Nikhil: నిఖిల్ కూడా పాన్ ఇండియా హీరోనే... ఇదిగో ప్రూఫ్!
కార్తికేయ 2 బాక్సాఫీస్ ని షేక్ చేస్తుంది. మూడు రోజుల్లో బ్రేక్ ఈవెన్ సాధించిన నిఖిల్ చిత్రం భారీ లాభాలు పంచడం ఖాయంగా కనిపిస్తుంది. హిందీలో ఈ మూవీ సక్సెస్ సాధించడంతో కార్తికేయ కూడా పాన్ ఇండియా హీరోనే అంటున్నారు.
పాన్ ఇండియా హీరోకి ఇప్పుడు డెఫినిషన్ ఏర్పడింది. ఓ హీరో మూవీ హిందీలో విజయం సాధిస్తే పాన్ ఇండియా స్టేటస్ వచ్చినట్లే. దేశంలో బాలీవుడ్ అతిపెద్ద మార్కెట్ గా ఉంది. నార్త్ ఇండియాలో ఒక హీరోకి గుర్తింపు, మార్కెట్ ఏర్పడితే ఆయన పాన్ ఇండియా హీరోనే. టాలీవుడ్ నుండి ప్రభాస్, ఎన్టీఆర్, రామ్ చరణ్, అల్లు అర్జున్ పాన్ ఇండియా హీరోల లిస్ట్ లో చేరారు. ప్రభాస్ నటించిన బాహుబలి సిరీస్, సాహో అక్కడ విజయం సాధించాయి. పుష్ప విజయంతో అల్లు అర్జున్ ఈ లీగ్ లో చేరారు. ఆర్ ఆర్ ఆర్ మూవీతో ఎన్టీఆర్, రామ్ చరణ్ ఆ ఇమేజ్ సొంతం చేసుకున్నారు.
కాగా టైర్ టూ హీరోలు కూడా పాన్ ఇండియా ఇమేజ్ కోసం ప్రయత్నం చేస్తున్నారు. విజయ్ దేవరకొండతో పాటు మరికొందరు హీరోలు హిందీలో తమ చిత్రాలు విడుదల చేస్తున్నారు. కార్తికేయ 2 విజయంపై ఎంతో నమ్మకంతో ఉన్న టీం హిందీ వెర్షన్ విడుదల చేశారు. అక్కడ కనీస ప్రమోషన్స్ నిర్వహించలేదు. ఈ కారణంగా పూర్ ఓపెనింగ్స్ దక్కాయి. అయితే పాజిటివ్ వర్డ్ ఆఫ్ మౌత్ తో కార్తికేయ 2 రెండో రోజు నుంచి పుంజుకుంది. భారీ గ్రోత్ తో రూ. 7 లక్షలు, 28 లక్షల నుండి ఏకంగా రూ. 1.2 వసూళ్లకు చేరుకుంది.
అక్కడ కార్తికేయ 2 సంచలన విజయం వైపుగా అడుగులు వేస్తున్న తరుణంలో హీరో నిఖిల్ పాన్ ఇండియా ఇమేజ్ సొంతం చేసుకుంటారని కొందరు అంచనా వేస్తున్నారు. కాబట్టి నిఖిల్ కూడా పాన్ ఇండియా హీరోనే అంటున్నారు. నెక్స్ట్ నిఖిల్ ఓ భారీ స్పై థ్రిల్లర్ చేస్తున్నారు. ఇది పాన్ ఇండియా చిత్రంగా ప్రకటించారు. కార్తికేయ 2 విజయం ఆ మూవీకి చాలా ఉపయోగపడుతుంది అనడంలో సందేహం లేదు. ఇక కార్తికేయ చందూ మొండేటి దర్శకత్వం వహించగా అనుపమ పరమేశ్వరన్ హీరోయిన్ గా నటించారు. 2014లో విడుదలైన కార్తికేయ చిత్రానికి సీక్వెల్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
