Maruti Brezza : మీ జేబులో రూ.11,000 ఉంటే చాలు.. మారుతి బ్రెజా కారు సొంతం చేసుకోవచ్చు
మారుతి సుజుకి బ్రెజా కొత్త ఫేస్లిఫ్ట్ త్వరలోనే అందుబాటులోకి రాాబోతోంది. దీని లుక్, అదిరిపోయే ఫీచర్లకు సంబంధించిన మొదటి టీజర్ను విడుదల చేసిన మారుతి సుజుకి. కేవలం రూ.11,000 తో దీన్ని సొంత చేసుకోవచ్చు.
రూ.11,000తో బుకింగ్స్ మొదలు
మారుతి సుజుకి తన కొత్త బ్రెజా ఫేస్లిఫ్ట్ మోడల్ కోసం అధికారికంగా బుకింగ్స్ ప్రారంభించింది. కస్టమర్లు కంపెనీ వెబ్సైట్ లేదా అధీకృత అరీనా (Arena) డీలర్షిప్ల ద్వారా రూ.11,000 టోకెన్ అమౌంట్ చెల్లించి ఈ కారును బుక్ చేసుకోవచ్చు. ఈ కొత్త మోడల్ ధరను జూలై 23న ప్రకటించనున్నారు. ఆ తర్వాతే కస్టమర్లకు కార్ల డెలివరీలు కూడా మొదలయ్యే అవకాశం ఉంది.
కొత్త లుక్ లో బ్రెజా అదిరిపోయిందిగా...
మారుతి సుజుకి విడుదల చేసిన టీజర్ ప్రకారం… బ్రెజా ఫేస్లిఫ్ట్ మోడల్ ముందు, వెనుక డిజైన్లో మార్పులు చేశారు. కొత్త అల్లాయ్ వీల్స్, మెరుగైన ఎల్ఈడీ లైట్ల వంటి మార్పులు ఉండే అవకాశం ఉందని సమాచారం. ఈ మార్పులతో కారుకు మరింత మోడ్రన్ లుక్ వస్తుందని భావిస్తున్నారు.
మారుతి బ్రెజా ఇంటీరియర్, ఫీచర్లు..
మారుతి బ్రెజా న్యూ ఫేస్లిఫ్ట్ లోపల కొత్త కలర్ థీమ్, అప్డేటెడ్ టచ్స్క్రీన్ ఇన్ఫోటైన్మెంట్ సిస్టమ్తో పాటు అనేక కొత్త ఫీచర్లను ఇచ్చారు. ప్రయాణికుల సౌకర్యాన్ని పెంచే మరిన్ని అదనపు ఫీచర్లను కూడా ఈ మోడల్లో చేర్చే అవకాశం ఉంది. మరింత సౌకర్యవంతమైన సీటింగ్ తో కొత్త బ్రెజా రానుంది. కుటుంబం, స్నేహితులతో కలిసి మరింత కంఫర్ట్ గాా ప్రయాణం సాగించేలా దీన్ని రూపొందించారు.
కొత్త ఇంజిన్ వస్తుందా?
ఈ మారుతి బ్రెజా ఫేస్లిఫ్ట్ మోడల్లో 1.0-లీటర్ బూస్టర్జెట్ టర్బో పెట్రోల్ ఇంజిన్ను పరిచయం చేయవచ్చని తెలుస్తోంది. ఇది 5-స్పీడ్ మ్యాన్యువల్ లేదా ఆటోమేటిక్ గేర్బాక్స్ ఆప్షన్లతో రావొచ్చని వార్తలు వస్తున్నాయి. అయితే దీనిపై మారుతి సుజుకి ఇంకా అధికారికంగా ఎలాంటి ప్రకటన చేయలేదు. ధర ప్రకటించే రోజు పూర్తి వివరాలు వెల్లడయ్యే అవకాశం ఉంది.
భారత మార్కెట్లోకి త్వరలోనే రానున్నా ఈ కొత్త బ్రెజా.. కియా సోనెట్, టాటా నెక్సాన్, మహీంద్రా XUV 3XO, హ్యుందాయ్ వెన్యూ, స్కోడా కైలాక్, కియా సైరోస్ వంటి కాంపాక్ట్ ఎస్యూవీ మోడళ్లకు గట్టి పోటీ ఇస్తుంది.
