హోండా అమేజ్ vs టాటా టిగోర్: ఈ రెండు కార్లలో ఏది బెస్ట్?
Amaze vs Tigor: హోండా అమేజ్, టాటా టిగోర్ ఈ రెండు కార్లు ఇండియాలో పాపులర్ సబ్ కాంపాక్ట్ సెడాన్లు. కాని వాటి ఫీచర్లు, మైలేజ్, ధరల్లో కొన్ని తేడాలున్నాయి. ఈ రెండు కార్లలో ఏది బెస్ట్ కారో ఇప్పుడు తెలుసుకుందాం.
- FB
- TW
- Linkdin
Follow Us
 "Asianet Image")
ఇండియన్ ఆటోమొబైల్ మార్కెట్లో చాలా మంచి సబ్-కాంపాక్ట్ సెడాన్ ఆప్షన్లు ఉన్నాయి. హోండా అమేజ్, టాటా టిగోర్ వాటి ఫీచర్ల వల్ల ఎప్పుడూ బెస్ట్ గానే ఉంటాయి. హోండా అమేజ్, టాటా టిగోర్ మధ్య పోలికను పరిశీలిస్తే, ఈ రెండు కార్లలో కొన్ని కామన్ ఫీచర్లు, కొన్ని ప్రత్యేక ఫీచర్లు ఉన్నాయి. ఈ రెండు కార్ల మైలేజ్, ధరల వివరాలు తెలుసుకుందాం రండి.
హోండా అమేజ్, టాటా టిగోర్ లో కామన్ ఫీచర్లు:
సేఫ్టీ: హోండా అమేజ్, టాటా టిగోర్ రెండు కార్లలోనూ డ్యూయల్ ఫ్రంట్ ఎయిర్‌బ్యాగులు, ఏబీఎస్ విత్ ఈబీడీ, రియర్ పార్కింగ్ సెన్సార్లు వంటి ప్రామాణిక సేఫ్టీ ఫీచర్లు ఉన్నాయి.
కంఫర్ట్: ఆటోమేటిక్ క్లైమేట్ కంట్రోల్, టచ్‌స్క్రీన్ ఇన్ఫోటైన్‌మెంట్ సిస్టమ్, స్టీరింగ్ మౌంటెడ్ కంట్రోల్స్ వంటి సౌకర్యాలు రెండు కార్లలోనూ అందుబాటులో ఉన్నాయి.
హోండా అమేజ్, టాటా టిగోర్ లో ప్రత్యేక ఫీచర్లు:
హోండా అమేజ్:
ADAS సిస్టమ్: 2025 హోండా అమేజ్‌లో అడ్వాన్స్‌డ్ డ్రైవర్ అసిస్టెన్స్ సిస్టమ్ (ADAS) ఉంది. ఇందులో అడాప్టివ్ క్రూయిజ్ కంట్రోల్, కొలిషన్ మిటిగేషన్ బ్రేకింగ్ సిస్టమ్, లేన్ కీపింగ్ అసిస్ట్ వంటి ఫీచర్లు ఉన్నాయి.
ఇంజిన్ పనితీరు: 1.2-లీటర్ నాలుగు సిలిండర్లతో పనిచేసే హోండా అమేజ్ కారు పెట్రోల్ ఇంజిన్ 88 బిహెచ్‌పి పవర్, 110 ఎన్ఎమ్ టార్క్ ఉత్పత్తి చేస్తుంది.
టాటా టిగోర్:
సిఎన్జి ఆప్షన్: పెట్రోల్‌తో పాటు సిఎన్జి వేరియంట్‌లో కూడా టిగోర్ లభిస్తుంది. ఇది ఇంధన సామర్థ్యాన్ని పెంచుతుంది.
భద్రతా రేటింగ్: గ్లోబల్ NCAP క్రాష్ టెస్ట్‌లో 4-స్టార్ రేటింగ్ పొందింది. ఇది భద్రత పరంగా నమ్మకమైన కారు.
మైలేజ్ లో ఏది బెస్ట్
హోండా అమేజ్: మాన్యువల్ ట్రాన్స్‌మిషన్‌తో 18.65 kmpl, సీవీటీ వేరియంట్‌తో 19.46 kmpl మైలేజ్ అందిస్తుంది.
టాటా టిగోర్: పెట్రోల్ మాన్యువల్ వేరియంట్ సుమారుగా 19 kmpl మైలేజ్ అందిస్తుంది. సిఎన్జి వేరియంట్‌లో ఇది మరింత పెరుగుతుంది.
ధరలు (ఎక్స్-షోరూమ్):
హోండా అమేజ్ ప్రస్తుతం మార్కెట్ లో రూ. 8 లక్షల నుండి రూ. 10.90 లక్షల వరకు ధర ఉంది.
టాటా టిగోర్ మాత్రం రూ. 6 లక్షల నుండి రూ. 7.80 లక్షల వరకు ధర ఉంది.
మీ అవసరాలు, బడ్జెట్ ఆధారంగా ఈ రెండు కార్లలో ఎంపిక చేసుకోవచ్చు. అధునాతన సేఫ్టీ ఫీచర్లు, స్మూత్ పెట్రోల్ ఇంజిన్ కోరుకుంటే హోండా అమేజ్ సరైన ఎంపిక. ఇంధన సామర్థ్యంపై దృష్టి పెట్టి, సిఎన్జి ఆప్షన్, మెరుగైన భద్రతా రేటింగ్ కోరుకుంటే టాటా టిగోర్ బెస్ట్ ఆప్షన్.
