Bird Nest: మీ ఇంట్లో పక్షి గూడు కట్టిందా? శుభమా? అశుభమా? వాస్తు శాస్త్రం ఏం చెబుతోంది?
Bird Nest: మీ ఇంట్లో పక్షులు ఎప్పుడైనా గూడు కట్టాయా? అసలు ఇలా పక్షులు ఇంటి ఆవరణలో గూడు కట్టుకోవడం శుభమా? అశుభమా? ఇంట్లోనే ఉంచేయాలా? లేక తొలగించాలా? వాస్తు శాస్త్రం ఏం చెబుతోంది..?
పక్షి గూడు కడితే ఏమౌతుంది?
పక్షులు ఇంట్లోకి దూరి లేదంటే.. బాల్కనీల్లో గూడు కట్టుకోవడం చాలా సర్వ సాధారణం. కొందరు వాటిని చూసి జాలిపడి కదిలించకుండా ఉండనిస్తారు. మరి కొందరు, గూడు కట్టుకున్నా సరే వాటిని వెళ్లగొట్టే వరకు నిద్రపోరు. అసలు.. ఈ పక్షి గూడుపై వాస్తు శాస్త్రం ఏం చెబుతుందో ఇప్పుడు చూద్దాం..
మన ఇంట్లో ఏ పక్షి గూడు కడుతుందో.. దాని ఆధారంగా మన ఇంటికి శుభం జరుగుతుందో, అశుభం జరుగుతుంది అనేది ఆధారపడి ఉంటుంది.
1.పావురాలు...
పావురాలు చాలా ఎక్కువగా ఇంటి చుట్టుపక్కల తిరుగుతూ ఉంటాయి.నిజానికి, పావురాలను శాంతి, సామరస్యాలకు చిహ్నంగా భావిస్తారు. హిందూ విశ్వాసాల ప్రకారం, ఒక పావురం మీ ఇంట్లో లేదంటే.. వరండా, బాల్కనీల్లో గూడు కడితే.. ఆ ఇంట్లో పాజిటివ్ ఎనర్జీ పెరుగుతుందని నమ్ముతారు. ఇది కుటుంబ సభ్యుల మధ్య ప్రేమను, బంధాన్ని బలపరుస్తుంది.
అంతేకాదు, ఈ పక్షి ఇంట్లో గూడు కడితే.. ఆర్థికంగానూ బాగా కలిసొస్తుంది. ముఖ్యంగా, ఉద్యోగ, వ్యాపారాల్లో బాగా లభాలు వస్తాయని నమ్ముతారు. అయితే.. ఎక్కువ సంఖ్యలో పావురాలు వచ్చి ఇంట్లోకి లేదంటే బాల్కనీలో కి దూరితే.. ఎక్కువగా పాడు చేస్తాయి. దీని వల్ల ఆరోగ్య సమస్యలు ఎక్కువగా వచ్చే అవకాశం ఉంది. అందుకే.. ఎక్కువ మంది పావురాలను ఇంట్లోకి రానివ్వరు.
2.ఇంట్లోకి పిచుక దూరితే...
ప్రస్తుత కాలంలో పిచుకలు ఎక్కువగా ఇంట్లో కనిపించడం లేదు అనే చెప్పాలి. కానీ, పిచుక కనుక మీ ఇంట్లో, కిటికీల దగ్గర, బాల్కనీలో కనుక గూడు కడితే.. దీనిని చాలా శుభసూచకంగా భావిస్తారు. శాస్త్రాల ప్రకారం, పిచ్చుక రాక ఇంటి శాంతిని,సంపదను తెస్తుంది. ముఖ్యంగా పిచ్చుక ఇంటి తూర్పు దిశలో గూడు కడితే.. అది ఆ ఇంటి కుటుంబ విజయానికి మార్గం సులభం చేసిందని అర్థం. పక్షులు సాధారణంగా భద్రత, తాము సురక్షితంగా ఉంటాము అని భావించిన ప్రదేశంలో మాత్రమే గూడును కడతాయి. అందుకే, పిచ్చుక మీ ఇంట్లో గూడు కట్టుకుంది అంటే.. మీ ఇల్లు ప్రేమతో నిండి ఉందని, ఎప్పుడూ ప్రశాంతంగా ఉంటుందని అర్థం. వాస్తు ప్రకారం కూడా పిచ్చుక ఇంట్లోకి అడుగుపెట్టినా శుభం జరుగుతుంది.
మైనా పక్షి గూడు కడితే..
వాస్తు శాస్త్రం ప్రకారం, మైనా పక్షి ఇంటి ఆవరణలో లేదా బాల్కనీలో గూడు కడితే అది చాలా శుభప్రదంగా పరిగణిస్తారు. ఈ పక్షి రాకతో కుటుంబంలో సంతోషాలు పెరుగుతాయని, బంధాలు బలపడతాయని నమ్ముతారు. త్వరలోనే వారు ఇంట్లో శుభవార్త వినే అవకాశం కూడా ఉందని నమ్మకం.
పక్షి గూడు కట్టినప్పుడు ఏం చేయాలి?
పక్షి మీ ఇంట్లో గూడు కట్టుకొని పిల్లలు పెట్టినప్పుడు దానిని కదిలించకపోవడమే మంచిది. కదిలిస్తే.. ఆ చిన్న ప్రాణాలు మరో గూడు కట్టే వరకు నివాసం లేక ఇబ్బంది పడతాయి. మీకు ఇష్టం లేకపోతే.. పక్షులు రెక్కలు వచ్చి ఎగిరిపోయే వరకు ఆగి.. ఆ తర్వాత మీరు గూడు తీసేయచ్చు. కానీ, పక్షులు ఉన్నప్పుడు మాత్రం గూడు కదిలించకూడదు.
