Jr NTR bike in RRR: ఆర్ఆర్ఆర్‌లో ఎన్టీఆర్‌ వాడిన బైక్ ఇదీ, రేటు ఎంతో తెలుసా?

బాహుబ‌లి- ది కంక్లూజ‌న్ త‌ర్వాత ద‌ర్శ‌క‌ధీరుడు రాజ‌మౌళి ద‌ర్శ‌క‌త్వంలో తెర‌కెక్కిన ఈ సినిమాపై దేశ‌వ్యాప్తంగా భారీ అంచ‌నాలు ఉన్నాయి. ఈ చిత్రంలో కొమురం భీమ్‌గా ఎన్టీఆర్, అల్లూరిగా రామ్ చరణ్ నటిస్తున్నారు. ఈ  సినిమా మ‌రో రెండు రోజుల్లో (మార్చి 25, 2022) థియేట‌ర్ల‌లోకి వ‌స్తోంది. ఇక ఆర్ఆర్ఆర్ సినిమా నుంచి రిలీజ్‌ అయిన ట్రైలర్, పాట‌లు, మేకింగ్ వీడియోలు అభిమానుల అంచనాలను ఆకాశానికి ఎత్తింది.
 

అయితే.. ఆర్ఆర్ఆర్ సినిమా విషయంలో ఎక్కడ కూడా రాజీపడలేదని దర్శకుడు రాజమౌళి తెలిపారు. కాగా ఈ సినిమాలో ఎన్టీఆర్ వాడిన బైక్ ప్రేక్ష‌కుల‌ను ఆకర్షించింది. దీంతో నెట్టింట ఈ బైక్ గురించి చాలా రీసెర్చ్ చేశారట. ఈ బైక్ గురించి కొన్ని ఆసక్తికరమైన విషయాలు ఇప్పుడు మ‌నం తెలుసుకుందాం. ఈ బైక్ పేరు వెలోసెట్ రెట్రో బైక్.. ఆ బైక్‌ 1934కు చెందిన ఎమ్‌ సిరీస్ బైక్‌లా కనిపిస్తోంది. సినిమా కోసం బైక్‌లో కొన్ని మార్పులు చేసినట్లుగా తెలుస్తోంది. ఇది బ్రిటన్‌‌‌‌కి చెందింది. వెలోసెట్‌ ప్రపంచవ్యాప్తంగా ప్రసిద్ధి చెందింది.
 

వెలోసెట్‌ ఎమ్‌ సిరీస్‌ బైక్‌ ధర ప్రస్తుతం సుమారు రూ.9 లక్షలుగా ఉంది. అది కూడా వేలం వెబ్‌సైట్‌లోనే కనిపిస్తుంది. ఈ కంపెనీ హెడ్ ఆఫీస్ బర్మింగ్‌హామ్‌లో ఉంది. 1920 నుంచి 1950 వరకు.. వెలోసెట్‌ అంతర్జాతీయ మోటార్ రేసింగ్‌ విభాగంలో ప్రధాన పోటీదారుగా నిలిచింది. శక్తివంతమైన 350 సిసి, 500 సిసి బైక్‌లను తయారు చేసింది ఈ వెలోసెట్. హ్యండ్‌మేడ్‌ బైక్‌లను తయారు చేయడంలో వెలోసెట్‌ ప్రపంచవ్యాప్తంగా ప్రసిద్ధి చెందింది. 1920 నుంచి 1950 వరకు.. వెలోసెట్‌ అంతర్జాతీయ మోటార్ రేసింగ్‌ విభాగంలో ప్రధాన పోటీదారుగా నిలిచింది. శక్తివంతమైన 350 సిసి, 500 సిసి బైక్‌లను తయారు చేసింది. వెలోసెట్‌కు చెందిన 500 సీసీ బైక్ ను ఏకదాటిగా 24 గంటల పాటు గంటకు 161 కిలోమీటర్ల వేగంతో నడిపిన రికార్డు కూడా ఉంది.
 

వెలోసెట్‌ కంపెనీను తొలుత 1896లో జాన్ గుడ్‌మాన్, విలియం గూ "టేలర్, గ్యూ కో లిమిటెడ్"గా స్థాపించారు. కంపెనీ మొదట్లో సైకిల్ ఫ్రేమ్‌లు, ఇతర భాగాలను తయారు చేసేది, కానీ తరువాత అది మోటార్ సైకిళ్ల కోసం ఫ్రేమ్‌లను రూపొందించడం ప్రారంభించింది. 1905 సంవత్సరంలో కంపెనీ తన మొదటి మోటార్‌సైకిల్ వెలోస్‌ను తయారు చేసింది. 1913లో కంపెనీ తన మొదటి టూ-స్ట్రోక్ మోటార్‌సైకిల్‌ను పరిచయం చేసింది, దీనికి వెలోసెట్ అనే నిక్ నేమ్ ఇచ్చింది. దీనిలో కె సిరీస్ బైక్‌ల‌ను 1925 సంవత్సరంలో ప్రారంభించగా.. కె సిరీస్ బైక్‌ల ధర ఎక్కువగా ఉండటంతో, తక్కువ ధరకే బైక్‌ల‌ను మార్కెట్లోకి విడుదల చేయాలని కంపెనీ నిర్ణయించింది. 1934 సంవత్సరంలో కొత్త ఎమ్‌ సిరీస్ ఓవర్ హెడ్ వాల్వ్ మోటార్‌సైకిల్‌ను పరిచయం చేసింది.
 

ఇతర ఆటోమొబైల్‌ కంపెనీల నుంచి తీవ్రమైన పోటీరావడంతో వెలోసెట్ బైక్‌ల‌ ఉత్పత్తిని నిలిపివేసింది. రెండవ ప్రపంచ యుద్ధ సమయంలో ఈ బైక్స్‌ అత్యంత ప్రాచుర్యం పొందాయి. ఆటోమొబైల్‌ ఇండస్ట్రీలోకి ఎంత స్పీడ్‌గా వచ్చిందో అంతే స్పీడ్‌గా వెలోసెట్‌ కథ ముగిసిపోయింది. దీంతో ఫిబ్రవరి 1971లో కంపెనీ అధికారికంగా బైక్‌ల ఉత్పత్తిని నిలిపివేసింది.