భలే చౌక బేరం.. ఇలా చేస్తే మారుతీ ఎర్టిగా కారు.. అతి తక్కువ ధరకే!
పెద్ద కార్ల విభాగంలో ఇండియాలో అత్యంత ఆదరణ పొందిన కార్లలో మారుతీ ఎర్టిగా ఒకటి. క్యాంటీన్ స్టోర్స్ డిపార్ట్మెంట్ (CSD) ద్వారా దీన్ని కొనుగోలు చేస్తే 28% GSTకి బదులుగా 14% మాత్రమే చెల్లిస్తే సరిపోతుంది. దీంతో సైనిక సిబ్బందికి మంచి డబ్బు ఆదా అవుతుంది. ఎర్టిగా Lxi వేరియంట్ CSD ధర ₹7.89 లక్షలు. దీని సివిల్ ఎక్స్-షోరూమ్ ధర ₹8.69 లక్షలు. అంటే, ఈ వేరియంట్పై ₹80,000 ఆదా. ఎనిమిది వేరియంట్లు అందుబాటులో ఉన్నాయి, గరిష్టంగా ₹94,000 వరకు ఆదా చేసుకోవచ్చు.
ఎర్టిగా: 7 సీట్ల కారు, 26 కిమీ మైలేజ్
మారుతి సుజుకి ఎర్టిగా 7 సీట్ల కారు. ఇది లీటరుకు 20.51 కి.మీ మరియు కిలోకు 26.11 కి.మీ మైలేజ్ ఇస్తుంది. ప్యాడిల్ షిఫ్టర్లు, ఆటో హెడ్లైట్లు, ఆటో AC, క్రూజ్ కంట్రోల్ వంటి ఫీచర్లు ఉన్నాయి.
రక్షణ మంత్రిత్వ శాఖ ఆధ్వర్యంలో నిర్వహించే క్యాంటీన్ స్టోర్స్ డిపార్ట్మెంట్ (CSD) కు భారతదేశంలో అహ్మదాబాద్, బాగ్డోగ్రా, ఢిల్లీ, జైపూర్, కోల్కతా, ముంబై వంటి నగరాల్లో 34 CSD గిడ్డంగులు ఉన్నాయి. ఇది, సైనిక సిబ్బందికి ఆహారం, వైద్య సామాగ్రి, గృహోపకరణాలు, కార్లు వంటివి తక్కువ ధరకు అందిస్తుంది. CSDలో కారు కొనడానికి భారత సైన్యంలో పనిచేస్తున్న, పదవీ విరమణ పొందిన సైనిక సిబ్బంది, సైనిక సిబ్బంది వితంతువులు, మాజీ సైనికులు, రక్షణ శాఖ ఉద్యోగులు అర్హులు.
కుటుంబ ప్రయాణాలకు అనువైంది
7 అంగుళాల టచ్ స్క్రీన్కు బదులుగా 9 అంగుళాల టచ్ స్క్రీన్ ఇన్ఫోటైన్మెంట్ సిస్టమ్ ఉంది. వాయిస్ కమాండ్, కనెక్టెడ్ కార్ టెక్నాలజీని సపోర్ట్ చేసే సుజుకి స్మార్ట్ప్లే ప్రో టెక్నాలజీ ఇందులో ఉంది. కనెక్టెడ్ కార్ ఫీచర్లలో వెహికల్ ట్రాకింగ్, టో అవే అలర్ట్ అండ్ ట్రాకింగ్, జియో-ఫెన్సింగ్, ఓవర్-స్పీడింగ్ అలర్ట్, రిమోట్ ఫంక్షన్ వంటివి ఉన్నాయి. 360 డిగ్రీ సరౌండ్ వ్యూ కెమెరా కూడా ఉంది.
తక్కువ ధర, అధిక మైలేజ్ కారు
భారతదేశంలో టయోటా ఇన్నోవా, మారుతి XL6, కియా కారెన్స్, మహీంద్రా మరాజో, టయోటా రూమియన్, రెనాల్ట్ ట్రైబర్ వంటి మోడళ్లతో మారుతి సుజుకి ఎర్టిగా పోటీ పడుతుంది. 7 సీట్ల విభాగంలో మహీంద్రా స్కార్పియో, బొలెరో వంటి మోడళ్లకు కూడా ఇది సవాలు విసురుతోంది.
ఫీచర్లు
మారుతి ఎర్టిగాలో 1.5 లీటర్ పెట్రోల్ ఇంజిన్ 103 PS, 137 Nm శక్తిని కలిగి ఉంది. CNG ఆప్షన్ కూడా ఉంది. పెట్రోల్ మోడల్ మైలేజ్ లీటరుకు 20.51 కి.మీ., CNG మోడల్ మైలేజ్ కిలోకు 26.11 కి.మీ. ప్యాడిల్ షిఫ్టర్లు, ఆటో హెడ్లైట్లు, ఆటో AC, క్రూజ్ కంట్రోల్ వంటి ఫీచర్లు ఉన్నాయి.