ఈ 5 నక్షత్రాల్లో పుట్టిన అమ్మాయి భార్యగా వస్తే మీకంటే అదృష్టవంతులు మరొకరు ఉండరు!
జ్యోతిష్య శాస్త్రం ప్రకారం కొన్ని నక్షత్రాల్లో జన్మించిన అమ్మాయిల్లో ఒక అద్భుతమైన శక్తి ఉంటుంది. ఆమె మాటలు, మనసు, చూపు అన్నీ ఇతరులను కట్టిపడేసే విధంగా ఉంటాయి. అలాంటి అమ్మాయి భార్యగా వస్తే అంతకంటే అదృష్టం మరొకటి ఉండదు. మరి ఆ నక్షత్రాలేంటో చూసేయండి.
ఏ నక్షత్రాల్లో పుట్టిన అమ్మాయి భార్యగా వస్తే అదృష్టం?
ప్రతి నక్షత్రానికి తనదైన శక్తి ఉంటుంది. కొన్ని నక్షత్రాలు అమ్మాయిలకు మానసిక స్థిరత్వాన్ని ఇస్తే.. మరికొన్ని బుద్ధిశక్తిని, సౌందర్యాన్ని ఇస్తాయి. ఇంకొన్ని నక్షత్రాలు ఆధిపత్యాన్ని ప్రసాదిస్తాయి. కానీ కొన్ని నక్షత్రాల్లో పుట్టిన అమ్మాయిలు మాత్రం ఈ అన్ని లక్షణాలను కలిగి ఉంటారు. భర్తల పాలిట అదృష్ట దేవతలుగా మారుతారు. వీళ్లు ఎవ్వరి జీవితంలోకి అడుగుపెట్టినా వారి అదృష్టం ప్రకాశిస్తుంది. వారి దాంపత్య జీవితం సంతోషంగా సాగిపోతుంది. మరి ఏ నక్షత్రాల్లో పుట్టిన అమ్మాయి భార్యగా వస్తే ఇవన్నీ సాధ్యమవుతాయో ఇక్కడ తెలుసుకుందాం.
అనూరాధ నక్షత్రం
అనూరాధ నక్షత్రంలో పుట్టిన అమ్మాయిలు సహజంగా శాంత స్వభావం కలిగి ఉంటారు. వీరికి తమవారంటే అపారమైన ప్రేమ ఉంటుంది. కుటుంబ బాధ్యతలను మనస్ఫూర్తిగా స్వీకరిస్తారు. భర్త సుఖంగా ఉండేందుకు ఏం చేయాలో వీరు అన్నీ చేస్తారు. కుటుంబం కోసం శక్తికి మించి కృషి చేస్తారు. ఈ నక్షత్రాల్లో పుట్టిన అమ్మాయి పక్కనున్నా చాలు.. భర్త మనశ్శాంతిగా ఉంటాడని జ్యోతిష్య శాస్త్రం చెబుతోంది.
రోహిణి నక్షత్రం
రోహిణి నక్షత్రం చంద్రునికి అత్యంత ఇష్టమైనది. అందుకే ఈ నక్షత్రంలో పుట్టిన అమ్మాయిలు సహజంగానే అందంగా, ఆకర్షణీయంగా ఉంటారు. కానీ వారి అందం కంటే కూడా మనసు గొప్పగా ఉంటుందని జ్యోతిష్య శాస్త్రం చెబుతోంది. ఈ నక్షత్రాల్లో పుట్టిన అమ్మాయి పక్కన ఉంటే.. అక్కడంతా ప్రశాంత వాతావరణం ఉంటుందట. భర్తను ప్రేమించడంలో, గౌరవించడంలో, సౌమ్యంగా నడుచుకోవడంలో వీరు ముందుంటారట.
హస్త నక్షత్రం
జ్యోతిష్యం ప్రకారం హస్త నక్షత్రంలో జన్మించిన అమ్మాయిలు చాలా తెలివిగా ఉంటారు. కుటుంబ గౌరవాన్ని నిలబెడుతారు. ఈ నక్షత్రాల్లో పుట్టిన వారు భార్యగా మాత్రమే కాదు, స్నేహితురాలిగా, సలహాదారుగా, సహాయకురాలిగా కూడా ఉంటారు. వీరు ఉన్న ఇంట్లో దైవం కొలువు ఉన్నట్లేనని జ్యోతిష్య శాస్త్రం చెబుతోంది.
ఆరుద్ర నక్షత్రం
ఆరుద్ర నక్షత్రంలో పుట్టిన అమ్మాయిలు చాలా శక్తివంతులు. కానీ చిన్నపిల్లల మనస్తత్వం కలిగి ఉంటారు. ప్రేమను నేరుగా చెప్పరు. కానీ వారి ప్రేమ.. వారు మీకోసం చేసే పనుల్లో స్పష్టంగా కనిపిస్తుంది. ఈ నక్షత్రాల్లో పుట్టినవారు ఎలాంటి అబ్బాయినైనా ఈజీగా మార్చేస్తారని జ్యోతిష్య శాస్త్రం చెబుతోంది.
శ్రవణ నక్షత్రం
శ్రవణ నక్షత్రంలో పుట్టిన అమ్మాయిలు చాలా వినయంగా ఉంటారు. సున్నితమైన మనస్తత్వం కలిగి ఉంటారు. వీరికి భక్తి కూడా ఎక్కువే. సాంప్రదాయాలను ఫాలో అవుతుంటారు. వీరు అడుగుపెట్టిన ఇంట్లో శాంతి, ఆనందం, సంపద వెల్లివిరుస్తాయి. వీరి మాటలు భర్తను చాలా ప్రభావితం చేస్తాయని జ్యోతిష్య శాస్త్రం చెబుతోంది.