Guru gamanam: గురు సంచారంతో ఈ 4 రాశుల వారికి తిప్పలు తప్పవు, అయితే కొన్ని రోజులే
Guru gamanam: జీవితాన్ని మార్చే 9 గ్రహాల్లో బృహస్పతి ఎంతో ముఖ్యమైన గ్రహం. గురు గ్రహం జూన్ 2 న కర్కాటక రాశిలోకి ప్రవేశించడం వల్ల 4 రాశుల వారికి కష్టకాలం మొదలవుతుంది. కొన్ని రోజుల పాటూ వారు చాలా జాగ్రత్తగా ఉండాలి.
మేష రాశి
గురు గ్రహం సంచారం వల్ల మేష రాశి కొన్ని రోజుల పాటూ కష్టాలు తప్పవు. వీరి నాల్గవ ఇంట్లోకి గురువు ప్రవేశిస్తాడు. దీనివల్ల మీ కుటుంబంలో అనవసరమైన మనస్పర్థలు, అభిప్రాయ భేదాలు వచ్చే అవకాశం ఉంది. ఇంటి మరమ్మతులు చేయించాల్సి వస్తుంది. లేదా వాహనాల కోసం అనవసర ఖర్చు పెట్టాల్సి రావచ్చు.ఆరోగ్యానికి ఖర్చులు పెరుగుతాయి. ఉద్యోగంలో ఇష్టంలేని బదిలీలు జరగవచ్చు. లేదా పనిభారం పెరగవచ్చు. తొందరపడి ఎలాంటి ముఖ్యమైన నిర్ణయాలు ఈ సమయంలో తీసుకోవద్దు. ఓపికగా ఉండాలి.
పరిహారం: ప్రతి గురువారం దక్షిణామూర్తికి పసుపు రంగు పువ్వులతో పూజ చేసి, శనగల మాల సమర్పిస్తే జరిగే నష్టాలు కొంతవరకు తగ్గుతాయి.
మిథున రాశి
బృహస్పతి మిథున రాశి వారి రెండవ ఇంట్లోకి ప్రవేశిస్తాడు. ఆ ఇల్లు ధన, వాక్కు స్థానం. దీనివల్ల ఈ రాశి వారి ఆర్థిక పరిస్థితిలో మార్పులు రావచ్చు. చేతికి డబ్బు వచ్చినా, దాన్ని పొదుపు చేయలేరు. విపరీతంగా ఖర్చు పెడతారు. ఓపికగా ఉండాలి. కోపంలో మాట్లాడే మాటలు కుటుంబంలో గొడవలను తీసుకొస్తాయి. విలాస వస్తువుల కోసం డబ్బు ఖర్చు చేయకూడదు. ఆర్థిక విషయాల్లో చాలా జాగ్రత్తగా ఉండాలి. ఇతరులకు అప్పు ఇవ్వడం వంటివి చేయవద్దు.
పరిహారం: ప్రతి గురువారం ఆవుకు అరటిపండు లేదా అవిసి ఆకులు తినిపిస్తే మంచిది. ధన కొరత తీరి, సంపద పెరుగుతుంది.
తులా రాశి
గురు గ్రహం తులా రాశి వారికి పదవ ఇంట్లోకి అడుగుపెడతారు. ఇది వారి జీవన స్థానం. దీనివల్ల ఈ రాశివారు వృత్తి, వ్యాపారాల్లో కొన్ని ఆకస్మిక మలుపులు, లేదా ఇబ్బందులు రావచ్చు. పనిభారం పెరగడం వల్ల మానసిక ఒత్తిడి, టెన్షన్ పెరుగుతాయి. పై అధికారులతో చాలా జాగ్రత్తగా ఉండాలి. అనవసర వాదనలు మీ ఉద్యోగానికే ముప్పు తెచ్చిపెట్టొచ్చు. తొందరపడి ప్రస్తుత ఉద్యోగాన్ని వదిలేయడం లేదా కొత్త వ్యాపారంలో పెద్ద పెట్టుబడులు పెట్టడం మంచిది కాదు.
పరిహారం: గురువారాల్లో శివాలయానికి వెళ్లి నవగ్రహ పూజ చేయడంతో పాటు, వృద్ధులకు లేదా నిరాశ్రయులకు అన్నదానం చేస్తే మంచి ఫలితాలు కలుగుతాయి.
కుంభ రాశి
బృహస్పతి కుంభ రాశి వారి ఆరవ ఇంట్లోకి అడుగుపెడతాడు. ఈ ఇల్లు రుణ, రోగ, శత్రు స్థానం. ఈ సంచారం వల్ల మీకు ఈ రాశి వారికి ఆరోగ్య సమస్యలు వస్తూ పోతూ ఉంటాయి. అనవసరంగా వైద్య ఖర్చులు పెరుగుతాయి. ఈ రాశి వారికి శత్రువుల నుంచి ఇబ్బందులు పెరిగే అవకాశం ఉంది. కోర్టు కేసులు లేదా చట్టపరమైన సమస్యలు ఉంటే మరింత జాగ్రత్తగా ఉండటం మంచిది. ఆరోగ్యం విషయంలో అశ్రద్ధ చేయకండి. చిన్న సమస్య వచ్చినా వెంటనే వైద్యుడిని సంప్రదించండి.
పరిహారం: గురువారాల్లో బృహస్పతికి నెయ్యి దీపం వెలిగించి, 'ఓం గురవే నమః' అనే మంత్రాన్ని 108 సార్లు జపిస్తే మంచి జరుగుతుంది.
