డీజే టిల్లుగాడికి హ్యాండిచ్చిన శ్రీ లీల.. సీక్వెల్ నుంచి ఔట్.?
`పెళ్లిసందడి` భామ శ్రీ లీల ప్రస్తుతం వరుస సినిమా అవకాశాలతో దూసుకుపోతుంది. ఈ క్రమంలో ఈ క్యూట్ బ్యూటీ `డీజే టిల్లు`కి హ్యాండిచ్చిందట.
టాలీవుడ్లోకి సైలెంట్ గా దూసుకొచ్చింది శ్రీలీల. క్యూట్ అందాలతో తెలుగు ఆడియెన్స్ ని ఫిదా చేసింది. `పెళ్లి సందడి` సినిమాతో ఆకట్టుకున్న శ్రీ లీలకి వరుసగా అవకాశాలు వచ్చాయి. స్టార్ హీరోలతోనూ ఆఫర్లు వచ్చాయి. ఓవర్ నైట్లో స్టార్ ఇమేజ్ని సొంతం చేసుకుంది. ఈ క్రమంలో ఆమె `డీజే టిల్లు` సీక్వెల్లో నటించే ఛాన్స్ దక్కించుకుంది.
ఇటీవల విడుదలైన `డీజేటిల్లు` సినిమా భారీ విజయాన్ని సాధించిన విషయం తెలిసిందే. సిద్ధు జొన్నలగడ్డ, నేహా శెట్టి జంటగా నటించిన ఈ చిత్రం అతి తక్కువ బడ్జెట్తో రూపొంది ఊహించని విధంగా భారీ కలెక్షన్లని సాధించింది. దీంతో ఈ సినిమా సీక్వెల్పై అంచనాలు నెలకొన్నాయి. అందులో శ్రీలీల హీరోయిన్గా నటించే అవకాశాన్ని అందుకుంది. ఆమె ఓకే చెప్పడమే కాదు, ఏకంగా షూటింగ్ వరకు వెళ్లిందట. కానీ ఊహించని విధంగా `డీజే టిల్లు 2` నుంచి శ్రీ లీల వైదొలిగినట్టు సమాచారం.
కారణాలు తెలియనప్పటికీ షూటింగ్ స్టార్ట్ అయిన రెండు రోజులకే ఆమె ఈ ప్రాజెక్ట్ నుంచి వైదొలిగినట్టు సమాచారం. ప్రస్తుతం ఈ వార్త సోషల్ మీడియాలో చక్కర్లు కొడుతుంది. శ్రీ లీల బయటకు వెళ్లిపోవడంతో మరో హీరోయిన్ కోసం చిత్ర బృందం అన్వేషిస్తుందట. ప్రస్తుతం హీరోయిన్ని కోసం ప్రయత్నాలు జరుగుతున్నాయని సమాచారం. విమల్ కృష్ణ దర్శకత్వం వహిస్తున్న ఈ చిత్రంలో సిద్ధు హీరోగా నటిస్తున్న విషయం తెలిసిందే.
శ్రీలాల చేతిలో ఇప్పుడు పలు క్రేజీ ప్రాజెక్ట్ లున్నాయి. మాస్ మహారాజా రవితేజతో `ధమాకా` చిత్రంలో నటించింది. ఈ సినిమా విడుదలకు రెడీ అవుతుంది. దీంతోపాటు `అనగనగా ఒక రోజు` చిత్రంలో నటిస్తుంది. అలాగే గాలి జనార్థన్రెడ్డి తనయుడు కిరీటి రెడ్డి హీరోగా పరిచయం అవుతున్న సినిమాలోనూ హీరోయిన్గా ఎంపికైందని సమాచారం. మరోవైపు ప్రభాస్తో మారుతి చిత్రంలో ముగ్గురు హీరోయిన్లలో ఓ కథానాయికగా నటించబోతుందని సమాచారం.