Zodiac Signs: 4 గ్రహాల సంచారం.. ఈ 4 రాశులవారికి ఇక చుక్కలే! మీ రాశి ఉందా?
జ్యోతిష్య శాస్త్రం ప్రకారం ఫిబ్రవరిలో 4 గ్రహాల సంచారం జరగనుంది. ఈ గ్రహాల కలయిక వల్ల కొన్ని రాశుల వారికి కష్టకాలం మొదలుకానుంది. వ్యక్తిగత జీవితం నుంచి వ్యాపారాల వరకు చాలా విషయాల్లో ఎదురుదెబ్బ తగిలే అవకాశం ఉంది. మరి ఆ రాశులేంటో? మీ రాశి ఉందో చూడండి.
ఫిబ్రవరిలో ఇబ్బందిపడే రాశులు ఇవే!
జ్యోతిష్య శాస్త్రం ప్రకారం గ్రహాలు ఎప్పటికప్పుడు తమ స్థానాలను మార్చుకుంటూ ఉంటాయి. ఇతర గ్రహాలతో కలిసి శుభ లేదా అశుభ యోగాలు ఏర్పరుస్తుంటాయి. ఫిబ్రవరిలో నాలుగు గ్రహాలు తమ రాశులను మార్చనున్నాయి. కుంభరాశిలో సూర్యుడు, రాహువుల కలయిక జరగనుంది. అలాగే మీన రాశిలో శని, సింహ రాశిలో కేతువు సంచరించనున్నారు. ఈ 4 గ్రహాల సంచారం 4 రాశులవారికి మానసిక ఒత్తిడి, గందరగోళం, కఠినమైన నిర్ణయాలు తీసుకునే పరిస్థితి కల్పించనుంది. ఆ రాశులేవో ఇక్కడ తెలుసుకుందాం.
సింహ రాశి
సింహ రాశిలో కేతువు సంచారం.. భావోద్వేగ సమస్యలను కలిగిస్తుంది. ఈ రాశివారి జీవితంలో గందరగోళం ఏర్పడుతుంది. కుటుంబ సభ్యుల మధ్య కమ్యూనికేషన్ తగ్గుతుంది. మీ ప్రియమైన వారికి దూరంగా వెళ్లే పరిస్థితి రావచ్చు. ఒకప్పుడు ఆనందాన్నిచ్చిన విషయాలు ఇప్పుడు భారంగా అనిపించవచ్చు. ఇది సంబంధాలలో విభేదాలకు దారితీయవచ్చు. వృత్తి, ఉద్యోగాలలో ఎదురయ్యే ఎదురుదెబ్బలు లేదా నష్టాలు మీ ఆత్మవిశ్వాసాన్ని దెబ్బతీస్తాయి. కాబట్టి ఈ సమయంలో ప్రశాంతంగా ఉండటం మంచిది.
తుల రాశి
తుల రాశి వారికి ఈ నెల సవాళ్లతో నిండి ఉంటుంది. కుంభరాశిలో అనేక గ్రహాలు ఉండటం వల్ల ఈ రాశికి మిశ్రమ ఫలితాలు ఉంటాయి. మనసు చంచలంగా ఉంటుంది. ఆత్మవిశ్వాసం తగ్గవచ్చు. అనవసరమైన విమర్శలు బాధపెడతాయి. సంబంధాలలో అపార్థాలు తలెత్తుతాయి. గ్రహ మార్పుల వల్ల చేపట్టిన పనులు చివరి నిమిషంలో ఆగిపోవచ్చు. చిన్న అజాగ్రత్త పెద్ద పరిణామాలకు దారితీయవచ్చు. ఖర్చులు పెరుగుతాయి. పొదుపు తగ్గుతుంది. ఆర్థిక విషయాలలో నష్టాలు రావచ్చు. వాహనం నడిపేటప్పుడు చాలా జాగ్రత్తగా ఉండటం అవసరం.
వృశ్చిక రాశి
జ్యోతిష్య శాస్త్రం ప్రకారం వృశ్చిక రాశి వారికి ఇది మానసికంగా సవాలుతో కూడిన సమయం. ఉద్యోగాలలో జరిగే రాజకీయాలపై దృష్టి పెట్టాలి. మీ ఉన్నతాధికారులు లేదా సహోద్యోగుల పోటీ, అసూయ కారణంగా మిమ్మల్ని ఉద్యోగం నుంచి తొలగించే ప్రయత్నం జరుగుతుంది. కుటుంబంలో అభిప్రాయ భేదాల వల్ల ఒంటరితనం ఎదురుకావచ్చు. తలనొప్పి, మానసిక ఒత్తిడి, నిద్రలేమి రావచ్చు. వ్యక్తిగత జీవితమైనా, వృత్తి జీవితమైనా ప్రతి అడుగు చాలా జాగ్రత్తగా వేయడం మంచిది.
మీన రాశి
మీన రాశి వారికి ఇది ఏలినాటి శని కాలం. ఫిబ్రవరిలో కుంభరాశిలో గ్రహాల కలయిక మీన రాశికి 12వ ఇంట్లో జరుగుతుంది. దానివల్ల ఖర్చులు పెరగవచ్చు. అనుకోని ప్రయాణాల వల్ల డబ్బు నష్టం, ఆరోగ్య సమస్యలు రావచ్చు. దగ్గరి బంధువుల వల్ల కొన్ని ఇబ్బందులు ఎదురుకావచ్చు. భాగస్వామ్య వ్యాపారం చేసేవారికి లెక్కల విషయంలో భాగస్వాములతో గొడవలు రావచ్చు. వ్యక్తిగత రహస్యాలను ఇతరులతో పంచుకోకుండా ఉండటం మంచిది. గ్రహ స్థితులు అనుకూలంగా లేనందున, ప్రణాళిక వేసుకున్న పనులపై మాత్రమే దృష్టి పెట్టడం మంచిది. కొత్త పనులు ప్రారంభించడం అంత శ్రేయస్కరం కాదు.
