Birth Stars: ఈ నక్షత్రాల్లో పుట్టినవారు ఎవ్వరి మాట వినరు.. వారి దారి వారిదే!
జ్యోతిష్య శాస్త్రం ప్రకారం మన వ్యక్తిత్వం, ఆలోచన శైలి, జీవన విధానంపై జన్మ నక్షత్రం ప్రభావం చూపుతుంది. కొన్ని నక్షత్రాల్లో పుట్టినవారు తమ అనుభవం, ఆలోచనలకు మాత్రమే ప్రాధాన్యం ఇస్తారు. ఇతరుల మాట అస్సలు వినరు. వారి దారి వారిదే. ఆ నక్షత్రాలేంటో చూద్దాం.
Birth Stars Astrology
జ్యోతిష్య శాస్త్రం ప్రకారం మన వ్యక్తిత్వం, నడవడిక, అభిరుచులు, ఇతరుల మాటకు మనం ఎలా స్పందిస్తామో వంటి అంశాలు జన్మ నక్షత్రంపై ఆధారపడి ఉంటాయి. కొన్ని నక్షత్రాలలో పుట్టినవారు స్వతంత్ర ఆలోచన, స్వేచ్ఛా స్వభావం, నిర్ణయాల్లో స్థిరత్వం కలిగి ఉంటారు. వీరు తమ వ్యక్తిగత అభిప్రాయాలు, అనుభవాలకు చాలా ప్రాధాన్యం ఇస్తారు. ఇతరుల మాట పొరపాటున కూడా వినరు. ఏ నక్షత్రాల్లో జన్మించినవారు ఇలా ఉంటారో తెలుసుకోండి.
అశ్విని నక్షత్రం
అశ్విని నక్షత్రంలో పుట్టినవారు శక్తివంతమైన వ్యక్తిత్వాన్ని కలిగి ఉంటారు. వీరు చురుకైన, త్వరగా నిర్ణయాలు తీసుకునే స్వభావం కలిగి ఉంటారు. జ్యోతిష్య నిపుణుల ప్రకారం, అశ్విని నక్షత్రం వారు ఇతరుల సూచనలను విన్నా, చివరి నిర్ణయం వారి సొంత అనుభవం, పరిస్థితులు, అభిప్రాయాల ఆధారంగా తీసుకుంటారు. వీరు సహజంగా స్వతంత్రంగా ఉండాలని కోరుకునే వారు కాబట్టి, ఇతరుల ఆదేశాలను అస్సలు లెక్కచేయరు.
భరణి నక్షత్రం
భరణి నక్షత్రంలో పుట్టినవారు కూడా ధైర్యం, సాహసం, స్వతంత్రతకు ప్రసిద్ధులు. జ్యోతిష్య పండితుల ప్రకారం, వీరు ఎప్పుడూ తమ లక్ష్యాలపైన దృష్టి పెడతారు. అవసరమైతే ఇతరుల సూచనలు, విమర్శలు పక్కన పెట్టి ముందుకు సాగుతారు. ఈ నక్షత్రంలో పుట్టినవారు సామాజిక నియమాలకంటే తమ విలువలు, ఆలోచనలకే ఎక్కువ ప్రాధాన్యం ఇస్తారు.
ఈ నక్షత్రాల్లో జన్మించిన వారైతే..
కృతిక, రోహిణి, మృగశిర, పునర్వసు నక్షత్రాల్లో పుట్టినవారిలో కూడా స్వతంత్ర భావం, నిర్ణయాలను స్వయంగా తీసుకునే లక్షణాలు బలంగా ఉంటాయి. ఈ నక్షత్రాల వారు అత్యంత ఆత్మవిశ్వాసం కలిగిన వ్యక్తులు. వీరు తమ కర్మ, ప్రయత్నాల ఫలితాలను ఎక్కువగా నమ్ముతారు. ఇతరుల మాటల ప్రభావం వీరిపై ఏమాత్రం ఉండదు. ఈ లక్షణం వీరిలోని నాయకత్వం, దృఢ సంకల్పాన్ని మరింత పెంపొందిస్తుంది.
సక్రమంగా ఉపయోగిస్తే..
జ్యోతిష్య పండితుల ప్రకారం.. ఈ నక్షత్రాలో పుట్టినవారు వారిలోని గుణాలను సక్రమంగా ఉపయోగిస్తే అది వ్యక్తిని మరింత ధైర్యంగా, సృజనాత్మకంగా తయారుచేస్తుంది. కానీ అదే సమయంలో సామాజిక సంబంధాల్లో కొంత దూరం ఏర్పడవచ్చు. కాబట్టి ఈ లక్షణాలను సమతుల్యంగా వాడటం, ఇతరుల అభిప్రాయాలను పరిశీలించడం వంటివి వీరి వ్యక్తిత్వానికి మరింత బలాన్ని ఇస్తాయి.
