₹20కే 100 కి.మీ. ప్రయాణం: ఇంత చీప్ గనకే అమ్మకాలు టాప్ గేర్ లో..
ప్రతి వాహన వినియోగదారుడి మొదటి ప్రాధాన్యం.. ఇంధన ఖర్చులు తగ్గించుకోవడం. అందుకే మంచి మైలేజీ ఇచ్చే టూవీలర్లను ఎంపిక చేసుకుంటారు. వాళ్ల అభిరుచులకు అనుగుణంగా బ్యాటరీ వాహనాలుు ఉండటంతో కొన్ని నెలలుగా దేశవ్యాప్తంగా ఎలక్ట్రిక్ స్కూటర్ల అమ్మకాలు బాగా పెరిగాయి.
- FB
- TW
- Linkdin
Follow Us
 "ఎలక్ట్రిక్ స్కూటర్")
ఎలక్ట్రిక్ స్కూటర్
ప్రపంచవ్యాప్తంగా జరిగిన సర్వేలో ఇప్పటివరకు ఎలక్ట్రిక్ స్కూటర్ల అమ్మకాల్లో చైనా అగ్రస్థానంలో ఉంది. భారతదేశం రెండవ స్థానంలో ఉంది. అయితే, త్వరలోనే భారతదేశం మొదటి స్థానానికి వస్తుందని భావిస్తున్నారు. ఈ అంచనాను నిజం చేసేలా దేశంలో ఎలక్ట్రిక్ స్కూటర్లను అమ్మే కంపెనీలు కూడా పెరుగుతున్నాయి.
2024 సంవత్సరంలో భారతదేశంలో 11,21,821 ఎలక్ట్రిక్ స్కూటర్లు అమ్ముడయ్యాయి. సంవత్సరాంతంలో ఒక్క డిసెంబర్ నెలలోనే 71,626 ఎలక్ట్రిక్ స్కూటర్లు అమ్ముడయ్యాయి. టీవీఎస్, ఓలా, ఏథర్, బజాజ్, చేతక్, విడా వంటి అనేక కంపెనీల ఎలక్ట్రిక్ స్కూటర్లకు ప్రజల నుండి మంచి ఆదరణ లభిస్తోంది.
భారతదేశంలో కొత్త బైక్‌లు మార్కెట్లోకి వచ్చినప్పుడు, పెట్రోల్ బైక్‌ల కంటే ఎలక్ట్రిక్ బైక్‌ల ధర కొంచెం ఎక్కువగా ఉండేది. అయితే ఎలక్ట్రిక్ బైక్‌ల వాడకాన్ని ప్రోత్సహించేందుకు కేంద్ర, రాష్ట్ర ప్రభుత్వాలు సబ్సిడీలు అందిస్తున్నాయి. పెట్రోల్ బైక్‌లతో పోలిస్తే ఎలక్ట్రిక్ బైక్‌లు ఎక్కువ మైలేజీని ఇస్తాయి. దీంతో కస్టమర్ల ఎంపిక కూడా ఎలక్ట్రిక్ బైక్‌ల వైపే మొగ్గు చూపుతోంది.
ఎలక్ట్రిక్ బైక్‌లు ఒక్కసారి ఛార్జ్ చేస్తే సగటున 100 కి.మీ. దూరం ప్రయాణిస్తాయి. 100 కి.మీ.కి ఛార్జ్ చేయడానికి దాదాపు 4 యూనిట్ల విద్యుత్ ఖర్చవుతుంది. ఒక యూనిట్ విద్యుత్ ₹5 అనుకుంటే, 4 యూనిట్లకు ₹20 ఖర్చవుతుంది. అదే పెట్రోల్ బైక్ అయితే 100 కి.మీ. ప్రయాణించడానికి ₹150 నుండి ₹200 వరకు పెట్రోల్ కోసం ఖర్చు చేయాల్సి ఉంటుంది. దీన్ని దృష్టిలో ఉంచుకుని ఎలక్ట్రిక్ వాహనాలకు డిమాండ్ పెరుగుతోంది.
