చిత్రం : విన్నర్ జేనర్ : యాక్షన్ డ్రామా నటీనటులు : సాయి ధరమ్ తేజ్, రకుల్ ప్రీత్ సింగ్, ఠాకూర్ అనూప్ సింగ్, జగపతి బాబు, ముఖేష్ రుషి సంగీతం : ఎస్. తమన్ దర్శకత్వం : గోపిచంద్ మలినేని నిర్మాత : నల్లమలపు బుజ్జి, ఠాగూర్ మధు ఏసియానెట్ రేటింగ్- 3/5
కథ...
మహేందర్ రెడ్డి (జగపతి బాబు) ఇండియాలోనే బెస్ట్ జాకీ. వందల కోట్ల ఆస్తులకు వారసుడు. తను ప్రేమించిన అమ్మాయి కోసం తండ్రి (ముఖేష్ రుషి)ని ఎదిరించి ఆస్తులు, అంతస్తులు అన్నీ వదిలేసి ఇంటి నుంచి వెళ్లిపోతాడు. కొడుకు సిద్ధార్థ్ పుట్టిన తరువాత భార్య చనిపోవటంతో కొడుకే ప్రపంచంగా బతుకుతుంటాడు. మహేందర్ రెడ్డి తండ్రికి బిజినెస్ లో భారీగా నష్టాలు వస్తాయి. వరుసగా తాము బెట్టింగ్ వేసిన గుర్రాలు ఓడిపోతుండటంతో మహేందర్ రెడ్డి వస్తేనే తిరిగి బిజినెస్ లాభల్లోకి వస్తుందని వ్యాపార భాగస్వాములు ఒత్తిడి చేస్తారు.
అయితే మనవడంటే కోపం పెట్టుకున్న ఆ తాత తన కొడుకు నుంచి ఎలాగైన మనవన్ని దూరం చేయాలని ప్లాన్ చేస్తాడు. అనుకున్నట్టుగానే తండ్రి కొడుకుల మధ్య దూరం పెంచి సిద్ధార్థే, తండ్రి మీద కోపంతో ఇల్లు వదిలి వెళ్లిపోయేలా చేస్తాడు. రేసుల కారణంగా తనకు దూరమయ్యాడన్న కోపంతో తండ్రి అన్నా, గుర్రాలన్నా, రేసులన్నా ద్వేషం పెంచుకుంటాడు సిద్ధార్థ్.
ఆ తరువాత సిద్ధార్థ్ ఓ పత్రికలో క్రియేటివ్ హెడ్ గా పనిచేస్తుంటాడు. ఒక పార్టీలో కలిసిన రేసర్ సితారతో తొలి చూపులోనే ప్రేమలో పడిపోతాడు. కానీ సితార మాత్రం తన గోల్ గురించి చెప్పి సిద్ధార్థ్ ప్రేమను కాదంటుంది. ఆ కోపంతో సితార రన్నింగ్ కాంపిటీషన్ కు రెడీ అవుతున్న విషయం వాళ్ల ఇంట్లో చెప్పేస్తాడు. దీంతో సితార తండ్రి రాజీవ్ రెడ్డి ఆమెకు వెంటనే పెళ్లి ఫిక్స్ చేస్తాడు. పెళ్లి నుంచి తప్పించుకోవాలనుకున్న సితార.. తాను సిద్ధార్థ్ ను ప్రేమించానని.. మీరు తీసుకువచ్చిన పెళ్లి కొడుకు తన ప్రియుడితో రేసులో గెలవాలని పందెం కాస్తుంది.
మరి రేసు గుర్రాలన్నా నాన్న అన్నా అస్సలు ఇష్టం లేని హీరో... రేసులో ఎందుకు పాల్గొన్నాడు. నాన్న కోసం ఎందుకు పరితపించాడు. చివరికి తండ్రి, కొడుకులు కలిశారా అనేదే మిగతా కథ.
నటీనటులు...
సుప్రీం హీరో సాయి ధరమ్ తేజ్.. తన ఎనర్జిటిక్ పర్ఫామెన్స్ తో ఆకట్టుకున్నాడు. ముఖ్యంగా హార్స్ రైడింగ్ సీన్స్ కోసం సాయి పడిన కష్టం తెర మీద కనిపించింది. ముఖ్యంగా క్లైమాక్స్ సీన్స్ లో సాయి ప్రొఫెషనల్ జాకీలా కనిపించాడు. హీరోయిన్ గా రకుల్ ప్రీత్ సింగ్ ఆకట్టుకుంది. నటనతో పాటు గ్లామర్ షోతోనూ అలరించింది. ఎద, నాభి అందాలే కాక ఇంకా బానే అలరించింది. జగపతి బాబు మరోసారి తండ్రి పాత్రలో ఒదిగిపోయాడు. ఎమోషన్స్ బాగా పండించాడు. విలన్ ఠాకూర్ అనూప్ సింగ్ స్టైలిష్ గానూ... అదే సమయంలో క్రూయల్ గానూ కనిపించాడు. ముఖ్యంగా హార్స్ రైడింగ్ సీన్స్ లో ధరమ్ తేజ్ కి గట్టి పోటి ఇచ్చాడు. వెన్నెల కిశోర్, అలీ, 30 ఇయర్స్ పృథ్వీల కామెడీ ఆకట్టుకుంది. ఇతర పాత్రల్లో ముఖేష్ రుషి, సురేష్ తమ పరిథి మేరకు ఆకట్టుకున్నారు.
సాంకేతిక నిపుణులు...
డాన్ శీను, బలుపు లాంటి సూపర్ హిట్ లతో పాటు.. బాడీగార్డ్, పండగ చేస్కో లాంటి యావరేజ్ సినిమాలను అందించిన గోపిచంద్ మలినేని మినిమమ్ గ్యారేంటి దర్శకుడిగా గుర్తింపు తెచ్చుకున్నాడు. పక్కా కమర్షియల్ ఫార్మాట్ లో సినిమా చేసే గోపిచంద్ విన్నర్ లోనూ అదే ఫార్ములాను కంటిన్యూ చేశాడు. ఫస్ట్ అంతా కామెడీ, లవ్ ట్రాక్ లతో లాగించేసిన దర్శకుడు ఇంటర్వల్ లో అసలు కథలోకి ఎంటర్ అయ్యాడు. అప్పటి వరకు వచ్చిన సీన్స్ అన్ని రొటీన్ గా అనిపించటం కాస్త బోర్ కొట్టిస్తుంది. సెకండ్ హాఫ్ లో కథలో వేగం కనిపిస్తుంది. తమన్ మ్యూజిక్ ఆకట్టుకునే స్థాయిలో లేదు. చోటా కె నాయుడు సినిమాటోగ్రఫి బాగుంది. హార్స్ రేస్ సీన్స్, సాంగ్స్ లో విజువల్స్ చాలా బాగున్నాయి. ఎడిటింగ్ విషయంలో కూడా ఇంకాస్త కేర్ తీసుకోవాల్సింది. నిర్మాణ విలువలు కథకు తగ్గట్టుగా ఉన్నాయి.
ప్లస్ పాయింట్స్...
సాయి ధరమ్ తేజ్, జగపతి బాబు నటన
రకుల్ ప్రీత్ సింగ్ గ్లామర్
హార్స్ రేస్ సీన్స్
మైనస్ పాయింట్స్...
రొటీన్ టేకింగ్, కథలో వేగం మందగించడం
చివరగా...
విన్నర్.. రొటీన్ కమర్షియల్ ఫార్ములా సినిమా
