Today Rasi Phalalu: ఈ రాశి వారు చేయని తప్పులకు నిందలు మోయాల్సి వస్తుంది!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 26.05.2025 సోమవారానికి సంబంధించినవి.
మేష రాశి ఫలాలు
ప్రయాణాల్లో ఆకస్మిక మార్పులు చేస్తారు. ఆరోగ్య సమస్యలు బాధిస్తాయి. బంధు మిత్రులతో మాట పట్టింపులుంటాయి. ఇతరులతో వివాదాలకు దూరంగా ఉండటం మంచిది. పుణ్యక్షేత్రాల దర్శనం చేసుకుంటారు. వ్యాపారంలో ఒత్తిడి పెరుగుతుంది. ఉద్యోగులకు ట్రాన్స్ ఫర్ లు తప్పవు.
వృషభ రాశి ఫలాలు
చిన్ననాటి మిత్రులతో సఖ్యతగా వ్యవహరిస్తారు. స్థిరాస్తి వ్యవహారాల్లో నూతన ఒప్పందాలు కలిసివస్తాయి. జీవిత భాగస్వామితో శుభకార్యాల్లో పాల్గొంటారు. కొత్త వ్యాపారాలు ప్రారంభించి లాభాలు అందుకుంటారు. ఉద్యోగులకు ప్రోత్సాహకాలు అందుతాయి.
మిథున రాశి ఫలాలు
ఆస్తి వివాదాలు తొలగి ఊరట లభిస్తుంది. వాహన వ్యాపారులు లాభాలు అందుకుంటారు. కీలక సమయంలో సన్నిహితుల సాయం అందుతుంది. కుటుంబ వాతావరణం ఆనందంగా ఉంటుంది. ఉద్యోగులకు హోదాలు పెరుగుతాయి. ఆకస్మిక ధన లాభం కలుగుతుంది.
కర్కాటక రాశి ఫలాలు
వృత్తి, వ్యాపారాలు ఉత్సాహంగా సాగుతాయి. కొన్ని పనులు ముందుకు సాగక నిరాశ కలుగుతుంది. కుటుంబ సభ్యుల ఆరోగ్య సమస్యలు బాధిస్తాయి. ప్రయాణాలు వాయిదా వేయడం మంచిది. ఇంటా బయట జాగ్రత్తగా వ్యవహరించాలి.
సింహ రాశి ఫలాలు
బంధువులతో వివాదాలు కలుగుతాయి. ఆరోగ్యం విషయంలో అశ్రద్ధ చేయడం మంచిది కాదు. వృత్తి, వ్యాపారాల్లో గందరగోళ పరిస్థితులు ఉంటాయి. కొత్త అప్పులు చేస్తారు. దూర ప్రయాణ సూచనలు ఉన్నాయి. ఉద్యోగంలో బాధ్యతలు పెరుగుతాయి.
కన్య రాశి ఫలాలు
చేపట్టిన పనులు అప్రయత్నంగా పూర్తవుతాయి. ఆధ్యాత్మిక కార్యక్రమాల్లో పాల్గొంటారు. ఉద్యోగ ప్రయత్నాలు ఫలిస్తాయి. నూతన పరిచయాలు పెరుగుతాయి. స్నేహితుల నుంచి ధన లాభం కలుగుతుంది. వృత్తి, వ్యాపారాల్లో లాభాలు పొందుతారు.
తుల రాశి ఫలాలు
దూర ప్రయాణాల వల్ల శ్రమ పెరుగుతుంది. బంధు మిత్రుల నుంచి ఒత్తిడి పెరుగుతుంది. కుటుంబ పెద్దల సహకారంతో కొన్ని పనులు పూర్తవుతాయి. వ్యాపారాలు లాభాల బాట పట్టడం కష్టంగా మారుతుంది. వృత్తి, ఉద్యోగాల్లో శ్రమ ఎక్కువ. ఫలితం తక్కువ.
వృశ్చిక రాశి ఫలాలు
నూతన వాహనాలు కొనుగోలు చేస్తారు. భూ సంబంధిత క్రయ విక్రయాల్లో ఆశించిన లాభాలు పొందుతారు. ఇంటా బయట ఆదరణ పెరుగుతుంది. అన్ని రంగాల వారికి ఆదాయం బాగుంటుంది. వ్యాపారాలకు పెట్టుబడులు అందుతాయి. ఉద్యోగాల్లో పదోన్నతులు పెరుగుతాయి.
ధనుస్సు రాశి ఫలాలు
ఉద్యోగుల విషయంలో అధికారుల నుంచి ఊహించని మాటలు వినాల్సి వస్తుంది. ప్రయాణాల్లో అవరోధాలు కలుగుతాయి. సోదరులతో వివాదాలు పెరుగుతాయి. వ్యాపారాల్లో నిరాశ తప్పదు. ఆధ్యాత్మిక చింతన పెరుగుతుంది. ఆర్థిక వ్యవహారాలు నిరాశ కలిగిస్తాయి.
మకర రాశి ఫలాలు
వ్యాపారాల్లో నూతన లాభాలు అందుకుంటారు. చేపట్టిన పనుల్లో అప్రయత్న కార్యసిద్ధి కలుగుతుంది. విలువైన వస్తు వాహనాలు కొనుగోలు చేస్తారు. ఉద్యోగంలో అనుకూల మార్పులు జరుగుతాయి. దేవాలయ దర్శనం చేసుకుంటారు.
కుంభ రాశి ఫలాలు
కీలక వ్యవహారాల్లో అంచనాలు నిజమవుతాయి. సన్నిహితుల నుంచి శుభకార్యాలకు ఆహ్వానాలు అందుతాయి. ఆకస్మిక ధన లాభం కలుగుతుంది. భూ సంబంధిత వివాదాల నుంచి బయటపడతారు. వృత్తి, వ్యాపారాలు ఉత్సాహంగా సాగుతాయి. ఉద్యోగులకు శ్రమకు తగ్గ గుర్తింపు లభిస్తుంది.
మీన రాశి ఫలాలు
కీలక వ్యవహారాలు నిదానంగా పూర్తవుతాయి. చేయని పనికి సన్నిహితుల నుంచి నిందలు ఎదుర్కొంటారు. ప్రయాణాలు అకస్మాత్తుగా వాయిదా పడతాయి. వృథా ఖర్చులు చేస్తారు. నూతన వ్యాపారాలు మందగిస్తాయి. వృత్తి, ఉద్యోగాల్లో చికాకులు పెరుగుతాయి.