Birth Date: పాపం,ఈ తేదీల్లో పుట్టిన వారికి సంతోషాలకంటే కష్టాలే ఎక్కువ..!

మనకు వచ్చే కష్టాలు అయినా, సంతోషాలు అయినా మనం పుట్టిన తేదీని బట్టి కూడా ఉంటాయి అని మీకు తెలుసా? మీరు చదివింది నిజమే, న్యూమరాలజీ ప్రకారం, కొన్ని తేదీల్లో పుట్టిన వారికి లైఫ్ లో చాలా ఎక్కువ కష్టాలు వస్తాయట.

జీవితంలో కష్టాలు అందరికీ వస్తాయి. ఎదురైన ప్రతి కష్టాన్ని ఎదుర్కునే సామర్థ్యం అందరికీ ఉండకపోవచ్చు. కొందరు వచ్చిన కష్టాలను తలుచుకొని బాధపడుతూ ఉంటారు. కొందరు మాత్రం చాలా ధీటుగా నిలపడి ఎదుర్కొంటూ ఉంటారు. కష్టం తర్వాత మళ్లీ సుఖం మన కోసం ఎదురు చూస్తూ ఉంటుందని నమ్ముతారు. అయితే.. మనకు వచ్చే కష్టాలు అయినా, సంతోషాలు అయినా మనం పుట్టిన తేదీని బట్టి కూడా ఉంటాయి అని మీకు తెలుసా? మీరు చదివింది నిజమే, న్యూమరాలజీ ప్రకారం, కొన్ని తేదీల్లో పుట్టిన వారికి లైఫ్ లో చాలా ఎక్కువ కష్టాలు వస్తాయట. మరి, ఆ తేదీలేంటో చూద్దామా..

మీరు ఏ నెలలో అయినా 4, 13, 22, 31 తేదీల్లో జన్మించిన వారు తమ జీవితంలో ఎక్కువ కష్టాలు ఎదుర్కోవలసి వస్తుంది. వీరికి ప్రశాంతత, గందరగోళం మధ్య ఎప్పుడూ టగ్ ఆఫ్ వార్ జరుగుతూనే ఉంటుంది.జీవితం సాఫీగా సాగుతుంది లే అని అనుకుంటున్నప్పుడల్లా.. మళ్లీ ఏదో ఒక సమస్య వచ్చి పడుతూ ఉంటుంది. తమకు తెలియని ఏదో ఒక నెగిటివ్ ఎనర్జీతో వీరు పోరాటం చేస్తూనే ఉంటారు.

ఈ సవాళ్లు చిన్న విషయాల నుంచి పెద్ద సమస్యలవరకు వ్యాపిస్తాయి .ఆర్థిక ఇబ్బందులు, వ్యక్తిగత సంబంధాలలో సంక్షోభం, లేదా సామాజిక పరంగా నిందలు ఎదుర్కోవడం వంటి చాలా సమస్యలు వీరికి వచ్చే అవకాశం చాలా ఎక్కువ. వీటి కారణంగా ఈ తేదీల్లో పుట్టిన వారికి శారీరక, మానసిక సమస్యలు, ఒత్తిడి ఎక్కువగా ఉంటుంది.

న్యూమరాలజీ ప్రకారం 2, 4, 7, 8 వంటి తేదీల్లో జన్మించినవారు జీవితాన్ని ఒక అంతులేని చదరంగం ఆటగా చూస్తారు. వీరికి కూడా కష్టాలు కాస్త ఎక్కువగానే ఉంటాయి. వీరు తొందర పడి ఎలాంటి నిర్ణయాలు తీసుకోరు. చాలా ఆలోచించి మరీ తీసుకుంటారు. కానీ, అంత ఆలోచించినా కూడా వీరికి కష్టాలు తప్పవు. తీసుకునే నిర్ణయాలన్నీ తారుమారు అయిపోతూ ఉంటాయి.

అయితే, సమస్యలు వచ్చాయి అని కుంగిపోకుండా.. ముందుకు సాగడం మంచిది. న్యూమరాలజీ దిశానిర్దేశం చేస్తుందే తప్ప, విధిని పూర్తిగా నిర్ణయించదు. అది మన బలహీనతలను అర్థం చేసుకోవడానికి, వాటి నుంచి ఎదగడానికి మార్గం చూపుతుంది.ప్రతి తప్పిదం ఓ పాఠంగా మారుతుంది. ప్రతి ఎదురు సవాలూ ఎదుగుదలకు అవకాశం ఇస్తుంది.మన జీవితాన్ని మనకు నచ్చినట్లు మార్చే అవకాశం ఉందనే విషయం మర్చిపోవద్దు.