Tata Tiago EV : ఇంత తక్కువ ధరలో ఇన్ని ఫీచర్లా..? టియాగో ఈవీ మార్కెట్ ని షేక్ చేసేలా ఉందే..!

2026 టాటా టియాగో ఈవీ సరికొత్త డిజైన్, ప్రీమియం క్యాబిన్, 10.25 అంగుళాల టచ్‌స్క్రీన్, 360-డిగ్రీ కెమెరా వంటి ఎన్నో అప్‌గ్రేడ్స్‌తో వచ్చేసింది. ముఖ్యంగా సిటీ డ్రైవింగ్‌కు ఈ కారు అద్భుతమైన అనుభవాన్ని ఇస్తుంది.

Image Credit : Gemini AI

టాటా టియాగో ఈవి ఫీచర్లు

తక్కువ ధరలో ఎలక్ట్రిక్ కారు కొనాలనుకునే వారికి టాటా టియాగో ఈవీ మంచి ఆప్షన్. ఇప్పుడు 2026 మోడల్‌లో చాలా కీలకమైన అప్‌డేట్స్‌తో ఈ హ్యాచ్‌బ్యాక్ సరికొత్తగా మార్కెట్లోకి వచ్చేసింది. కొత్త ఫ్రంట్ డిజైన్, ప్రీమియం క్యాబిన్, 10.25 అంగుళాల టచ్‌స్క్రీన్, డిజిటల్ ఇన్‌స్ట్రుమెంట్ క్లస్టర్, 360-డిగ్రీ కెమెరా, బ్లైండ్ స్పాట్ మానిటరింగ్, 6 ఎయిర్‌బ్యాగ్‌లు, లైఫ్‌టైమ్ బ్యాటరీ వారంటీ వంటి ఫీచర్లు ఈ కారు విలువను మరింత పెంచాయి. ఈ కారును రెండు బ్యాటరీ ఆప్షన్లతో అందుబాటులో ఉంది. 

Image Credit : X

టాటా టియాగోలో పవర్ ఫుల్ బ్యాటరీ

ఈ కారులో 19.2kWh, 24kWh అనే రెండు బ్యాటరీ ప్యాక్ ఆప్షన్లు ఉన్నాయి. 24kWh మోడల్ 74 bhp పవర్, 114 Nm టార్క్ ఇస్తుంది. ఇది సిటీ రోడ్లపై ఎలాంటి శబ్దం లేకుండా స్మూత్‌గా నడుస్తుంది. స్పోర్ట్ మోడ్‌లో పెడితే చాలా వేగంగా యాక్సిలరేట్ అవుతుంది. గరిష్ఠంగా గంటకు 122 కి.మీ వేగాన్ని అందుకోగలదు. డ్రైవ్, రివర్స్, న్యూట్రల్, స్పోర్ట్ అనే నాలుగు డ్రైవింగ్ మోడ్‌లు ఉండటంతో, డ్రైవింగ్ చాలా సులభంగా ఉంటుంది.

Image Credit : Tata Motors

టియాగో ఈవి రేంజ్ ఎంతో తెలుసా?

రేంజ్, ఛార్జింగ్ విషయంలో కూడా టియాగో ఈవీ చాలా మెరుగుపడింది. ARAI సర్టిఫైడ్ రేంజ్ 286 కి.మీ. ఉన్నప్పటికీ, నిజానికి రోడ్లపై దాదాపు 190 కి.మీ. వరకు ప్రయాణించవచ్చు. రోజూ ఆఫీసుకు వెళ్లడానికి, వారాంతాల్లో చిన్న ట్రిప్పులకు ఇది సరిపోతుంది. 3.3kW AC ఛార్జర్‌తో రాత్రంతా ఛార్జ్ చేయవచ్చు. ఇంకా వేగంగా ఛార్జింగ్ కావాలంటే 7.2kW AC ఛార్జర్‌ను ఆప్షన్‌గా ఎంచుకోవచ్చు.

Image Credit : stockPhoto

టియాగో డిజైన్ అదిరిందిగా..

30kW DC ఫాస్ట్ ఛార్జర్‌తో కేవలం 30 నిమిషాల్లోనే 20% నుంచి 80% వరకు ఛార్జ్ చేయగలగడం లాంగ్ జర్నీలకు అదనపు బలం. బ్యాటరీని కారు కింది భాగంలో అమర్చడం వల్ల కారు స్టెబిలిటీ మెరుగుపడింది. సిటీ ట్రాఫిక్‌లో, హైవేలో స్టీరింగ్ చాలా కచ్చితంగా పనిచేస్తుంది. వెనుక ప్రయాణికుల కోసం ఏసీ వెంట్స్, సౌకర్యవంతమైన సీట్లు, అదనపు స్టోరేజ్ స్పేస్‌లు, 240 లీటర్ల బూట్ స్పేస్‌తో ఫ్యామిలీ అవసరాలను కూడా దృష్టిలో పెట్టుకుని దీన్ని డిజైన్ చేశారు.

Image Credit : stockPhoto

వీరికి టియాగో బెస్ట్ ఆప్షన్

మొత్తంగా చూస్తే 2026 టాటా టియాగో ఈవీ తక్కువ ధరలో ఎక్కువ ఫీచర్లు, మెరుగైన భద్రత, ఫాస్ట్ ఛార్జింగ్, తక్కువ మెయింటెనెన్స్ ఖర్చు, మంచి పనితీరును అందిస్తోంది. మొదటిసారి ఎలక్ట్రిక్ కారు కొనాలనుకునే వారికి, పెట్రోల్ కారు నుంచి ఎలక్ట్రిక్ కారుకు మారాలనుకునే వారికి ఇది కచ్చితంగా పరిశీలించాల్సిన ఆప్షన్.