TVS iQube: టీవీఎస్ నుంచి మరో రెండు ఎలక్ట్రిక్ స్కూటర్లు: ఈ సారి మైలేజ్ మరింత ఎక్కువ

TVS iQube: ప్రసిద్ధ టూవీలర్ కంపెనీ టీవీఎస్ నుంచి మరో రెండు కొత్త ఎలక్ట్రిక్ స్కూటర్లు మార్కెట్‌లోకి వచ్చేశాయి. ఐక్యూబ్ ఎస్, ఐక్యూబ్ ఎస్టీ ఈ రెండు మోడల్స్ కొత్త అప్డేషన్స్ తో 2025 వెర్షన్స్ కింద విడుదలయ్యాయి. ఈ ఈవీల స్పెషల్ ఫీచర్స్ ఏంటో తెలుసుకుందాం రండి.  

టీవీఎస్ మోటార్ కంపెనీ నుంచి పేరు పొందిన ఎలక్ట్రిక్ స్కూటరైన ఐక్యూబ్ నుంచి ఎస్, ఎస్టీల మోడల్స్ 2025 వెర్షన్‌లను విడుదలయ్యాయి. ఈ కొత్త మోడల్స్ ముఖ్యంగా పవర్‌ట్రెయిన్, ఫీచర్ సెట్‌లో అప్‌గ్రేడ్ అయ్యాయి. దీని ఫలితంగా వాటి ధర కాస్త పెరిగింది.

భారతదేశంలో ఎలక్ట్రిక్ వెహికల్ టూ వీలర్ విభాగంలో ఐక్యూబ్ సిరీస్ బాగా పేరుపొందాయి. అమ్మకాల్లో కూడా చాలా సందర్భాల్లో అగ్రస్థానంలో నిలిచాయి. 

ఈ కొత్త వెర్షన్లు మెరుగైన బ్యాటరీ సామర్థ్యం, ఎక్కువ దూరం ప్రయాణించగల కెపాసిటీ, ఆధునిక ఫీచర్లతో వస్తున్నాయి.

iQube S:

ఐక్యూబ్ ఎస్ మోడల్ 3.5kWh బ్యాటరీతో 145 కిలోమీటర్ల పరిధి వరకు ప్రయాణించగలదు. 5 అంగుళాల TFT డిస్‌ప్లే ఉన్న ఈ మోడల్ ధర రూ.1.09 లక్షలు (ఎక్స్-షోరూమ్). ఇందులోనే 7 అంగుళాల డిస్‌ప్లే ఉన్న వెర్షన్ ధర రూ.1.17 లక్షలు (ఎక్స్-షోరూమ్).

iQube ST:

ఐక్యూబ్ ఎస్టీ 3.5kWh బ్యాటరీతో వస్తుంది. ఇది ఒకసారి ఛార్జ్ చేస్తే 145 కిలోమీటర్ల పరిధి వరకు ప్రయాణిస్తుంది. ఇందులోనే 5.3kWh బ్యాటరీ కలిగి వెర్షన్ అయితే 212 కిలోమీటర్ల పరిధి వరకు వెళ్లగలదు. 

3.5kWh వెర్షన్ ఎక్స్-షోరూమ్ ధర రూ.1.28 లక్షలుగా ఉంది. 5.3kWh వెర్షన్ ఎక్స్-షోరూమ్ ధర రూ.1.59 లక్షలు.

రెండింటిలోనూ ముఖ్య ఫీచర్లు:

ఐక్యూబ్ ఎస్, ఎస్టీ రెండు మోడల్స్ లోనూ టచ్‌స్క్రీన్ డిస్‌ప్లే, టర్న్-బై-టర్న్ నావిగేషన్, టైర్ ప్రెజర్ మానిటరింగ్ సిస్టమ్(TPMS) వంటి స్మార్ట్ ఫీచర్లు ఉన్నాయి.

బ్రౌన్ ఇంటీరియర్ ప్యానెల్స్, డ్యూయల్ టోన్ సీటు, పిలియన్ బ్యాక్‌రెస్ట్ వంటి డిజైన్ మార్పులు కూడా ఉన్నాయి.

మార్కెట్ లో పోటీని తట్టుకొనేందుకే..

ఐక్యూబ్ ఎస్, ఎస్టీ స్కూటర్ల అప్‌గ్రేడ్‌లతో టీవీఎస్ కంపెనీ ఐక్యూబ్ సిరీస్ ని మరింత స్ట్రాంగ్ చేయాలని భావిస్తోంది. భారతదేశంలో వేగంగా అభివృద్ధి చెందుతున్న ఎలక్ట్రిక్ స్కూటర్ మార్కెట్లో టీవీఎస్ తన స్థానాన్ని మరింత బలోపేతం చేసుకోవాలని లక్ష్యంగా పెట్టుకుంది.