Today Rasi Phalalu: ఈ రాశివారు మంచి మాటతీరుతో అందరిని ఆకట్టుకుంటారు!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 16.07.2025 బుధవారానికి సంబంధించినవి.
మేష రాశి ఫలాలు
పిల్లల చదువు విషయాల్లో శుభవార్తలు వింటారు. సోదరులతో సఖ్యతగా వ్యవహరిస్తారు. సమాజంలో పలుకుబడి పెరుగుతుంది. చేపట్టిన వ్యవహారాల్లో విజయం సాధిస్తారు. దైవ అనుగ్రహంతో వ్యాపారాలు లాభాలబాట పడతాయి. ఉద్యోగాల్లో ఆశించిన పురోగతి సాధిస్తారు.
వృషభ రాశి ఫలాలు
వాహన ప్రయాణాల్లో జాగ్రత్త అవసరం. చేపట్టిన పనుల్లో శ్రమ పెరుగుతుంది. చిన్ననాటి మిత్రులతో మాట పట్టింపులు ఉంటాయి. దాయాదులతో ఆస్తి వివాదాలు కలుగుతాయి. వృత్తి, వ్యాపారాలు నిరుత్సాహపరుస్తాయి. ఉద్యోగ ప్రయత్నాలు అంతగా అనుకూలించవు.
మిథున రాశి ఫలాలు
ముఖ్యమైన వ్యవహారాల్లో తొందరపాటు నిర్ణయాలు చేయడం మంచిది కాదు. ఇంటా బయట ఊహించని చికాకులు పెరుగుతాయి. దూర ప్రయాణ సూచనలు ఉన్నాయి. జీవిత భాగస్వామి ఆరోగ్యం విషయంలో శ్రద్ధ వహించాలి. వృత్తి, వ్యాపారాలు మందకొడిగా సాగుతాయి. ఉద్యోగాల్లో అధికారులతో సమస్యలు తప్పవు.
కర్కాటక రాశి ఫలాలు
ప్రయాణాలలో కొత్త వ్యక్తుల పరిచయాలు భవిష్యత్తుకు ఉపయోగపడతాయి. బంధు మిత్రుల నుంచి శుభవార్తలు వింటారు. చేపట్టిన పనుల్లో విజయం సాధిస్తారు. ఆర్థిక వ్యవహారాలు సంతృప్తినిస్తాయి. వృత్తి, వ్యాపారాలు అనుకూలంగా సాగుతాయి. ఉద్యోగ ప్రయత్నాలు ఫలిస్తాయి.
సింహ రాశి ఫలాలు
పిల్లలకు నూతన ఉద్యోగ అవకాశాలు లభిస్తాయి. విలువైన వస్తువులు కొనుగోలు చేస్తారు. చిన్ననాటి మిత్రుల రాక ఆనందం కలిగిస్తుంది. మంచి మాట తీరుతో ఇంటా బయట అందరినీ ఆకట్టుకుంటారు. సమాజంలో పెద్దల నుంచి ప్రశంసలు పొందుతారు. వృత్తి, వ్యాపారాలు సజావుగా సాగుతాయి. ఉద్యోగ బాధ్యతలు సమర్థవంతంగా నిర్వహిస్తారు.
కన్య రాశి ఫలాలు
దూర ప్రయాణాలు ఆకస్మికంగా వాయిదా వేస్తారు. కుటుంబ వాతావరణం గందరగోళంగా ఉంటుంది. ఆదాయానికి మించి ఖర్చులు పెరుగుతాయి. దీర్ఘకాలిక రుణ ఒత్తిడి పెరుగుతుంది. పుణ్యక్షేత్రాలను దర్శించుకుంటారు. వ్యాపారాలు మందగిస్తాయి. ఉద్యోగాల్లో పనిభారం పెరుగుతుంది.
తుల రాశి ఫలాలు
బంధు మిత్రులతో ఊహించిన మాటపట్టింపులు కలుగుతాయి. ఆర్థిక ఇబ్బందులు వల్ల నూతన రుణ ప్రయత్నాలు చేస్తారు. చేపట్టిన పనుల్లో వ్యయ ప్రయాసలు తప్పవు. ప్రయాణాలు వాయిదా వేయడం మంచిది. ఆధ్యాత్మిక సేవా కార్యక్రమాల్లో పాల్గొంటారు. వ్యాపారాలు, ఉద్యోగాలు అంతంత మాత్రంగా సాగుతాయి.
వృశ్చిక రాశి ఫలాలు
నిరుద్యోగులకు ఉద్యోగ యోగం ఉంది. సరైన ప్రణాళికతో అనుకున్న పనులను పూర్తిచేస్తారు. ఆదాయ మార్గాలు పెరుగుతాయి. ఒక వ్యవహారంలో దూరప్రాంత బంధుమిత్రుల నుంచి కీలక సమాచారం సేకరిస్తారు. వ్యాపారాల్లో ఉత్సాహంతో ముందుకు సాగుతారు. వృత్తి, ఉద్యోగాల్లో నూతన ప్రోత్సాహకాలు అందుతాయి.
ధనుస్సు రాశి ఫలాలు
వృథా ప్రయాణాలు చేయాల్సి వస్తుంది. బంధువులతో తొందరపడి మాట్లాడటం మంచిది కాదు. కొన్ని వ్యవహారాలు ముందుకు సాగక నిరాశ పెరుగుతుంది. ముఖ్యమైన వ్యవహారాల్లో ఆలోచనలు స్థిరంగా ఉండవు. దైవ దర్శనాలు చేసుకుంటారు. ఉద్యోగాల్లో అధికారులతో చర్చలు అంతగా అనుకూలించవు.
మకర రాశి ఫలాలు
ఆర్థికంగా అనుకూల వాతావరణం ఉంటుంది. పిల్లలు పోటీ పరీక్షల్లో విజయం సాధిస్తారు. కుటుంబ సభ్యుల నుంచి శుభవార్తలు అందుతాయి. ముఖ్యమైన పనులు అప్రయత్నంగా పూర్తి చేస్తారు. వ్యాపారాల్లో అంచనాలను అందుకుంటారు. ఉద్యోగులకు అనుకూలం.
కుంభ రాశి ఫలాలు
ఆరోగ్యం విషయంలో అశ్రద్ధ మంచిది కాదు. ముఖ్యమైన పనులు వాయిదా వేయడం మంచిది. దూర ప్రయాణ సూచనలు ఉన్నాయి. ఇంటా బయట చికాకులు పెరుగుతాయి. సోదరులతో స్థిరాస్తి వివాదాలు కలుగుతాయి. వృత్తి, ఉద్యోగాలు సామాన్యంగా సాగుతాయి. వ్యాపార విస్తరణ ప్రయత్నాలు మందగిస్తాయి.
మీన రాశి ఫలాలు
ఆర్థిక వ్యవహారాలు గతం కంటే మెరుగ్గా ఉంటాయి. సన్నిహితుల నుంచి అవసరానికి డబ్బు సహాయం అందుతుంది. దీర్ఘకాలిక రుణాలు తీర్చగలుగుతారు. ఆప్తుల నుంచి శుభకార్యాలకు ఆహ్వానాలు అందుతాయి. వ్యాపారాలకు నూతన పెట్టుబడులు అందుతాయి. ఉద్యోగంలో అధికారుల అనుగ్రహంతో హోదాలు పెరుగుతాయి.