప్రజల్లో పెరిగింది. పెద్ద ఎత్తున వ్యాపారం ప్రారంభిస్తే లాభం ఎక్కువగా ఉంటుంది. మీరు ఎలా మార్కెట్ చేస్తారనేది కూడా ముఖ్యం. ఎక్కువ సంపాదించాలనుకునే వారు ప్రకటనలు ఇవ్వాలి. స్థానిక ప్రజలను సంప్రదించాలి. సోషల్ మీడియా ద్వారా మీ DJని ప్రచారం చేయండి. 

కేవలం DJ మాత్రమే కాకుండా కొన్నిసార్లు ఫైర్ స్ప్లాషర్, స్మోక్ మెషిన్ మొదలైనవాటిని కస్టమర్లు కోరుకుంటారు. అప్పుడు మీరు దాని కోసం ప్రత్యేక ఛార్జీని వసూలు చేయాలి. DJ ల బుకింగ్ ఫీజు సాధారణంగా రూ.6,000 నుండి రూ.25,000 వరకు ఉంటుంది. కస్టమర్ డిమాండ్ మేరకు మీరు డబ్బు తీసుకోవచ్చు. సీజన్ లో ఒక రోజుకు 10,000 సంపాదించినా మీరు నెలలో 15 రోజులు బుకింగ్స్ వచ్చాయి అనుకుంటే నెలకు 1.50 లక్షల రూపాయల వరకు సులభంగా సంపాదించవచ్చు.