Zodiac signs: ఈ రాశి వారు ఎవరిని ప్రేమించినా, బ్రేకప్ అవ్వాల్సిందే..!
తమ ప్రవర్తన, వ్యక్తిత్వంతో కొందరు ప్రేమను నిలుపుకుంటే, కొందరు మాత్రం తమ ప్రవర్తనతో విడిపోవడానికి కారణం అవుతుంటారు. జోతిష్యశాస్త్రంలోనూ అలాంటి రాశులు కొన్ని ఉన్నాయి.
- FB
- TW
- Linkdin
Follow Us
 "జోతిష్య శాస్త్రం..")
జోతిష్య శాస్త్రం..
ఒకప్పుడు ప్రేమ అనేది జీవితాంతం భద్రత ఇచ్చే బంధంగా పరిగణించేవారు. కానీ ఈ రోజుల్లో అలా కాదు. ఒకరిని ప్రేమిస్తే కనీసం ఆ బంధాన్ని వారం రోజులు నిలపెట్టుకోవడం కూడా కష్టమౌతోంది. బంధాలలో స్థిరత్వం తగ్గిపోతోంది. జోతిష్యశాస్త్రంలో కొన్ని రాశులు కూడా అంతే జీవితంలో స్థిరత్వం ఉండదు. ముఖ్యంగా ప్రేమ విషయంలో వీరికి క్లారిటీ ఉండదు. ఎవరిని ప్రేమించినా బ్రేకప్ అవ్వాల్సిందే. మరి, ఆ రాశులేంటో చూద్దాం...
1.మిథున రాశి..మాటల మాయాజాలం..
తెలవి తేటలు, చురుకుదనం నిండిన మిథున రాశివారు సహజంగానే ఆకర్షణీయంగా ఉంటారు. కానీ, వారి మనసు మాత్రం ఎప్పటికప్పుడు మారిపోతూనే ఉంటుంది. వారు ఇచ్చిన మాటను ఎప్పుడూ నిలబెట్టుకోరు. ముఖ్యంగా బంధాల విషయంలో మాట తప్పుతూనే ఉంటారు. వీరు మాట్లాడినంతసేపు ఇతరులను ఆకట్టుకునేలానే మాట్లాడతారు. కానీ ప్రేమించిన వారిని ఎప్పుడు దూరం పెడతారో వారికే తెలీకుండానే దూరం పెట్టేస్తారు. వీరికి ఎవరినైనా ప్రేమించడం సులువే. కానీ వారికి కమిట్‌మెంట్ ఇవ్వడం మాత్రం చాలా కష్టం. అందుకే, వీరికి ఎక్కువగా బ్రేకప్స్ అవుతూ ఉంటాయి.
2.కర్కాటక రాశి
కర్కాటక రాశి వారి మనసు చాలా సున్నితంగా ఉంటుంది. కానీ వీరికి ఉన్న మూడ్ స్వింగ్స్ తట్టుకోవడం ఎవరి వల్లా కాదు. ఒక క్షణం ప్రేమగా, ఇంకొక క్షణం నిశ్శబ్దంగా ఉండటం ద్వారా, వారు తమ భాగస్వామిని భావోద్వేగంగా గందరగోళంలో పడేస్తారు. కొన్నిసార్లు వారు అనవసరంగా బాధపడుతూ,తాము ప్రేమించిన వారిని కూడా బాధపడతారు. వీరికి సంతోషం ఎప్పుడు వస్తుందో, బాధ ఎప్పుడు వస్తుందో తెలుసుకోవడం కష్టం. అందుకే, వీరికి తొందరగా బ్రేకప్స్ అవుతూ ఉంటాయి.
3.కన్య రాశి.. విమర్శలు ఎక్కువ.
కన్య రాశివారికి ఏ విషయాన్ని అయినా విశ్లేషించడం అలవాటు. ఎవరైనా సరే అన్ని విషయాల్లో చాలా పర్ఫెక్ట్ గా ఉండాలి అని వీరు అనుకుంటారు. కానీ.. ఈ క్రమంలో తాము ప్రేమించిన వారికి వీరు కరెక్షన్స్ చెప్పిన ప్రతిసారీ అది సలహాలా కాకుండా, విమర్శలా ఉంటుంది. వీరు సరదాగా చెప్పినా.. ఎదుటి వారికి అది చాలా బాధాకరంగా ఉంటుంది. అందుకే, వీరితో ఎవరూ ఎక్కువ కాలం కలిసి ఉండలేరు.
జోతిష్యాన్ని నమ్మొచ్చా?
జ్యోతిషశాస్త్రం మన జీవితానికి రూపరేఖను ఇచ్చే పద్ధతిగా భావించాలి, నియమాలుగా కాదు. మిథున, కర్కాటక, కన్య రాశుల వారు సంబంధాల్లో హృదయ విదారకులుగా ఉండొచ్చనే అంచనాలున్నా, ఇది ప్రతి వ్యక్తికి వర్తించదు. భవిష్యత్తు మీ చేతుల్లోనే ఉంది. ప్రేమ బంధంలో నమ్మకం, సంభాషణ, సహనం ఉంటే.. ఏ రాశి వారైనా ఆనందకరమైన ప్రయాణాన్ని ప్రారంభించగలరు.
