CNG Car: ఎక్కువ మైలేజ్ ఇచ్చే సీఎన్‌జీ కార్లలో టాప్ 5 కార్లు ఇవే.. 6 ఎయిర్‌బ్యాగ్‌లు కూడా ఉన్నాయి

CNG Car: పెట్రోల్ ధరలు రోజు రోజుకూ పెరుగుతున్నందు వల్ల ఈ టైమ్ కారు కొనుక్కోవాలంటే సీఎన్‌జీ కార్ బెస్ట్. రోజువారీ అవసరాలకు కూడా సీఎన్‌జీ కారే ఉపయోగంగా ఉంటుంది. అందుకే మంచి మైలేజ్ ఇచ్చే 5 కార్ల గురించి ఇక్కడ వివరాలు ఉన్నాయి. మీరు కారు కొనుక్కోవాలన్న ఆలోచనలో ఉంటే ఈ సమాచారం మీకు బాగా ఉపయోగపడుతుంది. 

మారుతి సుజుకి స్విఫ్ట్

మారుతి సుజుకి స్విఫ్ట్ CNG ధర రూ. 8.19 లక్షల నుండి ప్రారంభమవుతుంది. ఇది 33 కి.మీ/కిలో మైలేజ్ ఇస్తుంది. ఈ కారు దాని అద్భుతమైన మైలేజీ కారణంగా ఎక్కువమంది ఇష్టపడుతున్న కారుగా నిలిచింది. ఇందులో ఫ్రీ స్పేస్ ఎక్కువగా ఉంటుంది. ఈ కారు 1.2 లీటర్ ఇంజిన్ శక్తితో పనిచేస్తుంది. 

ఆల్టో K10 CNG

ఈ కారు 33.85 కి.మీ/కిలో మైలేజ్ ఇస్తుంది. దీని ధర రూ. 5.89 లక్షలు. రోజువారీ అవసరాలు తీర్చడంతో పాటు సుదూర ప్రయాణాలకు కూడా మారుతి సుజుకి ఆల్టో K10ని ఉపయోగించవచ్చు. దీని డిజైన్ చాలా సింపుల్ గా ఉంటుంది. ఇందులో 4 మంది వ్యక్తులు సౌకర్యవంతంగా కూర్చోవచ్చు. ఇది పెట్రోల్‌తో పాటు CNGలో కూడా లభిస్తుంది. ఈ కారు 1.0 లీటర్ పెట్రోల్ ఇంజిన్ తో నడుస్తుంది. అంతేకాకుండా ఇందులో CNG ఆప్షన్ కూడా లభిస్తుంది. CNG మోడ్‌లో 33.85 కి.మీ మైలేజీని అందిస్తుంది. భద్రత కోసం కారులో EBD, ఎయిర్‌బ్యాగ్‌లతో కూడిన యాంటీ-లాక్ బ్రేకింగ్ సిస్టమ్ ఉంది. 

మారుతి సుజుకి సెలెరియో

ఈ కారు 34.43 కి.మీ/కిలో మైలేజ్ ఇస్తుంది. దీని ధర రూ. 6.89 లక్షల నుంచి ప్రారంభమవుతుంది. మారుతి సుజుకి సెలెరియో ఒక అద్భుతమైన CNG కారు. ఈ కారు డిజైన్ బాగుంటుంది. ఇందులో స్థలం కూడా ఎక్కువగా ఉంటుంది. ఇది 5 మంది వ్యక్తులు కూర్చోవడానికి వీలుగా ఉంటుంది. సెలెరియో CNG ఒక ప్రీమియం హ్యాచ్‌బ్యాక్ కారుగా వస్తుంది. ఈ కారు 1.0 లీటర్ పెట్రోల్ ఇంజిన్ సహాయంతో పనిచేస్తుంది. భద్రత కోసం ఈ కారులో EBD, ఎయిర్‌బ్యాగ్‌లతో పాటు యాంటీ-లాక్ బ్రేకింగ్ సిస్టమ్ కూడా ఉంది. 

టాటా టియాగో iCNG

రోజువారీ అవసరాల కోసం అయితే టాటా టియాగో CNG బెస్ట్ ఎంపిక. దీని ధర రూ. 5.99 లక్షలు. 27 కి.మీ/కిలో మైలేజ్ ఇస్తుంది. దీని డిజైన్ చిన్న కుటుంబానికి సరిపడేలా తయారు చేశారు. ఇంజిన్ గురించి మాట్లాడితే ఈ కారులో 1.2 లీటర్ ఇంజిన్ అమర్చారు. ఇది CNG మోడ్‌లో 73hp పవర్, 95Nm టార్క్‌ను ఉత్పత్తి చేస్తుంది. ఈ ఇంజిన్‌లో 5-స్పీడ్ మాన్యువల్ ట్రాన్స్‌మిషన్ గేర్‌బాక్స్ ఉపయోగించారు. 

హ్యుందాయ్ ఎక్స్‌టర్ CNG

మీ రోజువారీ పనుల కోసం హ్యుందాయ్ ఎక్స్‌టర్ CNG కూడా మంచి ఎంపిక అవుతుంది. ఇది లోపల చాలా స్పేసియష్ గా ఉంటుంది. 4, 5 మంది వ్యక్తులు హాయిగా కూర్చోవచ్చు. దీని ప్రత్యేకత ఏంటంటే ఇందులో రెండు CNG ట్యాంకులు ఉన్నాయి. దీని కారణంగా దాని బూట్‌లో కూడా తగినంత స్థలం ఉంది. ఈ కారు ధర రూ. 8.50 లక్షల నుండి ప్రారంభమవుతుంది. మైలేజ్ విషయానికొస్తే 27.1 కి.మీ/కిలో ఇస్తుంది.