మీడియా నివేదికలు "నిర్లక్ష్యం, బాధ్యతారహితమైనవి": మారిషస్ ఫండ్స్ పై అదానీ గ్రూప్ చీఫ్ క్లారీటి..

అదానీ గ్రూప్ కంపెనీలలో పెట్టుబడులు పెట్టిన ఆరు మారిషన్ ఫండ్లలో మూడింటి ఖాతాలను నేషనల్ షేర్ డిపాజిటరీ (ఎన్‌ఎస్‌డిఎల్) స్తంభింపజేసినట్లు గత నెలలో వార్తలు వచ్చాయి. ఈ ఫండ్స్ ఎక్కువ భాగం అదానీ గ్రూప్ కంపెనీలలో పెట్టుబడి పెట్టాయి.  ఖాతాలను స్తంభింపజేసినట్లు వచ్చిన వార్తలతో  అదానీ గ్రూప్ కంపెనీల షేర్లు భారీగా పతనమయ్యాయి. అదానీ గ్రూప్ ఈ నివేదికలను ఖండించినప్పటికీ గౌతమ్ ఆదాని నికార విలువ  కూడా పడిపోయింది.

 59 ఏళ్ల గౌతమ్  అదానీ సోమవారం లిస్టెడ్ గ్రూప్ కంపెనీల వాటాదారుల వార్షిక సర్వసభ్య సమావేశంలో ప్రసంగించారు. పెట్టుబడి సూత్రాన్ని ప్రస్తావిస్తూ భాగస్వాములు, మైనారిటీ వాటాదారులకు దీర్ఘకాలికంగా స్థిరమైన విలువను సృష్టించడంపై గ్రూప్ దృష్టి సారించిందని అదానీ చెప్పారు. విదేశీ నిధుల ఖాతాలను స్తంభింపజేసినట్లు వచ్చిన నివేదికలను "నిర్లక్ష్యం ఇంకా బాధ్యతారహితం" ఆయన పేర్కొన్నారు. ఈ కారణంగా అదానీ షేర్లలో అకస్మాత్తుగా అస్థిరతకు దారితీసిందని ఆయన అన్నారు.
 

కంపెనీలు తమ వాటాదారులపై నియంత్రణ అధికారాలను కలిగి ఉన్నాయని మరియు బహిర్గతం చేయడానికి వారిని బలవంతం చేయగలవని ఇవి కనిపించాయి. ఇలాంటివి దీర్ఘకాలంలో సమూహాన్ని ప్రభావితం చేయవని ఆయన అన్నారు. "మేము ఎల్లప్పుడూ  నమ్మకమైన సంస్థగా ఉన్నాము. ప్రతి సవాలు తరువాత కూడా  బలంగా ఉన్నాము ఇంకా  మా తయారీ  కూడా మెరుగుపడింది అని తెలిపారు.
 

ఈ నివేదికల తరువాత అదానీ టోటల్ గ్యాస్, అదానీ పవర్ లిమిటెడ్, అదానీ పోర్ట్స్ అండ్ స్పెషల్ ఎకనామిక్ జోన్, అదానీ గ్రీన్ ఎనర్జీ,  అదానీ ఎంటర్ప్రైజెస్ షేర్లు భారీగా పడిపోయాయి. ఈ కారణంగా గౌతమ్ అదానీ ఒక్క వారంలో 10 బిలియన్ డాలర్లను కోల్పోయారు.
 

అదానీ గ్రూప్ సంస్థలు జూన్ 14న రిజిస్ట్రార్ అండ్ ట్రాన్స్ఫర్ ఏజెంట్ నుండి ఒక ఇ-మెయిల్ అందుకున్నాయని పైన పేర్కొన్న ఫండ్స్ కంపెనీ వాటాలు ఉన్న డిమాట్ ఖాతా స్తంభింపజేయలేదని" పేర్కొంది. అదానీ సంస్థ చిన్న పెట్టుబడిదారులు ఈ తప్పుడు కథనాల ద్వారా   ప్రభావితమయ్యారని  గౌతమ్ ఆదాని చెప్పారు.
 

దేశంలోని అతిపెద్ద ప్రైవేట్ పోర్ట్ ఆపరేటర్ అదానీ పోర్ట్స్ అండ్ స్పెషల్ ఎకనామిక్ జోన్  పోర్ట్స్ కంపెనీ నుండి ఇంటిగ్రేటెడ్ పోర్ట్స్ అండ్ లాజిస్టిక్స్ కంపెనీగా రూపాంతరం చెందుతూనే ఉంది.

"2021 ఆర్థిక సంవత్సరం నిజంగా ట్రాన్స్ఫార్మేషనల్ సంవత్సరం. భారతదేశ పోర్ట్ ఆధారిత కార్గో వ్యాపారంలో దాని వాటా 25% కి పెరిగింది అలాగే కంటైనర్ సెగ్మెంట్ మార్కెట్ వాటా 41 శాతానికి పెరిగిన తరువాత ఏ‌పి‌ఎస్‌ఈ‌జెడ్ ఒక మైలురాయిని దాటింది" అని అదానీ తెలిపారు.
 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి